月尾港股好淡大鱷決戰

2022/06/02 23:55:47 網誌分類: 經濟
02 Jun

23/6 周四恆指收21273, 升265點,收復10及20天線

明日好淡大鱷決戰日

美股熊市, 上證牛市, 港股熊轉牛築底市, 100天線正在下移, 好友快將再攻上去, 有阿爺大牛市做後盾, 港股有運行, 過去3個月港股都係月尾幾向上跑, 明日係畫周線的大日子, 好友出手畫圖時辰到, 只要收升呈大陽燭, 就可確認好友主導大市

大升前必有一插,周三22/6大插已完成調整,今日(周四23/6)已收復昨日逾一半失地,明日要繼續上攻前頂21564來擴大周波幅及屠熊

測市指標反映科指及國指今個月收升機會極大,只要恆指明日收21415之上就可確認恆指月線亦會收升,明日如能收21500, 下星期就要挑戰21800-22000, 月初高位在22142

6月初曾預測港股會反覆上升, 當時寫 //3/6水星逆行結束,中港股市隨即於端午後芒種日起動,港股五月不窮,六月亦不會絕,未到七月已翻身,只要失驚無神大幅抽升挾淡,逼空軍投降回補空倉,又或者股民湧去買衍生工具做好倉,發行商入貨,就可進一步推動大市向上//

22/6 周三恆指收21008, 急挫551點,失守10及20天線

今日科指雖然收跌,不過由5月中起,科指跌1-2日例彈,未見過連跌3日,表現比恆指強, 根據測市指標 科指國指本月收升機會大,恆指有待觀察,大媽密密走貨,今日沽出QQ及美團

港股呢兩個月出現一個怪現象,就係到月尾好友淡友仍未分勝負,大鱷不斷玩好淡通殺,昨日爆上21564屠熊,今日就大舉屠殺21000-21200牛

老外大手沽出A股拖低中港股市, 空軍部署大量淡倉,耐不耐借消息插一兩棍來平空倉食胡,而無形之手見插水就踢高,力守21000水平,後市如收於其下不妙

過去幾個星期大市主波動區間仍在21000~21500, 爆邊殺牛熊之後又會縮番入去,可能這就是賀七一回歸的維穩盤吧!

