3月股災深潛+物極必反

2022/03/14 23:59:40 網誌分類: 經濟
14 Mar

21/3 周一恆指收21221, 跌191點, 消化沽壓,儲力向上

港滙雖然弱,但自從阿爺出口術撐市,好友信心增強,維穩買盤托市,守住21000.20900.20800...幾個大位,正路係震住上,後市不應大插

成個局勢似係上周急升後消化沽壓,儲力向上,震牛引熊,目前仍然係熊多牛少, 上攻誘因大,沽空縮,代表升浪未完,連空軍都唔想係現水平加沽

本周有超多熱門股份公布業績,小米.舜宇.恆地.恆安.藥明生物.安踏.QQ.中移.吉利.眾安在線.江銅.龍湖.神華……持貨要留神

上周曾說老外突然大手掃A股可能係因為18/3 A股納入富時指數的買盤,今日呢啲買盤冇哂,老外大手沽盤出龍

18/3 周五恆指收21412, 跌88點, 繼續尋頂

7/3 大型下跌裂口阻力,當中有20天線

21327-21838

7520-7670

昨日港股大, 但國指期貨未平倉合約卻大減,加上國指現貨收陰燭,QQ及科指亦收陰燭,而慣性走勢亦預示今日港股要落山

恆指由低位18235反彈至今日高位21646, 升幅高達3411點已超標,小心下周再伸多一腳上去就要回,20天線阻力非輕

~ 根據過去14個月的統計數據,今日恆指會收跌

~ 周末沽壓效應

~ 昨日強勢爆升的科指國指率先收陰燭,預示今日港股會收跌

~ 今日科指國指弱,QQ跌,恆指收跌機會大

~ 本周三四五由好友主導大市,市強即市完成調整或小幅收跌,結果港股一插即彈,收復大部份失地

有阿爺救市,基金經理對後市信心略為增強,趁回吐入貨,亦有可能是為了3月季結想做靚盤數,QQ下周三公布業績前有避險獲利沽壓,QQ派京東好似下周三貨到股民手上,可能會鬥快走貨

今日港股俾我的感覺係股民(包括基金經理)追落後來埋季結或短炒,唔敢追科企(昨日多隻升抵阻力位),轉為掃入舊經濟股,所以地產內銀內險彈高

周三四港滙突然由弱轉強見7.8154, 熱錢流入,該兩天港股飛天,但今日(周五18/3)港滙突然轉弱見7.8249, 港股下跌, 是否熱錢大鱷食胡鬆人呢?只要下周一(21/3)港股收陰燭就似係呢個劇本

大撼大,空軍見港股一路升就一路加沽,昨日沽空高達571億元(19%), 劍指科企, 今次跌浪大媽有趁低吸納,不過連績兩日爆升,滬大媽沽出QQ食胡,史哥說QQ $401阻力極大,昨日一高開見$401即插,

昨日老外突然掃A股未知是否因為今日富時季檢

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股的大方向

元帥曾預測今年首季港股見底,全年先低後高,上周低見18235時估計未見大底,因為年波幅未達標,所以後市一係破底,一係破頂來擴大年波幅

不過後來形勢有變,其後阿爺突然出招救中港股市,旣然政策底已出現,唔破底就要破頂啦!即係今年要升穿25050來擴大年波幅

日前阿爺出招救市,打退空軍大鱷,基金經理亦想3月季結做好些來埋數救亡,撐埋呢浸,到4月初清明陰氣重又插過,呢個劇本得唔得?

基金經理睇呢浸反彈浪目標22000-22600,上周18235可能已見底,不過後市仍會落去再試底,上半年股市仍會有大震盪

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

16/3周三恆指收20087, 升1672點, 繼續尋頂

大奇蹟日,政策市挾淡

今日港股一如所料作出反彈, 但升幅卻遠超預期, 皆因阿爺出招打救中港股市, 只要本周五收20553之上, 代表港股今個月低位已出現,會上攻20500.21000.21500.22000.22500...., 500點級級上, 科指一舉升至4247,創推出以來最大升幅, 有天大利好消息救市,大鱷殺完好友殺淡友, 不過要慎防明日再伸多一腳上去獲利沽壓就會湧現

昨日QQ暴跌失守300元大位,大媽大手瘋狂掃貨,今日借利好消息 推上去沽貨食胡, 港股沽空仍高企,不過只要美股跟隨美期彈高,大鱷就可繼續上攻挾淡, 7/3大型下跌裂口在21327-21838,7520-7670

今個星期係轉勢周,中港股市止跌回升,只要貨少的投資者/投機者/基金經理追貨,港股升勢有望延續,通常創該月低位後都不會只升一天, 人民幣止跌回升, 港滙亦轉強, 利好港股

##############################

<匯港通訊> 人民幣兌美元在岸價創近一周新高,收報6.3465,升335點子, 俄羅斯被制裁引發市場對中國相關資產擔憂,近期外資外流明顯令人民幣顯著承壓,但午後金融委會議大幅提振市場情緒,人民幣加速上漲並收復6.35關口。

國務院副總理劉鶴主持國務院金融穩定發展委員會專題會議。對於中概股問題,會議認為目前中美雙方監管機構保持良好溝通,已取得積極進展,正致力形成具體合作方案,中國政府繼續支持各類企業到境外上市。

國務院金融穩定發展委員會召開專題會議,研究當前經濟形勢及資本市場問題,並由副總理、金融委主任劉鶴主持,指將積極出台對市場有利的政策,慎重出台收縮性政策。國務院:中美監管機構就中概股已取積極進展 中央續支持企業境外上市

