3月尾 3升3跌.好淡通殺

5/4轉節氣預示有大變

元帥2022年4月1日 下午7:57

門師兄鐵定224是頂太低了吧！元帥說過好友3月尾留力，4月才殺上22500.22700.23000....

周三30/3高見22391就卻步,冇突破上周高位22423,係因為反正3月係收跌，就算升穿22423都未破頂，要升穿3月頂22937才是真突破，倒不如預留上升空間，4月才攻上22423,到時每推上一步都是4月新高啊！

趁大媽不在，大鱷好淡通殺

元帥2022年4月1日 下午8:03

大鱷不會放生肥熊，今早好多人造淡，熊會不斷進場，大媽不在，港股成交細，大鱷操控大市上落就更容易

今日只係入了一注貨，上證升得太急，追唔切

元帥2022年4月1日 下午7:46

下周一內地休市，港股有市
下周二清明節，中港齊齊休市

元帥2022年3月31日 上午8:38

未來6個星期，當中有5個星期港股都是4日市，只得1個星期是5日市，呵)) 慣性走勢會失效

未來幾周交易日數如下

4。4。4。5。4。4天

季結日港股結束三連升

31/3周四恆指收21996, 跌235點

好友撐埋3月結算就放軟手腳，由得月結低收, 今日恆指收21996,跌235點，創3月下旬第二大單日跌幅，收市U盤急跌，該時段成交突然急增，股份大插，原來係春江鴨避險走鬼盤

匯市形勢不妙，美元止跌回升，港匯急速轉弱曾見7.833，資金流走

估計4月會係收升月, 不過淡友會在4月出手殺跌，因為4月香港假期多，港股通休市期間，港股冇咗大媽護盤，大鱷點玩都得, 加上美股已進入公布業績前冇得回購的高危期，亦會拖累中港股市，美國釋放石油儲備，油價急跌，亦拖累相關板塊

早已預告每周有兩個方向，上周初急升，上周四五急跌，今個星期歷史重演，又臨尾香，好淡通殺，又係當貼價BB牛出世，大市就掉頭向下, 落山食飽牛牛之後又再升過,

牛熊分布係熊肥牛瘦, 5401牛 vs  8282熊, 正路要上攻屠熊, 不過貼價有初生BB牛, 亦具吸引力, 看來又要好淡通殺, 港股跌逾1%, 但vhsi恆指恐慌指數亦急跌, 今個星期係收升周, 由好友主導大市, 唔驚啵!

~~~~~~~~~~~~~~~~~~~~~~~~~~

今日係3月結，壓低收21996,  降低了4月收升的門檻, 是否有利下月收升呢？

近日俄烏談判頻頻放出利好消息，4月能否推上開戰前的水平23000呢？

以月波幅計，如果4月上唔到23000,就要插穿21000來擴大月波幅

月線方面, 早前曾預測3月恆指收跌, 4月收升, 先低後高, 清明前港股死不了, 市況反覆向好, 而周線方面, 上周違反慣性走勢收跌, 本周就要補漲

~ 公布業績後QQ友邦小米長和長實等多家企業回購股份, 有助穩住股價

~ 美國長短債息倒掛出現, 經濟或陷入衰退

~ 房貸美:美國樓按利率創逾3年高

~ 美國加大力度制裁俄羅斯 

~ 拜登宣布未來半年每天釋出100萬桶石油儲備,國際油價急瀉

~ 普京簽署法令, 規定以盧布支付天然氣交易, 盧布匯價連升9天

~ 港股近百隻股份1/4開始停牌，不少是受到疫情影響，無法趕及在31/3的限期前公布2021年全年業績，要延遲刊發。

30/3周三恆指收22232, 升304點，連升3天有暗湧

明日黑期結算及基金季結

今日老外突然大手狂掃A股，推動內地股市急升，港股跟住爆上，不過恆指今日遺留上升裂口21937-22033短期內要回補，過去兩日國指跑嬴恆指，但今日已轉弱，代表上升動力不繼，不過內銀業績佳，加上股息吸引，見買盤追入

要留意當上證及美股見頂，港股就會掉頭向下，港股尾市回得好急，期結日的夜期收低水，係淡友反擊訊號，本周港股升勢有基金季結粉飾櫥窗味道

港股10天線升破20天線出現黃金交叉，通常出叉大市會走相反，金叉升到水尾要回，死叉跌到尾聲要彈

今年港股及科指通常連升3天就回吐，加上本周一二三收升，未來兩日沽壓會加劇，因為慣性走勢不會全周日日都收升，每個星期通常有兩個方向

今日高見22391,剛好受制於前頂22423,月中港股止跌回升，當時有多位基金經理睇3月反彈目標在22400-22600，目前肥熊在22400,初生BB牛在21800-22000

北水近日密密走貨，港股通清明假期明日起休市，冇咗大媽買QQ條水喉

美國長期國債收益率低於短期國債收益率，收益率曲線出現倒掛，出現呢種情況股市將難以一路向上走，美股高處不勝寒

由於上周五恆指收22713之下，按照期結前周五指標呢個慣性走勢, 本月會收跌

今日期指結算夜期收低水，代表港股呢浸已升到水尾，淡友再加沽，沽空增加，淡友隨時會出手殺跌，正路拜登不會促成俄烏和談，戰事拖得愈長，賤美得益愈大

=================================

內地股市4-5/4清明節假期休市

港股5/4(周二)休市

A股通 4/4(周一) 休市

港股通 31/3, 1/4, 4/4 休市

中海油(00883)擬發行26億股 A 股 4月6-7日 A 股詢價

明日內地公布3月份製造業 PMI

再有中概股面臨除牌風險, 百度、富途、愛奇藝等5企列美預定除牌名單 首批百濟神州、再鼎醫藥、和黃醫藥、百勝中國和盛美半導體5企轉確定名單

美匯跌穿98水平,跌至1個月新低見97.681