港股止跌回升,二萬大關失而復得

2022/04/12 23:51:13 網誌分類: 經濟
12 Apr

28/4 周四恆指收20276, 連升三天,部署上攻屠熊

今日恆指急升329點,收20276, 只要後市收市企20000之上, 代表反彈浪未完, 500點一級級向上推進

五一長假期臨近,由於本周上証插穿政策底3023,估計阿爺會繼續出招救市, 睇盤路呢兩日有淡友食胡平空倉, 亦係港股急升的其中一個原因

4月中港股市大跌浪係受人民幣和港滙急跌,熱錢流走所拖累,港股台股走勢相若,周三台股創新低,今日(周四)與港股同步彈高,看來全球資金流有變,熱錢流入股市

27/4 周三港股創月內新低,恆指低見19665, 秒殺肥牛即彈

今日低見19665, 恆指月波幅已達標, 加上要部署明日結算位,所以冇跟美股隊穿19500落19000做第二隻腳,更踢上19946高收,倒升收市,釋出利好訊號

回顧3月中恆指連續兩天收20000之下,第三天就重上20000大關,跟住反覆急升,睇下今次能否歷史重演,後市只要上企20000大位,利好

通常出現一個大跌浪, 見貼價熊出世並養肥, 就係轉勢向上的訊號

恆指累計下跌近3000點, 重倉肥牛全部陣亡,後知後覺的散戶熊熊呢兩日才入局,中伏了, 目前熊多牛少係反彈先兆, 後市只要QQ上破$341.6, 就係好友上攻訊號

點解阿爺要救市?

因為 很多中企將股份質押來獲取貸款,如果任由股價大插,就會出現金融信貸危機,我趁大跌入貨就係信阿爺不會見死不救, 3月中上證插到落3023阿爺就拿拿臨出來說會推出刺激政策,亦呼籲內地長線基金入貨,就係呢個原因,既然3月中上證插到落3023 阿爺都出口術撐市, 如今4月尾內地崩盤, 上證跌到落2863 阿爺更應該出招

阿爺再出招,  昨日宣布下調外匯存款準備金率, 擺明係撐人民幣和股市, 習大大亦宣布大搞基建來刺激經濟, 振興消費措施陸續出台

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

22/4 周五港股復活節假期後復市連跌四天, 繼續尋底屠牛之旅

恒指全周日日跌係好少見, 代表大鱷洗倉, 熱錢持續流走, 科指及國指已全數回補17/3上升裂口, 但恒指任務未完成, 今日低見20185, 17/3上升裂口20120~20786仍未全數回補, 收跌月多數會在月尾創新低, 預示下周會隊穿今日低位20185來擴大周及月波幅, 順道回補20120~20185裂口, 繼續尋底冇眼睇

今日港股一插即彈收陽燭, 科指及國指倒升收市, 恒指收窄跌幅, 但成交縮, 唔似買盤入市, 可能係短炒一周的小淡友食胡平空倉, 但大淡友卻加倉, 沽空持續高企, 後市不妙, 慎防災難式暴跌, 由於本周已低見20185, 底頂下移周波幅閒閒地千點來看, 唔使等5月, 今個月就要落去做第二隻腳, 俾我預期早, 本來估計5月初才插穿20000大關

