木水火
木水火
木水火

高級公僕加薪超離地

2022/05/21 12:00:00 網誌分類: 時事
21 May

政府維持最低工資時薪於37.5元不變,咁,下次檢討又會唔會大幅上調至時薪不少於46元?老朽相信唔會,因為兩年一檢加極都係一蚊幾角,換言之,現時約有14,000人領取37.5元嘅最低工資,佢哋多數從事清潔工作,疫情下,佢哋工作最辛苦,風險最高,呢個最低工資合理嗎?事實上,喺經濟依然惡劣下,高級公務員加薪7.26%係超離地!十分之難睇!老朽只能說:汝安則加之! {#iconb_233}

笑看天下:高級公僕加薪超離地

古人說,有福不可享盡,有勢不可使盡。這無非勸人唔好有風駛盡𢃇,凡事去到太盡,把弓拉得太滿會令人疲憊!各位,一年一度嘅薪酬趨勢調查日前公布調查結果,高、中、低層公務員薪酬趨勢淨指標全為正數,介乎2.04%至7.26%。 {#icono_11}

結果出來,相信高級公務員必「喜出望外」,嘩,濟好景都係加約4%至5%,依家大環境咁差,百業蕭條,咁多人失業,竟然加薪逾7%,我又信「香港幾好都有,點捨得走」呢隻歌啦! {#icono_56}

事實上,兩年多嘅疫慌,把港人折騰得死去活來,唔少人更患上抑鬱和不同程度嘅焦慮!通關遙不可及,經濟疲不能興,財爺不久前才把全年經濟增長預測由2%至3.5%,下調到1%至2%。呢!政府統計處又剛公布,失業率由1至3月份嘅5%,上升至2至4月份嘅5.4%;創近一年新高,逾20萬人冇工開!就業不足人數亦上升。 {#icono_34}

各位,喺咁多不利因素影響下,有「鐵飯碗」之稱嘅公務員竟有望逆市狂加薪。呢嗱,本來加薪唔係問題,正如有團體都指出,預期未來數年通脹加劇,若公務員薪酬水平未能追上通脹,即變相減薪,希望政府多參考通脹數據,喺照顧市民感受及通脹壓力之間,適當調高公務員薪酬。{#icono_57}

各位,政府維持最低工資時薪於37.5元不變,咁,下次檢討又會唔會大幅上調至時薪不少於46元?老朽相信唔會,因為兩年一檢加極都係一蚊幾角,換言之,現時約有14,000人領取37.5元嘅最低工資,佢哋多數從事清潔工作,疫情下,佢哋工作最辛苦,風險最高,呢個最低工資合理嗎?事實上,喺經濟依然惡劣下,高級公務員加薪7.26%係超離地!十分之難睇!老朽只能說:汝安則加之!

評論員 施友朋

要港要聞/odn-20220521-0521_00184_009/笑看天下:高級公僕加薪超離地https://orientaldaily.on.cc/content/

回應 (0)
我要發表
user