港股升跌有個特定模式,就係大升前就會大跌,大跌前就會大升, 如此一來,好友淡友都要死

美股熊市, 上證牛市, 港股熊轉牛築底市, 等100天線下移, 就會再攻上去, 港股大方向係震盪上行, 有阿爺做後盾, 候低吸納買上

~~~~~~~~~~~~~~~

美期暴跌拖累亞太區股市反艇,但今晚美元升到去105關口打回頭,落到104.2附近,不過 美國十年期債息仍高企於3.15%附近

由於晚美股一插即彈,低開高走, 收窄跌幅,而各國股市已跟美期跌突咗,所以明日好友或維穩盤理應出場,否則再跌到走樣就不得了,美元下跌,或有助人民幣回升,希望可幫手穩住大局,只要重上21300利好

~ 國常會: 進一步釋放汽車消費潛力,怪不得大媽掃入車股

~ 市場重新關注螞蟻集團重啟IPO事宜,《彭博通訊社》引述消息指,螞蟻集團最快將於本月底前,正式向中國人民銀行提交設立金融控股公司的行政許可申請, 據悉,人行有意受理螞蟻集團設立金控公司的申請

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

轉節氣夏至,港股下至時辰到

21/6 周二恆指收21559, 升395點, 連升3天, 高處不勝寒

恆指已連升3日,通常連升到第3 - 4日,獲利盤就會湧現, 今日內地股市露疲態,已率先腳軟,老外大媽都走緊貨,大鱷夾硬於收市U盤將QQ踢上全日最高位$381收,升得好假,如QQ見頂,港股就彈完

上破阻力大位淨係靠科指唔得,必需要金融地產幫手才能成事,亦要國指跑贏恆指才有力上攻,所以要留意呢幾方面何時逆轉,21000-21200牛今日剛出世,有下殺誘因, 回顧過去幾個月恆指尾二的一周都係走弱

估計21600~21800淡友會攔路,今日升市成交縮,只得$1194億,為月初端午節復市以來最細成交,靠挾淡推升,好難站穩21500,

大鱷玩緊跌下彈下,港股三連升後明日高危,鮑爺開臭口前會有獲利避險盤拖低大市,內地股市即將調整,上證早已於15/6見頂3358,  今日收3306, 跌9點,3300危危乎,人民幣結束四日升勢,收跌135點子報6.6995

今個月玩咗14日,恆指7升7跌,升跌一半半,好友牛牛、淡友熊熊都要死,預示月尾餘下的日子都會係好淡通殺

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股連續兩天低開高收,單日轉向,挑戰21500

20/6 周恆指收21164, 升89點, 連升兩天

上周五恆指高低位 20697~21145,只要 今日收21146或以上,代表頂部上移及站上,好友勝,下午大鱷一直將港股點穴,擺到明想尾市及收市U盤踢高, 貼價熊愈來愈肥,小熊在21200-21500, 重倉熊在21500-21700

恆指底頂上移

本周一高低位20839-21175上

周五高低位20697-21145

利好利淡因素

~  拜登考慮取消部分2018-2019年特朗普政府時期對華加徵的關稅,以緩解美國持續飆升的通脹壓力

~ 基金半年結,有誘因踢高走貨埋數,個別股份會飛天

~ 憧憬賀香港回歸,阿爺七一送大禮

~ ETF 通

~  市場憧憬中港放寬檢疫安排 

~ 內地因疫情拖累經濟,阿爺全方位出招救市

~ 人民幣連升4天,利好中港股市,當人仔掉頭回落,中港股市就會借勢回吐

~ 內地股市牛氣沖天,向上突破多個阻力大位,不過由低位2863反彈至3358, 累積龐大升幅,獲利沽壓增加

~ 美股熊霸天下,累積龐大跌幅,正在醞釀死貓彈

~~~~~~~~~~~~~~~~~~~~~~~~~~~~~~~~~~`

基金半年結+空軍加沽

今個月玩咗13日,恆指6升7跌,升跌一半半,好友牛牛、淡友熊熊都要死,預示月尾餘下的日子都會係好淡通殺,持倉要睇位上落車

6月半年結,基金粉飾櫥窗,踢高股份派貨,新東方在綫飛出外太空後返回地球,股民如果冇止賺就要坐艇

唔少股份今個月急升暴跌再急彈,空軍趁股份急升就加沽,多隻科企受(富時/恆指/Msci)更換指數成份股的買盤推升,沽空亦急增,雖然牛多熊少,不過貼價有肥熊,拉咗港股上山

牛8201 : 熊5149

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

17/6 周五恆指收21075, 升229點, 21000穿梭

今日似係大鱷刻意壓低港股收市位(反正無論點推升,都無法扭轉周線收跌的事實),本周低收,就可降低下周收升的門檻,為期結及月尾推升鋪路

本來100天線及22000匯聚,形成雙重阻力大位,如今100天線不斷下移,下星期可能落到21800, 可先收復100天線,打好基礎,增強投資者的入市信心,有助攻上22000

