KellyChu - 張學友、劉德華、炎明熹和曾比特齊參與 28位歌手合唱回歸主題曲｜Executive日記
2022/06/01 04:12:04 網誌分類: 生活
回歸二十五周年主題曲《前》，由音樂人陳少琪作詞及監製、音樂人張家誠作曲、編曲及監唱，由二十八位香港及內地歌手獻唱，包括陳慧嫻、李克勤、容祖兒、楊千嬅、張杰、張靚穎、林峯、衛蘭等。
Kelly留意到，MV片段有心思，除咗有疫情中一眾辛勞嘅醫護人員之外，亦有牛下女車神李慧詩、世一劍神張家朗、女飛魚何詩蓓等，港人引以為傲嘅香港運動員，相信點點滴滴都勾起不少嘅回憶，亦再次呼應香港人堅毅不屈嘅精神。
另一條短片則宣傳慶祝回歸二十五周年的主題「砥礪奮進廿五載 攜手再上新征程」，香港透過積極融入國家發展大局，將迎來更多機遇。
慶祝香港特區成立二十五周年督導委員會話，會陸續推出精彩嘅項目，涵蓋文化藝術、休閒康樂、美酒佳餚等。旅發局亦會舉辦多項大型慶祝活動，包括「幻彩詠香江」特別版，以及「香港美酒佳餚巡禮」等，大家一定唔好錯過呀！
Kelly Chu
■李慧詩和張家朗等健兒，也有出現在MV中。
■張學友和容祖兒亦有份獻唱回歸二十五周年主題曲。
回應 (0)
我要發表