下周多隻重磅美科企公布業績, 中港美三地股市齊齊尋底, 利淡因素多到數唔晒, 內地新一波疫情延至北京, 淡友當道, 港股方面, 重磅藍籌及中資股滙控、港交所、比亞迪、建設銀行等將於本周公布業績等

~~~~~~~~~~~~~~~~~~~~~~~~~

俄烏戰爭=>歐盟陪葬=>美國腳軟=>最終全球一鑊熟

4月開局時曾經估4月收陽(未必收升), 是根據過去48年有75%收陽(25%收陰)的記錄來估算, 但俄烏戰況持續惡化, 所以我一直擔心會收陰, 畢竟過去48年是沒有俄烏戰爭啊!

到11/4恒指大插663點低見21132, 當時已經覺得4月收升無望, 但仍有可能收陽, 不過月中俄烏形勢不妙, 北約咬住中俄唔放, 北約更暗地裡出兵助烏攻俄, 美國十年期債息及美元愈升愈有, 熱錢撤退港匯弱雞, 加上北京上海等多個大城市爆疫, 就覺得4月連收陽都渺茫, 所以當時留言提醒好友不要太老定收升, 4月有可能收跌收陰, 唯一憧憬係阿爺降準/減息, 但復活節假期阿爺救市出手太低, 19/4復市港股大插, 已經覺認港股玩完, 當天收21027, 係最後逃生門, 結果跟住日日跌, 22/4低見20185

本來4月開局時估計5月才插穿20000做第二隻腳, 如今人民幣大插, 拖累內地股市反艇, 上証下試政策底3023, 如失守, 就會拉住港股落地獄,

以今次跌浪來說, 分注入逆向ETF博大插做第二隻腳, 正股倉位宜輕不宜重, 慎防股災式暴跌, 目前股市係大回小漲尋底格, 見彈高就要走貨, 市況變得太快, 一猶豫就會倒蝕, 半日或過夜已後天, 不要炒得太密

最想唔通係上周五為何老外(包括潛港北水扮老外)突然大手掃A股, 老外明明於4月份密密沽出A股, 未知是否和明日(25/4)降準生效有關, 但本周四起(28/4~4/5)港股通休市, 港股冇左大媽睇場, 大鱷多數會搞事,

28/4港股期指結算

3~4/5聯儲局議息

10/5~3/6水星逆行, 總之全球立立亂

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

19-20/4港股大位逐一失守,弱勢已成,恆指要向20120-20786裂口進發,要看好友能否守得住20500, 如本周插穿20500但未能收於其上, 代表20000危,下周一(25/4)降準水到, 如中港股市到時仍收跌, 上証政策底3023及恒指20000就危危乎

國指亦要回補6916-7158上升裂口,QQ要插穿$350幫手推港股落山,QQ將於18/5公布業績,之前一個月暫停回購股份,係淡友出手殺跌的良機

中港股市弱雞其中一個原因係賤美推動俄烏戰爭來吸引資金泊入美元資產, 睇下人民幣 創逾半年新低破6.4,港滙破7.84, 就知走資有多麼嚴重

港股表現似係托沽,每次落到大位就窒一窒,扮跌唔落引好友入局,其實近來唔少股份都跑輸大市, 有洗倉走鬼味,19/4 復活節長假期後復市 反映阿爺降準,當天港股大跌,代表 港股4月收升已成泡影, 要繼續尋底

只係好友太樂觀走漏眼,其實國指早於復活節假期前已經開始回補3月17日爆升的上升裂口 ,而恆指就拖到20號之後才開始回補

4月上旬金融等舊經濟股撐市,4月下旬已無以為繼,假期前已提醒好友唔好太老定,受俄烏戰爭影響,港股今個月未必收升,要做足防風措施, 阿爺放水前淡友唔知水喉力度,公布後淡友就無後顧之憂,大大力隊到港股破底

美團聯合創辦人之一王慧文於13及14日以每股平均價154.0029元/156.0015元減持,套現超過1.16億元,利淡

~~~~~~~~~~~~~~~~~~~~~~~~~~~~

俄烏戰爭

俄烏戰爭已接近兩個月, 睇左唔少有關局勢的視頻, 愈睇愈心寒, 糧食.小麥.化肥.能源供應立立亂, 俄烏佔全球三分一小麥出口, 打仗仲點耕作? 烏克蘭陷入戰亂錯失了播種良機, 美國玉米期貨創9年高位, 全球大宗商品價格升勢持續, 鬼佬主糧麵包及麵條價格倍翻, 通脹爆燈, 全球經濟前景堪虞, 卻遇上加息收水, 點算? 呢個就係我過去兩周唱淡的主因,

俄羅斯美國北約已踏上不歸路, 雙方都唔輸得, 今年美國中期選舉, 拜登又豈會讓步, 這才是最令人擔心的地方

俄羅斯有核彈, 美國將普京逼到埋牆角, 萬一某日突然傳出普京打算發射核彈, 就算唔係真, 只要淡友大鱷放風, 金融市場已經嚇破膽, 北約扮冇直接參戰, 其實早已派兵去烏克蘭同俄軍打到飛起, 16/4俄軍已擊落北約的武器運輸機, 戰況愈來愈凶險, 有第三次世界大戰的苗頭