我聽幾位基金經理的口吻,都係對阿爺有信心,認為阿爺好,港股好,亦憧憬阿爺會送七一賀禮

今日港股收升, 符合全周升跌日數一半半的慣性走勢, 3跌2升, 雖然港股低開高收,單日轉向,不過倒升可能係受富時成份股變動影響,港股下殺危機未除,不過富時剔出多隻地產股,基金最大浸沽壓或已釋放

~~~~~~~~~~~~~~~~~~~~~~~~~~

阿爺好,港股好

恆指向下要守20700, 向上要攻破21100,  兩邊有貼價牛熊,今日21100熊剛出世,下周初如能收21146之上,利好

通脹高企, 多國央行加息, 經濟衰退苗頭下, 油價見頂回落, 相關股份反艇, 沽壓大增, 過去一個月港股大幅跑贏美股全因內地股市牛氣沖天, 由於內地股市 越升越有, 有阿爺做後盾,港股表現不會太差, 回顧過去三個月恆指尾二的一周都係走弱,不過插完拖到月尾最後幾日,好友就會出手踢高大市,依家最擔心係大鱷玩相反,人人估5月恆指收跌,結果收升,如今人人估6月收升,結果呢?

下周一(20/6)美國假期美股休市, 港股自由行, 會有大龍鳳, 金管局需要再買入 128 億港元, 反映資金流出壓力,不過今個月港股一直有無形之手托市,可能係慶祝香港七一回歸的撐市盤,今日低見20697.17, 剛好觸及昨日低位20697.41即彈,  無形之手托市真係神準

內地相繼出台樓市寬鬆措施, 美國聯儲局主席鮑威爾週三及四(22~23/6)將出席國會聽證會,其言論對金融市場或會有較大啟示

======================

<匯港通訊> 俄羅斯媒體報道,俄羅斯第二大交易所聖彼得堡證券交易所(SPB Exchange)將於6月20日起起容許當地經紀買賣12隻港股,「ATMXJ」都入圍,據說今年底增至200隻。俄羅斯遭西方制裁,5月底 SPB 才宣布凍結14%美股交易,未知是否尋找「替代品」,所以開綠燈以港股替補。 (BC)

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

16/6周四恆指收20845,大跌462點, 反彈在望

港股一插即彈,恆指收20800大位之上,收窄跌幅,本周恆指1升3跌,按照每日升跌的慣性走勢(2:3) ,尚欠1日升市,估計明日港股會反彈上21000,好淡大鱷打交位20500-20700, 只要收於其上,代表好友仍未放手,如能守住20500, 以周波幅計,下周就會再挑戰21500水平

15/6 周三恆指收21308, 升240點,回調壓力大增

QQ高見$382.2打回頭,QQ見頂,代表港股呢浸已升到水尾,按照QQ的慣性走勢,明日QQ會收陰燭,可能閃上去秒殺貼價熊即回,今日QQ雖然反彈,不過Al智能分析QQ仍處下降趨勢,港股主力靠美團內險等成份股推升,息口敏感的地產公用股逆市下跌,本周係收跌周,淡友不會放手

一如呢兩日所說,港股周一隊到落20717後反彈,主要只係受淡友回補空倉以及挾淡所推動

後日周五富時成份股變動,近日已見偷步盤,地產股沽壓沉重,洗倉式下跌,導致港股大幅波動, 月中係港股回調的時間窗口,調整未完

soho 2022年6月15日 上午10:29

湯湯急升, 有咩好事?聽聞靚湯新股上市禁售期即將屆滿,所以踢高來出貨,早前亦見阿爺推出利好科企政策,靚湯亦受惠, 靚湯去年12月尾上市,即係禁售期將於6月尾屆滿,可能一個月前要佈局炒熱佢,否則到期沽貨時揾鬼接貨咩!近來多咗分析師提及靚湯,亦多咗股民炒佢,真係熱咗

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

14/6 周二恆指收21068, 升0.41點,低開高收.單日轉向

牛死熊命危

港股置諸死地而後生,低見20717回補30/5上升裂口 20779~20885屠肥牛即彈,明日如能突破本周一高位21320 代表好友健在, 今早老外沽出深A股,但午後卻大手掃入A股,推動內地股市低開高收,單日轉向,靚絕,今日上證已創新高,明日要挑戰3300大位,利好港股

