Chok王心得｜石廄積弱忍得就忍 - 洪禮賢

2022/02/21 04:46:42 網誌分類: 生活

21 Feb

目前處於練馬師榜下游位置的幾人當中，何良與鄭俊偉因為手上兵力有限，目前擁馬量不足四十隻，成績差相當合理，反而高伯新和蘇保羅季內贏得十場八場，真係唔多啱數。事關高伯新現有四十餘駒，蘇保羅亦有四十駒，並非限米煮限飯，竟然淪為下游分子，實在太奇怪。

另一估佢唔到係徐雨石，石哥養馬量五六十隻，惟開季至今僅贏八W，令人大感意外，而自從十二月十八日勝出「激賞」之後，足足有兩個月無發市！在這段「真空」期內，石廄馬上名次數也不多，只有十駒跑獲二三名，多數是冷門馬，例如五十六倍「莎皇者」、廿八倍「天地同心」、廿九倍「電訊巴打」等。究竟石哥發生咩事，令到成績大倒退？筆者真係唔多了解，只知道積弱係事實。至於何日可以在低位反彈呢？更加唔會估到，我們唯一可以做的便是「以退為進」，每當喜歡石廄馬的時候，有必要停一停、諗一諗，可以唔買就唔買，忍唔到手就減注，無謂同荷包作對。
洪禮賢