KellyChu - 姜B扭波波公仔 粉絲心心眼排隊幫襯|Executive日記 2022/06/02 04:12:01 網誌分類: 生活 02 Jun MIRROR大熱,帶挈好多人搵銀。Kelly日前行經尖沙咀港鐵地下通道,喺北京道一號嘅地底,見到成班阿嬸同小女孩乖乖咁排隊,佢哋等乜呢?原來有個後生仔喺度吹扭波波公仔,點解無男子只得女性,原來哥仔係吹姜濤公仔,幫襯嘅女士可以出示姜B嘅相,由佢畫喺吹好嘅波波公仔面上,似唔似就好難講,但見啲女性個個好開心。哥仔話,每日有數十人排隊吹姜B,見佢身邊有個薄仔,記低晒顧客個名,加埋現場嘅人龍,就真係幾好生意,每個盛惠六十元,收入應該幾好。Kelly Chu■有數十人排隊幫襯。 ■哥仔吹扭姜B波波公仔。 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消