月中是港股回調的時間窗口,早前第一次上22000及100天線只係試水温,今次調整插穿21000是在預期之內, 港股雖然大幅回吐,但市底仍強市寬佳,繼上周恆指10天線升穿50天線,本周20天線亦已升穿50天線,近來連日下跌就會有貼價熊出世,普遍分析都唱淡,吸引淡友入局,如今熊仔已落到21500水平,當時辰一到就會再殺上去,反彈阻力10天線約在21400水平

唔少股份都受美國或會大幅加息 所拖累, 因為融資成本會急增,但為何港科技卻呈強勢呢? 因為中國不但冇加息,仲推出救市政策,以及放寬科企的監管

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

點升上嚟就點落返去,股災式暴跌,繼續尋底

13/6周一恆指收21067, 急挫738點,連跌3日

上升裂口 27/5 20272~20494, 30/5 20779~20885未回補是後患

港股大裂口開出唔俾企錯邊的股民逃生係大鱷一貫操控港股的手法,低見20993即彈,又扮守得住大位21000來震熊引牛,20400-21000肥牛飛撲入市,貼價牛肥熊瘦,有下殺誘因, 估計淡友會在 議息前盡量推低大市

一般來說,大市未見頂大鱷就會力守關鍵大位,不過當見頂後就會縮手唔托,低位毫無承接力,全民皆艇買盤縮,斬倉止蝕盤湧現,股市就會急挫, 老外狂沽A股走鬼, 進一步拖低港股

以周線來看,今日低見20993巳跌穿上周低位21030, 港股轉勢向下,破位而下尋底格局已形成,月初低位20884不可能守得住,要向20500進發來擴大周及月波幅,有阿爺出台政策救市做後盾,如果好友仍未放手,就要守住20500,如收於20600之下,小心後市會急挫,如下試20000不妙

收跌周不會在周一見底,無論港股抑或指標股QQ周波幅都未達標,仍有下跌空間, 周三聯儲局議息前金融市場風雲變色, 華爾街大鱷 玩逼宮,想嚇窒鮑威爾,股滙債三殺,上周四五美股大插,到今日仍未止瀉,美期暴瀉,拖累全球股市

港股高處不勝寒,獲利盤湧現

10/6 周五恆指收21806,跌62點,繼續尋底屠牛之旅

港股連升兩周,累積龐大升幅,下周不妙,皆因14-15/6聯儲局議息,呢兩日美債息和美元已經湧緊上去,今日港股冇跟隨上證創新高,升勢已露疲態, 港股溫度計 QQ及港交所見頂回落,底頂下移,代表港股尋頂之旅暫告一段落,以恆指閒閒地千點周波幅來看,下周如未能重上22000水平,就要下試21000

留意大鱷的佈局, 明知臨近15/6聯儲局議息,以及今晚10/6公布美國通脹數據,股匯債必定會有負面反應,所以趁本周初美元及美債息仲未爆上,就拿拿林推高港股做世界,見呢兩日 美元及債息 蠢蠢欲動,湧緊上去,大鱷就沽貨鬆人,托沽手影明顯,扮跌唔落一插即彈引牛入局, 今日就大舉屠牛

昨晚美股暴跌破位而下,不利港股,港股出現多個利淡訊號, 多隻指標股 見頂回落,沽空連日急增, 內銀內險內房地產等舊經濟股持續沽壓沉重,由26/5起,恆指收市U盤每日都係踢高,但今日卻走低, 港匯轉弱,熱錢流走,人民幣連跌4日,收報6.6927,跌90點子, 昨日 港股見頂回落轉勢向下, 展開尋底之旅

本周港股收升,連升兩周已打破了慣性走勢 ,代表好友已奪得主導權,因為由2月中起, 港股每次只升一周就回落, 如今連兩周係強烈利好訊號, 月尾就要向22000及100天線進發, 正正配合 元帥早前寫的劇本,4-6月係築底市,6月好友發力上攻

9/6周四恆指收21869,跌145點

大成交衝頂冇好下場

昨日港股出現罕有的$1840億超大成交, 今日就倒跌收場, 港股溫度計港交所及QQ出現見頂訊號, 上證衝高回落,於3250穿梭,預示港股調整未完,嗶哩於收市後公布業績唔靚仔,會引發科企沽盤出籠

昨日港股Rsi已經去到70附近,通常上到呢個水平大市就會轉勢向下,今日果然收跌

港股今日雖然跌幅不大,但大量貼價牛飛撲入市,拉住港股後腿,21700向下級級有肥牛,淡友散戶輸到怕,紛紛變好友買上,有下殺誘因,北京朝陽疫情嚴峻,再度引發市場憂慮封區會拖垮經濟,好友紛紛沽貨止賺,導致中港股市齊齊掉頭回落

