KellyChu - 會展站「騷」二戰彈殼打卡首選｜Executive日記

2022/05/06 04:12:00 網誌分類: 生活

06 May

東鐵線過海段下周日（十五日）開通，全新嘅會展站同日啟用。小妹知道三層設計嘅會展站，每層都有驚喜，除咗有本地藝術家嘅作品，站內亦展出一枚挖掘工程期間發現嘅戰時炸彈，而港鐵將會喺星期一舉行會展站嘅開放日，首三節門票昨天係三分鐘內火速搶完。

唯一新建嘅會展站，沿用港鐵車站紙皮石馬賽克風格，以綠色混搭灰為主色，象徵車站前方維港嘅海水顏色，車站設有由本地藝術家梁志和創作嘅《水記憶》，月台亦舉辦紀念百年鐵路伸延至港島嘅「東鐵超越一百年邁向下一個世紀」嘅歷史圖片展，大家可以睇展板，回顧一下東鐵線嘅百年歷史。

值得一提嘅係，會展站建造期間，工程團隊先後在工地發現咗三枚二戰時期炸彈，而會展站月台亦展示咗其中一枚戰時炸彈嘅彈殼，大家到時可以近距離同炸彈影相，更可以摸下佢，亦可以借此，了解灣仔區嘅歷史。
Kelly Chu