港股尋頂之旅

2022/05/22 21:47:01 網誌分類: 經濟
22 May

31/5周二恆指收21415, 大升291點,連升3天

多國股市大幅上升, 除了受資金流影響外,另一個原因係受 MSCI半年度調整 所推動

中港台股市彈高高, 新加入指數的股份見基金掃貨盤, 正所謂牽一髮動全身,刺激其他 股份攀升

見股市大升也不要太興奮, 由於已預先將股價炒高咗,所以通常MSCI成份股變動完沽壓會特別大,短炒要睇路,其實今日大媽已經趁彈高走緊貨,怪不得QQ仍未上企20及50天線,跑輸大市

受MSCI調整所推動, 明日(31/5周二)港股成交會急增

6月份有大量股份除息,期指會呈大低水

內地今日公布PMI數據

基金月結

黑期結算

MSCl半年度成份股調動

美團將於周四(6月2日)派發業績

======================

力守二萬大關.展開尋頂之旅

30/5 周一恆指收21124, 大升426點,連升兩天, 收復50及60天線

聯儲局見美股跌到走樣,隨即放風可能9月暫緩加息,美元碌落山,失守102水平,美股上周絕地反彈飛上天,加上阿爺密集出台谷經濟措施,中港美台等股市升到彭彭聲,資金流入股市,挾淡倉進一步推高大市

好友主導大市, 港股強勢上攻, 大鱷拖到月尾才攻頂, 除了想先屠殺19990肥牛外,亦要等肥熊下移, 阿里公布業績, 期指結算,仲要等埋MSCI的買盤, 當26/5肥熊陣亡, 時辰一到就出手推升, 短短兩日就成功站上21000, 500點级级上, 下一站21500,  肥熊在21400附近

人民幣兌美元在岸價收報6.6648,升433點子,  連續兩日爆升, 人仔及中港股市齊齊展升浪, 強勢畢現,人仔強,阿爺個場靚仔,港股正路會跟住上, 多數係同步尋底頂

27/5 周五恆指收20697, 大升581點,收復10及20天線

今個月每次插穿20000, 都彈番上去, 今日更收關鍵位20600之上,好友的確有誠意於下周一30/5推高結算, 好友已奪回主導權, 人民幣兌美元在岸價收報6.7081,升300點子, 人仔及中港股市齊齊展升浪

本周港股收跌, 震牛引熊, 貼價熊肥到不得了 ,好友大鱷留力下周才做周線收升, 下周一美股假期休市, 周二MSCI半年度成份股調動, 超大成交有助好友上攻

soho* 2022/05/27 01:20:16

一直覺得好友大鱷似有所待, 究竟等乜呢? 原來係等:

要先殺死19900肥牛, 熊熊下移, 阿里業績, 結算前夕

當符合以上四項, 就可以出手挾淡


soho* 2022/05/27 08:28:12

本周初恆指波幅19989-20642,周波幅未達標,所以周四插穿19989來擴大周波幅,不過落到19890大媽 出手護盤,淡友亦平空倉,推動恆指由低位抝腰向上,收復大部份失地

旣然隊唔落,大鱷想再擴大周波幅的話,就要升穿20642, 按照慣性走勢,每逢月尾都係好淡通殺,牛熊都要死

早前港股彈散係因為19900肥牛未死,熊熊在高處,以及美元高企,如今19900肥牛陣亡,熊熊下移至20300, 美元插穿102, 成個形勢唔同哂

soho* 2022/05/27 09:41:39

昨日刻意重貼美股上周五見短底, 其後道指日日升的留言, 昨晚美股飛天並不意外,旣然中美股市冇創新低,那麼港股亦不應創新低,所以昨日低見19890即彈,冇插穿上周低位19765,以及前底19178,加上 上證企穩3100,港股亦不應創新低

阿里業績只係好友抽升挾淡的藉口, 主因係匯債都起了變化,以及今日係結算前夕

{#icono0_51} {#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股轉倉及部署結算位

26/5 周四恆指收20116, 跌55點

今日QQ小幅收升,險守$330大位,結束三連跌,收升收陽,近來沽QQ的滬深大媽終於肯趁低吸納護盤, 怪不得QQ今日死唔去, 只要弱雞的QQ止跌回升,就可穩住港股,不過今日人民幣急挫644點子,收6.7381

今早港股高開卻低走, 隊穿19900屠牛, 不過上次插穿20000但即市拗腰收於其上, 好友咬住唔放, 昨日BB熊在20400 ,目前正不斷下移,真係有可能殺完肥牛殺BB熊, 唔通真係俾我估中,大鱷玩好淡通殺

阿爺不斷出招救市, 諗唔明點解好友唔反擊, 今早肥牛已陣亡, 港股升得未呢?

昨日老外掃入A股, 推動中港股市向上, 今早老外一開市就沽A股, 拖低兩地股市, 幸好老外十時後開始掃入A股,推動上證走高, 港股亦收窄跌幅,大鱷繼續玩好淡通殺

+++++++++++++++++++++++++++

牛死熊命危

月尾6天,恆指目前係2跌1升,升市日數未達標, 下星期一美國陣亡……將士紀念日,休市一天, 港股自由行, 當天港股期指結算,未來3日會有大龍鳳

近來每次插穿20000大關都見淡友平空倉手影, 所以低位一瞬即逝, 今日都唔例外, 空軍推低QQ及美團就食胡, 港股已是連續4日沽空少過200億元, 代表空軍預期後市會踢高, 想等高位才加沽

美股上周五大插後抝腰上已見短底?道指已是四連升,本周美股走高,周線有可能收升,明顯跑贏港股,皆因上周港股大幅跑贏美股,已透支了升幅,所以本周港股乏力再進, 不過明日並非一般星期五,係結算前夕啵!

