Kelly Chu
Kelly Chu
Kelly Chu

KellyChu - 放生大龍躉被釣起 善信好心做壞事|Executive日記

2022/05/11 04:12:00 網誌分類: 生活
11 May
        周末除咗行山,仲可以享受釣魚樂!Kelly上網見有市民喺荃灣麗城花園釣到一條巨型龍躉,條魚真係好大條,仲好肥O添!雖然釣到大魚係好開心,但有人估計個條魚係「放生魚」,批評胡亂放生隨時變「殺生」。

有網民周一喺社交媒體上載影片及相片,片中有人喺麗城花園海傍垂釣,釣得一條巨型龍躉,條魚顏色紅紅,目測有小妹成隻手咁長,唔好講在場人士,小妹都覺得好驚奇呀,睇片都嘩聲四起!不過片段引起網民熱議,部份認為佢係善信在佛誕日放生的動物,仲話喺佛誕當日疑目睹經過,「昨天經過海傍見到有兩個女人推住兩箱龍躉」。

適逢佛誕,不少善信組織放生活動作為祈福,不過大量被放生的動物因未能適應野外環境而死亡,行為隨時變做「殺生」,有網民仲話「呢D放生魚就算無人釣走都生存唔到幾多日」、「係呢D地方放生,搞到條魚周身病」。小妹希望大家為求個人心安同時,亦注意下放生嘅後果。
Kelly Chu
  
回應 (0)
我要發表
user