15/3周二恆指收18415,跌1116點, 反彈在望

明日16/3係印度神童所說的關鍵日, 資金流會有異動,會變盤,有幾位分析師說手上貨少可入第一注短炒

港股一路碌落山,一直都係牛多熊少,不過殺埋日呢一棍已有所改變,整體牛熊分布變成牛少熊多,呢個利好訊號係首次見到,下殺誘因細,上攻誘因增加

連續兩日港股直插無水花,可能係淡友刻意推低港股,目的係於16/3議息前食胡平空倉

今日出現超大成交驚嚇的一棍後,港股超賣情況非常嚴重,加上已隊穿2016年低位呢浸下殺目標,牛牛已死得七七八八,好友斬手指死心唔敢再衝入場,好友絕望,相反指標係港股會彈高

滬深大媽大手掃QQ,美元回落,失守99水平報98.92,港滙亦略為回升,滙市形勢好轉,利好中港股市

日低見18235, 由於極度超賣, 隨時會作出報復性反彈, 所以唔少淡友趁今日恆指打穿2016年低位18278就食胡

==============================

物極必反。反彈在望。

雖然港股跌到阿媽都唔認得, 但亦不應太悲觀, 因為按照慣性走勢, 不會跌足全個月, 回顧1月及2月,港股全個月都不會走單邊

1月連升3周,第4周就插水

2月連升2周,第3及4周就插水

3月連跌2周,如果跟1及2月的周線升跌韻律,3月下旬或月尾就會彈高

恆指周線通常連升或連跌3-4周就轉向,目前已連跌4周,預示快將掉頭向上

不過不同1及2月,3月有5個星期,而目前3月已跌了2周,所以可能會於第3~4周轉向,重上20000水平

~~~~~~~~~~~~~~~~~~~~~~~~~~~~

有多個利好訊號支持買上

~ 今日恆指低見18235, 剛好打穿2016年低位18278, 而今次跌浪目標是18000~18200

~ 恒指夜期收大高水, 為今年最大高水幅度, 通常大高水翌日都彈高

~ 今日港股成交高達2862億元, 超大成交插水係見底訊號

~ 港股跌勢過急, 今日收18415, 大幅拋離10天線20463, 會有一股拉力扯番大市上去

~ 由1/3高位22937跌至今日低位18235, 月波幅4701點已嚴重超標, 一般月波幅2200~3100點, 再下殺誘因細

~ 梁燈神連續兩日中長線都大手減倉, 相反指標係港股會彈高, 連長線投資者都斬倉, 大鱷逼死好友才會推升

~ 多位基金經理.投機界高人.網友(散戶)淡倉食胡, 呢兩日亦見空軍亦平空倉食胡

~ 今次港股大跌浪一直都係牛多熊少, 不過連日大屠殺後, 整體牛熊分布變成牛少熊多, 牛少過熊係十分罕見, 牛牛已全軍覆歿, 代表大鱷已食飽牛牛, 會轉口味上山屠熊

~ 9rsi 已跌至單位數的罕有低水平, 嚴重超賣, 港股跌過龍,

~ 3月基金季結, 早前已減倉就會趁低吸納, 推上去埋季結

~ 道指恒指差距高達14530點, 創歷史新高, 代表港股跌過龍, 有條件追落後, 因為通常大市都不會長時間處於不合理的水平


投資高手 2022/03/10 11:22:46

今天報導話18000先至係底。3月尾配合周期出現。因為去年8月恒指出現「真死叉」,參考對上9次可見,訊號發出後至恒指見熊市底部需時間中位數與平均數為143及127交易日,2008年金融海嘯則需時147日,跟中位數相若。而今次「真死叉」已經歷134個交易日。換言之,若以中位數計,是次熊市底部出現的時間大概在本月下旬。

最新回應

soho*
soho* 2022/05/23

19/5 試兄留言 說要趁低吸納人民幣,翌日(20/5)人民幣就爆升938點子, 收6.6740, 創5/5日以來新高,刺激中港股市飛天

{#iconb_3100}

soho*
soho* 2022/05/23

//科指連升兩周,近來港股跑贏美股,原來係因為……//

11/5有報道指摩通說3月份發佈的大行報告評〈不宜投資〉中資科企是編輯錯誤,其實是〈不具吸引力〉

唔少大戶小戶基金都係跟摩通的報告來買賣,過去幾個月的科企拋售潮其中一個原因就係摩通的負面報告

由於摩通變臉唱好,我估過去幾個月信佢個報告沽錯貨的投資者紛紛補倉追入科企,結果呢?受11/5的報道推動,5月第二周恆指國指由5月低位抝腰急彈,周線僅小幅收跌,而科指周線率先收升,已預示港股上周有運行,結果上周港股 三大指數全面 大彈高

5月初港股跌多多升少少,不過自從摩通出更正報告後,港股就升多跌少,科指連升兩周,完全吻合摩通轉口風的時間,問題係這些追貨盤過去兩周是否已買齊,是否好友借勢推上去食胡呢?其實上周五大媽係趁彈高走貨,港股沽空仍高企

恆指5月第一周3跌1天,第二周2跌2升, 第三周1跌4升

換句話說,近來港股跑贏美股其實係受科企推動,科指得以連續兩周收升 就係受摩通報告刺激,如買盤無以為繼,港股就要落山,大鱷玩緊好淡通殺

以上係元帥發夢亂諗  {#icono0_3}

史哥
史哥 2022/05/22

https://youtu.be/ByU9ozadlpc

賤美正百佳~咁多人死唔見佢死~ {#iconb_627}

試下學下
試下學下 2022/05/22

你同我身形一樣。有無想過學游水。當活到90.仲可以游60年十分值得