3月股災

soho* 2022/03/11 07:53:06

留意大鱷操控大市的手法

周三大插低見20102, 即市拗腰收窄跌幅報20627, 由低位反彈約500點

周四大裂口高開近500點, 高見21114打回頭

市弱由低位彈600~800點, 今次由低位20102已彈了千點, 超標皆因靠裂口高開,唔係靠買盤慢慢推上去

昨日上到21100養牛熊, 結果好友入局, 牛多熊少, 牛在20700,熊在21100, 牛肥熊瘦

周三四由低位20102推上21114的快閃手法, 根本冇乜人賺到呢浸升幅, 但卻成功誤導股民, 好友紛紛買上, 又中伏了

昨日空軍推上去加沽, 亦有好友逃命

soho* 2022/03/10 22:29:06

咁多不明朗因素，已經升咗1天啦！點解仲要北上(買上)？

~ 今晚美國公佈cpi，令人擔心

~ 下周聯儲局議息，金融市場仍會大幅波動

~ 美國十年期債息昨晚重上1.95%

~ 18/3 富時全球股票指數季檢

~ 由2月18日起，恆指每次只升1天, 未見過連升兩天

~ 目前係港股業績高峰期，隨時見光死累街坊

~ 今年科指升1-3日就回落，目前已連升2日

投資高手 2022/03/10 11:22:46

今天報導話18000先至係底。3月尾配合周期出現。因為去年8月恒指出現「真死叉」，參考對上9次可見，訊號發出後至恒指見熊市底部需時間中位數與平均數為143及127交易日，2008年金融海嘯則需時147日，跟中位數相若。而今次「真死叉」已經歷134個交易日。換言之，若以中位數計，是次熊市底部出現的時間大概在本月下旬。

匿名2022年3月10日 下午1:55

今日京東公佈業績，加上美國十年期債息昨晚重上1.95%，科企受壓，科指今年通常升1-3天就回落，昨日已升了一天～元帥

匿名2022年3月10日 下午1:57

今早高見21114,剛好受制於武漢封城低位21139，昨日埋單21100-21800冇熊咖！～元帥

9/3周三恆指收20627，連跌4日，國指連跌6日，災味甚濃

港股連日急跌，嚴重超賣，跌到現水平沽空仍高企，後市不妙，等死貓彈完續尋底，今次股災跌浪20000大關危危乎，周四貼價牛20700及熊21100出世，本周中港股市收跌巳無懸念，淡友仍主導大市

匿名2022年3月9日 下午3:57

插埋今日呢棍，20000大關樓上的牛牛已死咗九成九，險些絕子絕孫，加上美期急升，港股午後拗腰向上～元帥

8/3周二港股嚴重超賣

由2021年起, 科指最長七連跌, 見過多次五連跌都有反彈, 目前科指已是五連跌, 即係隨時會反彈, 只要科指出院, 港股就會有彈高吃

過去幾周每星期恒指升1~2天, 目前周一二都係收跌, 即係未來三天不會全跌, 加上港股嚴重超賣, 亦預示反彈在望, 其實今早見多隻成份股表現都唔錯, 可能係空軍平倉, 亦有可能係博反彈盤進場, 要不是美期及內地股市午後反艇, 今日港股理應收升

內地股市等阿爺打救， 只要阿爺出院，港股跌勢就可喘定，但周波幅仍未達標，恆指一係插穿20639, 一係升穿21327來擴大週波幅, QQ尋底.港股尋底

本週連一向硬淨的內銀等金融股都暴跌，主因係 內地調低 經濟增長目標，加上老美可能將加息幅度由0.5％改為0.25％，由於金融板塊早前強勢，累積龐大升幅， 所以大鱷及基金就沽貨止賺

2022/03/09 14:39 烏克蘭總統澤連斯基：早已不再堅持加入北約

烏克蘭希望加入北約，是俄羅斯對烏展開軍事行動的導火線。外界相信，澤連斯基的言論可能對俄羅斯停火有正面幫助。

今日恆指續插係擴大月波幅，因為昨日落到20826仍未夠數

美期今早由升轉跌，午後大插，拖累中港股市反艇，老外連續兩日大手沽出A股走鬼

歐洲班傻鬼佬跟錯老美大佬，制裁玩出禍，歐洲經濟必死，歐元跌跌不休，推美元上99水平

4/3 股民入市意慾極低, 因為

~ 本港疫情大爆發, 病了, 仲點會有心情入市

~ 全港股民皆艇, 失業, 冇錢炒股

~ 俄烏戰情凶險, 不但影響全球資金流, 亦會令通脹加速上升, 不利經濟

~ 老外假文宣全力針對俄羅斯, 想拉理中國落水, 說中俄是一伙

~ 基金經理認為未見底, 不敢入市, 少了一條大水喉, 削弱港股低位的承接力

~ 元帥早已預測港股會深潛, 衰過武漢封城那次

~ 牛牛不斷湧入博反彈, 拉住港股後腿

~ 昨日上証略為升穿3500就打回頭, 如果上証向下走, 淡友就可借勢出手

港股熊市運行超過一年後, 雖然恒指仍未插穿2020年低位21139, 不過以周線計, 周五(25/2)收22767, 表現仲衰過2020年武漢封城, 恒指係俾科指及國指推落地獄

