KellyChu - 棚工墮斃遺八旬雙親 恩橡基金助解燃眉急|Executive日記
2022/05/19 04:12:04 網誌分類: 生活
死者陳兆豐,任職搭棚工二十幾年,同八十多歲高齡嘅父母同住土瓜灣一個公屋單位,佢係家中嘅經濟支柱。陳媽透露,兒子係一個孝順仔、管家仔,由於自己行動不便,煮唔到飯,仔仔收工後會買外賣畀兩老。諗起過往點滴,陳媽聲淚俱下,坦言難以接受仔仔離世嘅事實,仲透露由屋企前往最近嘅車站,需要經過兩大條樓梯,但雙腿無力,近十年冇出過門,提到佢可能連仔仔嘅葬禮都無法出席,佢話︰「好難過,自己個仔都送唔到」,但陳爸陳媽覺得今生有個孝順仔,值得驕傲。
基金會營運總監黃端華指,該會二○一四年由多位基督徒專業人士成立,致力改善長者健康、福祉,為長者提供吞嚥障礙治療,同時推動跨代共融。近兩年疫下,佢哋了解到不少長者欠缺支援,有向長者派發防疫物資包等支援服務。
Kelly Chu
回應 (0)
我要發表