Tun Tun 自述
2008/06/13 16:54:51 網誌分類: 流貓部屋
| ||
唔駛講你地都可能識我啦!我係 Tun 哥。 我諗有睇開我老竇 (艾小林)個 Blog 嘅都應該睇過「Tun Tun的故事」。 係,我就係故事中果個主角。
我個底你地都起曬,所以我都冇乜好講。只係想話俾你地知以後有機會見到我,要叫我 Tun 哥 , Tun Tun唔喺你地叫嘅。仲有,見到街邊著住我嘅制服嘅。唔該你地都行埋去打個招呼 (say hi),因為佢地係我D靚。
我嘅制服式樣如下 (慎防A貨,要認明四蹄踏雪同著住姐姐亞媽里禮服至係正貨)
有D嘢艾理斯冇提過嘅,就係我喺「愛殺動物協會」死過翻生嘅經歷。我遲D會寫篇「虎口餘生記」嚟賺吓錢,你地唔睇都要買呀!
臨走前,有幾樣嘢要提醒你地嘅﹕ 1. 我係著咗踢死兔嘅白貓,唔係黑白貓。 2. 我係貓,唔係豹。 3. 我讀得書少,唔好恰我。 4. 見到我要叫 Tun 哥, Tun Tun唔係你地叫嘅。 5. 喺街見到我D靚,要主動走埋去 Say Hi。
今日講住咁多先,係咁先。反黑組阿 King Sir 約咗我去飲咖啡。
|
拳頭大過黑頭?!?! 好比喻! 勁!