今個月上證玩咗16日, 當中11升5跌, 升多跌少, 阿爺靚仔港股冇理由破底, 好友要加油呀!

大鱷玩緊好淡通殺,大裂口高或低開,失驚無神轉向,殺企錯邊的股民,斬倉或補倉盤令大市急升或暴跌按照慣性走勢今個月收跌, 過去十年5月份7跌3升, 如果想收升, 周五就要殺上20900-21100, 做到才有望月線收, 否則就係收跌月

大鱷非常奸險, 周三震熊引牛, 周四下殺屠牛及震牛引熊, 部署周五上攻屠熊, 好淡通殺, 港股成交急降至$955億, 係大龍鳳先兆, 老外早市沽A股, 午後掃入A股

{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}{#icono_74}

港股轉倉及部署結算

25/5 周三恆指收20171, 升59點, 貼價牛命危

港股 收市雖然升幅不大,不過騰上騰落非常拋, 早市一插即彈引牛入局, 尾市急回引熊入局, 貼價牛熊齊齊出世,20000水平牛 VS 20400水平熊, 月尾通常係好淡通殺

淡友今早見上證開得靚,加上美期上升,所以暫時忍忍手,正路淡友會 再出手,唔會放生好友, QQ月線收跌已無懸念,會拉住港股後腿,

收跌周會在周三四五創周低位, 即係明日或後日會插穿周二低位19989來擴大周波幅, 肥牛在19900

==========================

港股轉倉及部署結算位

24/5 周二恆指收20112, 大跌358點,連跌兩天, 失守10及20天線

美期及內地股市大跌, 老外沽出A股走鬼, 連大媽都丟QQ及美團, 推咗港股落山, 20000附近肥牛陣亡,低見19989後略為反彈,收窄跌幅,肥牛在19900附近, 而熊熊亦下移至20500附近,

匯控回購 推動股價 逆市上升,為撐市功臣, 資金由新經濟股換碼舊經濟股,人民幣走強,內銀內險企定定冇跟足大市插水,上證收3071, 大跌76點,如能守住3050,有助穩住港股

目前中港美股正處業績期, 頻頻見光死, 拖累大市, 連阿爺出招救經濟都撐唔住股市, 後市要看再插穿20000後能否收於其上,部署轉倉及下周一結算位,20000-20500為好淡角力戰場,近來爆邊之後都會縮番入去

QQ收$338, 能否守住$330大位非常關鍵,上周公布業績後低見$334即彈,明日中移除息,今日恆指步入月尾6天市況, 按照慣性走勢升跌日數通常係 3:3 或 4:2, 不會 走單邊 日日升或日日跌, 多數係好淡通殺, 貼價牛熊都要死, 今日老外及大媽齊齊沽貨拖低中港股市,明日港股升跌關鍵在老外及大媽,要看佢哋沽貨抑或入貨

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

23/5 周一恆指收20470, 跌247點

上周五美股大插後急彈,收復失地近平收,似在醞釀熊反彈,今日美期彈高,推動港股收窄跌幅,不過仍彈唔起,皆因滬深大媽齊齊沽出QQ美團,老外亦沽出A股,拖低港股, QQ美團沽空高企, 預示港股後市不妙

今日港股一度大插414點低見20303, 貼價初生BB牛陣亡, 近日大鱷玩緊好淡通殺,牛熊都要死,上周五屠熊,今日屠牛,QQ仍處於10及20天線之下,恆指10及20天線亦好難守得住,如跌穿,20000就危,要向19800.19500進發

阿爺不斷出招撐經濟,推動上証站上3100水平,個別政策股見炒作,不過港股比上證弱,多隻港股成份股將 於未來幾日除息及公佈業績,除凈後沽壓會明顯增加,不利市況

每逢月尾牛熊都會非常貼價,目前係牛肥熊瘦,位於 20300 VS 20650, 有下殺誘因

目前港股正在尋底,淡友當道,今個月恆指收跌已無懸念, 本周港股轉倉高峰期,好淡大鱷要部署下周一結算位, 上周五期指未平倉合約大減, 可能係好友趁反彈走鬼, 上周恆指4升1跌, 升市日數超標, 正路本周跌市日數會增加, 補跌

最新回應

soho*
soho* 2022/06/27
上周五國指收7629,  元帥昨日的 good question {#icono0_3}
~~~~~~~~~~
soho* 2022/06/26 06:46:12

裙甩褲甩: 如結算剛好在7400則全袋期權金400萬+蚊。

================

阿爺不會容許今個月在7006樓下結算, 那麼如果在7794之上, 例如7850甚至更高結算, 呢位大戶是盈利/大虧/小虧?

soho*
soho* 2022/06/27

元帥早已預告季線略嫌太少,所以要上破22523

門徒
門徒 2022/06/27

又會咁升得既 {#iconb_283}

soho*
soho* 2022/06/27

{#iconb_210}