港股沽空持續高企, 淡友有的是耐性, 只係等利淡消息就可收割, 19/4沽空進一步增加至20.62%($238億), 假期後空軍再加沽

{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}{#icono0_54}{#icono_71}

14~15/4 港股連升三天惟動力欠奉

中國只係降準0.25%, 早已在市場預期之內,冇驚喜啊! 長假期前後例牌大龍鳳,下周港股復市淡友又可以再出手了,向下有20120-20786上升裂口未回補是後患

周二三四港股連升3天, 周四屋仔大彈高, 淡友平空倉就係偷步炒降準

12/4低見20988, 通常月內大底是不會略為跌穿整數大位,所以仍有破底危機, 熱錢流走,港滙進一步走弱企7.84水平, 人民幣下跌, 滙市形勢不妙


周五晚上人行宣布4月25日下調金融機構存款準備金率0.25%,預計釋放長期資金約5300億元人民幣。

分析師認為

~上海封城及多個省市疫情惡化對中國經濟復蘇造成很大負面衝擊,可能是人行降準的主因

~為加大對小微企業和三農的支持力度,對沒有跨省經營的城商行和存款準備金率高於5%的農商行,再額外多降0.25%

~全球及內地經濟轉差,中國首季貸款需求弱,阿爺或會指導資金至適當的經濟活動,而不是去投機炒賣

~ 美國已展開加息週期,下月大幅加息的話,中美息差會進一步收窄至近乎零,令內地減息空間越來越收窄,如減息或會觸發資金外流

~ 西方國家正在收緊貨幣政策,而內地卻背道而馳放水,人民幣有下行壓力

~ 復活節降準早已在市場預期之內,但降幅卻低於樂觀派的0.5%,而且人行未有降低中期借貸便利的利率,亦令市場失望

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

13/4 周三港股連升兩天,受制於30天線

美國十年期債息回落,利好科企, 只要明日港股續升,代表昨日已見短底,其實今日港股及上證都係同步於昨日創月內新低,今日同步底頂上移及尋頂,阿爺表示要降準救市,估計淡友會退避

今日21700附近BB熊出世,有誘因上攻,不過21500-21800阻力極大,明日有復活節長假期前沽壓效應,會削弱港股反彈動力,按照慣性走勢今個星期係收跌周,淡友當道

==============================

利淡因素

~ 疫情+經濟放緩

~ 制裁俄羅斯引發全球通脹加劇

~ 俄烏戰爭

~ 在美上市中概股除牌危機

~ 5月加息0.5厘升溫/可能加快縮表步伐

~ 長短期息差的倒掛

~ 美元及國債息率高企不下,科企首當其衝捱沽

~ 美元升穿100大關,熱錢撤退,港滙人民幣走弱

~ 港股沽空高企

~ 配股潮

~ 大鱷密密沽出QQ京東阿里美團, 科企插水拖低大市

最新回應

soho*
soho* 2022/05/23

19/5 試兄留言 說要趁低吸納人民幣,翌日(20/5)人民幣就爆升938點子, 收6.6740, 創5/5日以來新高,刺激中港股市飛天

{#iconb_3100}

soho*
soho* 2022/05/23

//科指連升兩周,近來港股跑贏美股,原來係因為……//

11/5有報道指摩通說3月份發佈的大行報告評〈不宜投資〉中資科企是編輯錯誤,其實是〈不具吸引力〉

唔少大戶小戶基金都係跟摩通的報告來買賣,過去幾個月的科企拋售潮其中一個原因就係摩通的負面報告

由於摩通變臉唱好,我估過去幾個月信佢個報告沽錯貨的投資者紛紛補倉追入科企,結果呢?受11/5的報道推動,5月第二周恆指國指由5月低位抝腰急彈,周線僅小幅收跌,而科指周線率先收升,已預示港股上周有運行,結果上周港股 三大指數全面 大彈高

5月初港股跌多多升少少,不過自從摩通出更正報告後,港股就升多跌少,科指連升兩周,完全吻合摩通轉口風的時間,問題係這些追貨盤過去兩周是否已買齊,是否好友借勢推上去食胡呢?其實上周五大媽係趁彈高走貨,港股沽空仍高企

恆指5月第一周3跌1天,第二周2跌2升, 第三周1跌4升

換句話說,近來港股跑贏美股其實係受科企推動,科指得以連續兩周收升 就係受摩通報告刺激,如買盤無以為繼,港股就要落山,大鱷玩緊好淡通殺

以上係元帥發夢亂諗  {#icono0_3}

史哥
史哥 2022/05/22

https://youtu.be/ByU9ozadlpc

賤美正百佳~咁多人死唔見佢死~ {#iconb_627}

試下學下
試下學下 2022/05/22

你同我身形一樣。有無想過學游水。當活到90.仲可以游60年十分值得