KellyChu - 端午友誼賽「大拍跳」 30隊伍落場「練習」應節｜Executive日記
2022/06/02 04:12:04 網誌分類: 生活
龍舟競渡係端午節嘅傳統活動之一，不過由於搞一個龍舟比賽需要牌照申請及政府批准，但人群聚集等條例仍未放寬，所以端午節好難有正規比賽舉辦。小妹知道原定明天舉行嘅大埔區龍舟競賽，因疫情關係延至十月十六舉行；沙田龍舟競賽及赤柱龍舟錦標賽等賽事同樣延至十月。
不過，有團體希望疫下保留節日傳統，所以都會舉行一些小型活動，好似赤柱龍舟協會將在赤柱正灘舉辦「赤柱龍舟賀端陽」，聽聞屆時會有拜神儀式；另外觀塘龍舟體育會主席李家亮亦同Kelly透露，將軍澳東水道將有一個特備節目「大拍跳」上演，近三十隊龍舟隊伍喺海上一起划，互相比併，分享練習成果，相當熱血，當中強隊「觀塘游泳會龍舟隊」都會參與，唔好睇他們年紀有返咁上下，經有規模的訓練後，隊伍在二〇一九沙田嘅龍舟賽事中脫穎而出，非常厲害；雖然今年大型比賽搞唔成，不過唔緊要，大家都可以食住糉子，或者睇下隊伍「練習」應節。
Kelly Chu
■多區端午節龍舟活動及賽事，疫情下被迫取消或延期。資料圖片
回應 (0)
我要發表