洪禮賢 - 初來洋將立足不易｜Chok王心得

2022/03/28 04:13:18 網誌分類: 生活

28 Mar

公司騎師莫丹尼以家庭理由提早請辭，說穿了，九成九係因為客串期支持度有限，才會萌生去意。雖然他在二月份幾多馬騎，該月每期賽事差不多有十隻八隻馬騎，但通常係陪跑之流，偶爾或有一兩席位置。揸住呢手牌，換轉是你或我，可能走得更快！佢能夠捱到個幾月，其實已經畀足面。

目前騎師形勢又係側埋一便，三大巨頭潘頓、莫雷拉和田泰安夾埋接近贏咗二百四十場頭馬，約佔總數四成有多；另外何澤堯、巴度及蔡明紹三人合共勝出約一百場，光是上述六人已壟斷了季內半數以上頭馬。試問普通外援哪有可能攞到足夠支持？有馬騎已偷笑。

但另一方面，外援如班德禮、馬雅卻見站得住腳，今季他倆暫時發展順遂，接近有廿W在手，雖然頭馬數字與前列騎師大有距離，惟對比起去季成績已大有改善。所以，他們能夠融入本地馬圈兼有充足支持，其實堅係唔容易。
洪禮賢