古星輝
古星輝
古星輝

古星輝 - 方艙有方案增效率|乜都5G

2022/04/01 04:12:55 網誌分類: 經濟
01 Apr
        上星期提過網絡商喺社區隔離治療設施(方艙醫院)鋪建5G網絡,文中提及5G機械人喺方艙醫院會幫到手,文章刊登後收到唔少朋友查詢,既然大家對5G方案喺呢個應用場景感到興趣,今日我再舉多幾個例子,其實能夠應用於方艙醫院嘅5G方案,又點止機械人消毒咁簡單。

方艙醫院已相繼落成,不過有報道指佢哋正面對人手緊絀嘅問題,與其不斷增加人手,可以考慮善用5G方案執行部份工作,騰出人手應付其他工作,可以提升運作效率,全力抗擊疫情。
5G視像分析方案

喺方艙醫院入面住咗唔少長者,而日前有新聞報道指有長者接受隔離治療嘅時候跌倒,喺人手不足嘅情況下,可以試吓用5G視像分析方案,只要喺需要留意嘅位置放上熱感攝錄機,可以即時透過5G網絡將影像和數據上傳至雲端,再透過人工智能運算及分析,當偵測到有人跌倒或其他突發情況,可即時通知控制中心,以便立即處理,成個設置唔使拉線,唔使怕撠親人,加上用嘅係熱感攝錄機,唔使擔心有私穩問題。
外勤團隊即時通訊方案

方艙醫院面積龐大,單係落馬洲河套區就有11000個牀位,喺入面工作嘅醫護人員及工作團隊間,唔能夠單靠打電話或者傳統無線電對講機溝通,需要一個更高效率嘅溝通方法。例如坊間有一種外勤團隊即時通訊方案,只需要透過普通智能手機,隨時隨地透過5G網絡使用對講機或者VoIP通話功能,連買對講機嘅錢都慳返。再者,呢個方案內置咗即時通訊工具,方艙嘅工作團隊可以通訊及分享檔案,亦方便傳送公告等消息,簡化溝通上嘅安排。
5G機械人方案

5G機械人唔止做到消毒同派餐送藥,亦可以利用佢哋喺方艙醫院為隔離人士量度體溫,幫醫護人員慳返唔少行出行入嘅時間。如果遇著多人登記入住,5G機械人可以喺入口幫助辦理登記,以及提供即時資訊,其實佢哋真係多才多藝。

今次把握機會善用5G方案,對抗擊疫情一定有重大幫助。
和記電訊香港執行董事及行政總裁
古星輝
■筆者認為方艙醫院可以採用5G方案執行部份工作,以提升運作效率。p/  資料圖片
 ■筆者認為方艙醫院可以採用5G方案執行部份工作,以提升運作效率。

  資料圖片 

回應 (0)
我要發表
user

網誌分類