港股落地獄

2022/03/13 20:40:16 網誌分類: 經濟
13 Mar

14/3周一恆指收19531,跌1022點

2月一直說QQ未破底是後患,是港股的計時炸彈,3月炸彈終於爆炸,破位而下,推港股落地獄

早前落到22500,22000,21500,21000,20500,20000, 站站都有分析師唱見底,唱會有反彈,散戶站站入貨, 彈盡糧絕,全面坐艇

2月尾元帥說股災唔好再炒,當時就應沽貨撤退,但跌勢實在太急,裂口急挫大插,不斷底頂下移,唔俾靚位股民走貨,結果愈蝕愈多

今日港股沽空超過20%(高達$454億),又爆燈,預示港股後市不妙

恆指向2016年低位18278進發,以目前指數計,代表過去幾年入貨要輸,所以投資者持倉見仍有盈利就鬥快走貨止賺,人踩人恐慌性拋售

試想想,假如連長線投資者/機構投資者都走貨,股災市深不見底,股民不敢持重倉,紛紛減磅,沽壓有多大真係不敢想像

周末睇咗唔少財經視頻,基金經理及著名投機/投資高手上周都大手減倉(止賺止蝕)或利用期權來對沖持倉

澳洲退休基金沽出中國股票,我估連歐美資金都撤走,這就可解釋為何中港股市跌到阿媽都唔認得

溫馨提示: 股災呀!點會畀技術派計算到個支持位係邊度呀!

過去兩個多星期元帥不斷提醒大家今次係股災,但近日卻見大家入貨,甚至早已持重倉咁勇,其實有冇諗過假如俄烏戰爭演變下去,不斷惡化至一發不可收拾,又或者禍及中國,再加埋老美踢走中概股繼續發酵,後果不堪設想

萬一仲有幾千點跌幅,你哋仲有冇子彈執平貨?心理上頂唔頂得順持倉輸了一半?凡事應作最壞打算

~~~~~~~~~~~~~~~~~~~~~~~~~~~~~~~

史哥曾預測上證2021年線收跌,結果收升報3639, 我就係擔心要來的始終要來,今次虎(苦)年負面因素太多,去年上證冇跌,今年或會補跌,2022年上證會不會向3000大位進發呢?上證今日收報3223

睇下內地消費股ETF#2806過去一年的走勢圖,超樣衰,在在反映中國經濟轉差,裁員潮,打貪,疫情、企業受西方制裁…… 呢隻ETF持續捱沽,皆因重倉茅台、五糧液、比亞迪、創科實業、李寧、蔚來汽車、格力電器、百勝中國、山西汾酒、安踏體育

香港百業蕭條,假如你係店舖業主、商店老闆、 員工,冇錢開飯可以點做?如果手上有股票,梗係沽貨套現來開飯啦!大戶小散戶齊齊沽貨,港股死得

~~~~~~~~~~~~~~~~~~~~~~~~~~~~~

制裁俄羅斯越演越烈,拜登當然明白俄羅斯只能 靠攏中國,所以明言或會制裁與俄羅斯有業務來往的中資企業

看來呢隻老鬼想一箭雙鵰解決中俄,睇見近日中資股閒閒地跌一兩成,連QQ都腰斬,血流成河,慘不忍睹,股災市連支持位都撐唔住

歐洲佬死蠢跟埋大佬去癲, 經濟冇眼睇, 歐元下跌, 美元急升, 重上99水平, 人民幣港元齊齊反艇, 滙市形勢利淡港股

~~~~~~~~~~~~~~~~~~~~~~~~~~~

點解港股嚴重超賣都彈唔起呢?

終於想通了, 我估其中一個原因係大鱷唔想股民做淡, 想股民博反彈買上, 因為只要一直唔彈高, 股民就會覺得隨時會有技術性反彈, 因而買上, 唔敢買跌, 加上插穿21000後市場上有唔少見底唱好的言論,股民就更加唔敢做淡

大鱷奸計得逞, 部署殺跌, 牛多熊少, 全民皆艇, 成手蟹,一個二個股民都中伏了,

就算俄烏講掂數, 但制裁俄羅斯是不會撤的, 對全球已做成了深遠的負面影響, 傷害極大, 農產品大宗商品價格飆升, 削弱企業盈利, 制裁俄羅斯, 西方國家在俄資產被俄沒收, 通脹升溫, 皆不利經濟, 股市下降趨勢已形成, 就算有死貓彈, 彈完都要落山

{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}

11/3周五恆指收20553

大家唔好當港股係正常市況來分析,股災模式係跌到你唔信,記得網友miumiu曾貼文說早前魔笛吹落19500,但機會只係20%,如今俄攻烏正正係冇人估中,20%的黑天鵝事件正在發生,不但會見19500,更會插穿19000向18000進發

過去3日收市都企20600關健大位之上,如今卻收於其下, 代表好友已陣亡,向下已無乜險可守,港股已進入3月股災深潛期

點解上証跌到走樣? 上周3300及3200都輕易插穿, 外資食胡撤資係其中一個原因, 內地經濟轉差才是真正死因,美元走強,人民幣有轉弱跡象

去年港股於2月初立春後見頂回落,今年亦唔例外,10/2/2022見頂25050後反覆急挫,28/2/2022低見22406,踏入3月份續瀉,接連插穿多個支持大位, 沽壓非常沉重,連北水大媽的買盤都頂唔住沽壓, 科指及國指弱到不得了,係推恆指落地獄的元兇,而去年牛氣衝天的美股亦步入熊市,在美上市中概股暴跌,洗倉式急瀉,拖累港股,而內地股市破位而下, 亦令港股沽壓加 劇

俄烏戰爭導致 商品市場、股滙債市大幅波動,好淡通殺,斬倉盤湧現,金融股勢必損手,所以近來 呢個板塊沽壓加劇, 昨晚老美又搞中概股,將五隻中概股列入預定摘牌名單

最新回應

c6
c6 2022/06/26
@試下學下...

排骨仔哥哥

你變咗賺錢賭徒

C6變咗蝕錢賭徒

//當初就想靠投資致富,初嘗甜頭就變左賭徒//

c6
c6 2022/06/26
@soho*...

大元帥😊

大行其實係騙子報告其實係呃人🤥

咁科技股斷估未升完 不過都升左好多

試下學下
試下學下 2022/06/26

七大行星及冥王星移至太陽的同一面時,從地球上觀看它們之間的位置相對較為接近,出現「行星匯聚」的天文現象。天文台圖片

至於今次「行星匯聚」最特別的,是期內7大行星及冥王星將會少有地靠在太陽系一側,故在日出前無論是肉眼能看見的水、金、火、木及土星,或是肉眼看不到的天王星、海王星和「矮行星」冥王星,都會在香港上空匯聚一起。市民如要觀賞「八星連珠」,則要利用望遠鏡觀測或拍攝。

天文台又教路,從香港觀賞,水星、金星、天王星、火星、木星、海王星、土星和冥王星將會在東邊及南邊順序在黃道附近的位置出現,提醒若天色良好,市民可以連續數星期的凌晨時分盡情觀賞。如今次錯過了,就要等到2205年才能再次見到「八星連珠」的出現。

試下學下
試下學下 2022/06/26

8星連珠 {#iconb_3129}元帥有無睇

趁機會許個好願望🥰🥰🥰