周三低位21734, 周四低位21738, 假如大鱷本周仍想攻上去做大頂,又點會咁好死落番去周三低位起步點,接好友散戶上車然後再爆頂呢!

上次高見21415回落至20884就再上攻, 只得 531點 跌幅太少, 因為通常要回吐600~800點 才達標,我估 係因為當時未見頂所以大鱷唔畀跌得太深,如果做了短頂,短炒好友大鱷已食胡,又或者空軍完成部署,大市就會跌多些, 要下試21500才達標,如中美股市亦見頂回落,恆指就要插深些,要向21000進發

有外電報道指,阿里巴巴旗下螞蟻集團或可能可能重啟上市,可是之後螞蟻集團表示,正在監管部門指導下專注落實整改工作,目前沒有啟動首次公開發行的計劃,假如炒阿里的熱錢見炒錯市齊齊散水就大鑊

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

8/6周三恆指收22014, 升483點, 繼續尋頂屠熊之旅

已經有一段長時間冇莊家進駐的QQ今日變天, 莊家湧入大舉掃貨追落後, 係港股市功臣, 推動科指率先突破4月高位4773, 科企強勢領軍,不過QQ$400係阻力大位,蟹貨會出籠

恆指早市上到22000水平急回,扮見頂震牛引熊,大鱷呢招果然令牛牛減倉,熊熊飛撲入市, 不過以周波幅計, 後市如上到22200已有約1200點周波幅, 本周不宜攻上22500, 如中美股市回吐, 加上港股升勢過急, 超買, 始終會對港股構成壓力, 小心再伸多一腳上去大市就要回吐, 其實老外今早沽出深圳A股獲利, 拖累內地股市一度急跌

3/6水星逆行結束,中港股市隨即於端午後芒種日起動,港股五月不窮,六月亦不會絕,未到七月已翻身,只要失驚無神大幅抽升挾淡,逼空軍投降回補空倉,又或者股民湧去買衍生工具做好倉,發行商入貨,就可進一步推動大市向上,

今日港股升勢並不全面, 皆因資金繼續丟舊經濟股,換入新經濟股, 即係逼股民跟紅頂白, 追入科企幫手推高大市, 大鱷大媽就乘機高位派貨

昨晚美國 10 年期債息高見3.064%後低收報2.979%,中港美股市借勢反彈, 不過今晚再度重上3%, 不利後市,如果好友想今個月收升,亦不應一路殺上去做大頂,畢竟仍有3個星期才到月尾,好難一直托住高位, 後日美國公布通脹數據, 獲利避險沽盤會出籠

7/6 周二恆指收21531, 跌122點

睇呢兩日港股表現,以及上證的強勢,本周港股收升已無懸念,收升周多數會在周三四五創周高位,即係會升穿今日高位21744, 如能連升兩周就更加確認早前所說3月做今年大底18235,4-6月築底, 不過美股大熊市會拉住港股後腿,令築底時間延長

早已說過假如昨日夾硬推升,今日獲利沽壓就會加劇,亦講過不宜太早上22000, 科指跌兩日就會彈一日,今日回吐係正路,拖多一日,21800-22100熊又養肥咗,老美收水,阿爺放水,中港股市一回吐就見趁低吸納盤,所以兩地股市一插即彈

人民幣兌美元在岸價收報6.6655,跌198點子, 中港股市借勢調整,港股要消化沽壓,再儲力向上,關鍵阻力大位22000,如能收於其上,下一站22500

中港股市氣氛明顯好轉,成交增加, 配合升勢, 底頂上移尋頂格,港股溫度計港交所早已率先起動, 具啟示作用

連早前弱雞的QQ及阿里都康復出院去登高,扯住港股上山, 近來見資金換馬, 沽出舊經濟股, 換入新經濟股, 今次升浪科指強得不尋常,皆因阿爺放寬互聯網新經濟企業的監管

早前已講過美股熊市,但港股卻是熊轉牛,所以港股表現勝道指,兩個指數差距明顯收窄,反映有資金流入炒中港股市

上證突破3200水平隨即咬住唔放, 強爆,不過上證連升3天,已經去到3250阻力位,如能上破,下一站3300, 如果上證受阻而回,就會拉住港股後腿

老外近來密密掃入A股,就算上午沽貨止賺,尾市都會再入貨,可能係炒阿爺推出扶持政策救經濟撐股市, 要留意當老外大舉活出A股, 就會壓住中港股市

