Kelly Chu
Kelly Chu
Kelly Chu

KellyChu - 年紀最細僅10歲 港10棋手將征戰亞運|Executive日記

2022/04/29 04:12:08 網誌分類: 生活
29 Apr
        今屆亞運會九月會喺杭州舉行,香港首次有選手征戰國際象棋,更喺相隔十二年後,再有棋手為港參與體壇盛事。香港國際象棋總會早前舉行選拔賽,選出十名選手,代表香港出戰,其中年紀最細嘅趙子安,只有十歲,但唔好睇佢人仔細細,棋藝非常精湛,好厲害呀!

香港國際象棋總會早前舉行亞運隊選拔賽,五十六名參加者介乎八歲到五十歲,經過近兩日兩夜嘅激戰之後,男女子組前五名終於誕生,男子組冠軍由現職國際象棋導師的彭銳權奪得,值得一提嘅是,男子組季軍得主係年僅十歲嘅趙子安,佢哋將會聯同其他男女子組頭五名嘅選手,一齊出戰杭州亞運。

今次喺相隔十二年之後,有棋手再度為港參與體壇盛事,在二○一○嘅廣州亞運會中,香港有兩隊圍棋混雙代表出戰,分別獲得第七名及第十一名。香港國際象棋總會名譽會長高鼎國話,過往香港選手喺一啲國際賽事中,都有唔錯嘅成績,佢期望今次可以喺杭州亞運中都拎到佳績,令大眾更關注呢項有益身心嘅運動。
Kelly Chu
■香港國際象棋總會代表與出線選手合照。趙子安(圖)喺選手中年紀最細。p/  
 ■香港國際象棋總會代表與出線選手合照。趙子安(圖)喺選手中年紀最細。

   

  
回應 (0)
我要發表
user