洪禮賢 - 練騎爭霸關係微妙｜Chok王心得

2022/04/11 04:13:02 網誌分類: 生活

11 Apr

執筆時，昨日賽事尚未展開。截至上周三為止，潘頓與莫雷拉各贏九十八場頭馬，暫時平分秋色；練馬師方面，羅、蔡兩廄各贏六十一W，又係打成平手。上述四人當然是冠軍熱門人選。至於最後哪兩位可脫穎而出，榮登冠軍寶座，一日未到最後直路，依然未可預料。
蔡約翰每逢入冬後，成績自自然然會爆升，今季沒有例外，單是一至三月份，這位倉主已擸走三十一場頭馬！多產多到難以置信。那邊廂，羅富全亦不是省油的燈，沒有讓前波士專美，該三個月也有三十W進帳，若果他在該段期間慢下腳步，恐怕早已被蔡約翰掟甩，尾燈都望唔到。
講到潘、莫二人，最終誰人可以做一哥？某程度上，與幾個倉口息息相關。以潘頓為例，今季與呂廄攜手贏了十七W，稱得上是其大水喉，季尾尚有幾多關照，絕對是爭冠的動力。而雷神季內為蔡廄勝出廿八W，當然是其Big Boss，未來還有幾多好牌交託給他，直接影響雷神成績。之所以，騎練冠軍之爭，有着相連微妙關係。
洪禮賢