以月及年波幅計, 恆指不可能守得住22000, 要向前底21139進發, 如果俄烏及本港疫情進一步惡化, 就要插穿21139落地獄, 元帥一直說擔心QQ未破底是後患

拜登激起普京把火，烏克蘭立立亂，拜登呢招終於令美元急升，全球股市深潛, 港滙進一步走弱，代表熱錢加速流走

~~~~~~~~~~~~~~~~~~~~~~~~~~~~~~~~~~~~~

匿名2022年3月2日 下午1:54

港元一個月拆息連升六日，再創逾一年高位， 加上本港疫情大爆發，係近日本地地產股遭洗倉的主因

昨日已說基金經理持觀望態度，唔敢入市掃貨，少咗呢條大水喉，所以港股彈散 ～元帥

匿名2022年3月2日 下午1:05

昨午飛上22937,剛出世的熊陣亡，推上去亦可能係為了開淡倉及養牛，今早殺了22500附近牛牛

熱錢回流美國，美元上升，挑戰98水平，不利新興市場貨幣，港滙下跌，匯市形勢不妙

匿名2022年3月2日 下午6:32

俄烏局勢不妙，資金外流，感覺上目前阿爺冇打算撐港股，港股係提款機，托市只會益咗熱錢大鱷

今鋪普京及拜登都係唔輸得，所以雙方都企硬唔肯讓步，趴街耶媽建議再加碼制裁俄羅斯，係火上加油

西方傳媒全面唱衰俄佬，對北約歐美烏理虧的卻隻字不提，假文宣滿天飛，極度煽情，係趕狗入窮巷，後果不堪設想

大家應以股災模式來分析市況～元帥

======================

二月下旬港股業績期揭開序幕, 除了業績見光死外, 公布業績前一個月禁止股東買賣股份, 冇回購護盤, 所以港股就創新低

元帥 2022年2月22日 上午9:24

有災味，50天線不可能守得住

======================

soho* 2022/02/18 23:58:06

基金經理英爺日前宣布封咪, 並表示旗下的基金今年開局重傷, 皆因持倉涵蓋全球主要金融市場, 股市唔跟章法, 不斷急升暴跌, 股份經常升跌5~10%, 持倉美股佔比高, 港股亦大上大落, 無啦啦急升急瀉, 基金因而重創,

英爺表示過去十多年從未見過市場這麼情緒化, 股市表現極度反常, 導致股市非常難炒, 英爺基金往績素來表現甚佳, 經得起風浪, 但今次竟然反艇, 大家入市真係要萬分小心

股災

匿名2022年3月4日 下午4:37

如果係股災，呢個係合理目標，亦係元帥一直所說如果做8000點年波幅就要落20xxx水平才啱數，甚至更低，丁蛇去年已預測會隊穿20000大位

你哋愛炒迪迪仔，我卻唔敢掂，因為我認為去年強勢升過龍的股份正路今年不會好，去年低位吸貨的大鱷現水平沽出仍大賺，迪迪仔蟹貨太多，壓住股價

俄烏開戰令供應鏈中斷及大幅漲價，原來唔少汽車原材料都是來自俄烏，所以大眾及寶馬一些汽車生產線已停產

日前元帥已說俄烏開戰會拖累全球大量企業，如今連生活用品IKEA 宜家、H＆M、Nike、蘋果都宣布停止俄羅斯的銷售

制裁陸續有來，範圍大到難以想像，影響深遠，勢必拖垮全球經濟，拜登對付俄羅斯係損人亦害己～元帥

線上支付巨臂 PayPal停止在俄羅斯提供的服務, Visa 和萬事達卡.亞投行及新開發銀行暫停與俄羅斯業務, 微軟停俄羅斯銷售

西班牙第二大服飾零售業商 Mango,及第三大服飾品牌 Tendam, 路易威登集團(LVMH),及主要對手海恩斯莫里斯公司(H&M), ZARA 母公司暫停在俄業務

馬莎停止向俄羅斯分店供貨, 加拿大零售商 Canadian Tire 也暫停俄羅斯 41 間分店的運作。德國化工巨擘巴斯夫(BASF)暫停俄羅斯與白羅斯的運作。

~~~~~~~~~~~~~~~~~~~~~~~~~~

Unknown2022年3月4日 上午1:40

正如之前分析226係一條長期上升軌一但收穿代表一個趨勢逆轉而且係我玩咁耐都未見過既大熊市

miumiu2022年3月4日 下午3:15

睇了下年線，近期只有2008，09年曾穿了穿20年線，現在20年線係21850附近，今日有觸碰。今日魔笛來吹，指恆指最悲觀要到19500，但到達最悲觀的可能性只有20%。

裙甩褲甩2022年3月4日 下午4:07

魔笛吹港股19500，亦開始有KOL吹港股20樓樓下見。