古星輝
古星輝
古星輝

乜都5G|5G在MWC技驚四座 - 古星輝

2022/03/04 04:13:02 網誌分類: 經濟
04 Mar
        對於全球電訊業者,由全球移動通信系統協會(GSMA)舉辦嘅世界移動通訊大會(Mobile World Congress, MWC)絕對有前瞻性,各大品牌都會藉著呢個平台展示最新產品,絕對吸引眼球。疫情下,MWC 2020取消舉行,MWC 2021則延至去年中舉行,到了MWC 2022終於回歸二三月。今年參展商數目超過1500間,而GSMA預計會吸引到來自150個國家嘅六萬名業界人士出席。從各方資料所得,今年MWC大致有四大亮點。
見得人嘅5G調酒師

機械人相關應用方案愈來愈普及,但今次西班牙電訊商喺會場展示嘅5G調酒師,絕對夠話題。在場參觀者向調酒師揀選心水飲品,轉個頭返嚟,調酒師認到參觀者樣貌就會遞上飲品。

佢能夠咁做,係因為結合咗ABCDE入面其中一個重要元素—邊緣運算(Edge computing),透過5G網絡超高速極低時延嘅傳送,調酒師就可以做到好多即時嘅運算,例如佢可以透過鏡頭記錄參觀者嘅樣貌、選擇、喜好及語言,當來賓再次出現,調酒師好快可以辨認到參觀者,並準備佢喜歡嘅飲品,以及即時轉channel,用返佢嘅語言溝通,咁醒嘅調酒師去邊度搵!
智慧汽車整裝待發

咁大個展覽,又點會少得元宇宙,近年進軍VR界嘅HTC宣佈會推出一個元宇宙平台,用戶既可以喺入面買NFT作品,又可以透過虛擬化身進行虛擬會議。更厲害嘅係佢哋將會同高雄市政府合作推出「元宇宙造鎮計劃」,在元宇宙打造另一高雄市,將當地嘅藝文、觀光及運動等服務逐步加入,日後真係可以用眼睛去旅行!

聽過無數次嘅智慧汽車,今次都有啲新進展,晶片公司Qualcomm宣佈推出車連雲端服務(Car-to-Cloud Services)以及車用WiFi 6E晶片,鎖定搶攻智慧汽車市場,喺晶片加入5G功能,只係時間問題。
內地5G手機技驚四座

Samsung喺MWC前公佈新機,而Sony就事先預告唔會出現,所以今年喺會場嘅手機商,以幾個內地品牌為主,包括HONOR、realme、TCL、小米同OPPO等,而佢哋例如雙向摺芒,以及九分鐘左右就可以將手機電池充滿嘅極速充電技術,真係可以話技驚四座!
和記電訊香港行政總裁
古星輝
■西班牙電訊商會場上展示的5G調酒師,懂辨認參觀者樣貌。p/  
 ■西班牙電訊商會場上展示的5G調酒師,懂辨認參觀者樣貌。

   

回應 (0)
我要發表
user

網誌分類