~~~~~~~~~~~~~~~~~~~~~~~~~~

大市急升後回一回更健康, 為何尋頂之際回一回更有利破頂呢?

因為當大市升到嘭嘭聲,就會有唔少股民擔心見頂想走貨,又話者空軍想做淡,所以大鱷就會刻意畫見頂的利淡圖表,引股民出貨,消化沽壓,趕走擋路蟹,震牛引熊,引淡友沽空,當時辰一到,就抽升挾淡,收復跌幅並升突,逼淡友回補空倉,就可推動大市破頂而上

6/6 周一恆指收21654, 升571點

今日轉節氣芒種,預示有大變,6月開局連跌兩日後今日轉勢向上,展開尋頂之旅,上周恆指 出現罕有的531點超細波幅,預示本周會係大波幅,挑戰21800-22000水平,上證強勢突破大位3200後瞬即站穩, 成為好友推高港股的助力

上星期三四港股連跌兩天,不過當時港滙沒有急速轉弱,反映不是熱錢撤退,只係養牛熊及回調整固,消化沽壓, 上周港交所企10及20天線,今日攻上50天線,史哥以前曾經講過港交所企20天線,港股就會飛天

由2月中起港股周線只會升一個星期,未見過連升兩周,但內地股市飛天, 有超大成交配合升勢,扯住港股上山, 應跌不跌須防升,假如本周港股仍收升,連升兩周就打破了慣性走勢 ,代表好友已奪得主導權,要向22000及100天線進發, 正正配合 元帥寫的劇本,4-6月係築底市,6月好友發力上攻

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

2/6 周四恆指收21082, 跌212點,連跌兩天

本周好友大勝,周線收升收陽,今日港股一插即彈,雖然收跌,卻收陽燭,科指非常硬淨,低位見買盤承接,不過美元及債息止跌回升,股市沽壓會愈來愈大,本周港股雖然跟隨上證收升,不過由2月中起港股周線只會升一個星期,未見過連升兩周,是否應假設下個星期係收跌周? 假如下周仍收升,連升兩周就打破了慣性走勢 ,代表好友已奪得主導權,要向22000進發

本周恆指只有531點超細波幅, 回吐幅度不足, 預示下周會出現大波幅,內地股市表現亮麗,有阿爺推出政策救市,愈升愈有,成為好友上攻的助力, 人民幣止跌回升 報 6.6750,收升191點子 ,港匯略為轉強, 怪不得港股大插後抝腰向上,收窄跌幅

早前估計21500-22000 只係6月上旬的阻力位,21415不會是反彈浪頂,呢兩日回吐只因由19178衝上來,累積龐大升幅,升勢過急,要歇一歇,消化沽壓再儲力上攻,今晚夜期收大高水, 按照慣性走勢下一個交易日收升機會大

科指周四五連跌兩日,回顧5月下旬亦見過兩次連跌兩日,跟住就會彈一日, 美團業績勝預期,adr大升,正路下個星期一(6/6)會帶動科指彈高

上星期恆指出現罕有的超細531點波幅,本周要追數就要做大波幅, 不進則退, 本周高低位20884-21415要爆邊,如未能上破21500, 就要下試20500,港股能否向上突破就要看上證,只要上證站上3200, 港股就有運行

~~~~~~~~~~~~~~~~~~~~~~~~~~~~~

有望上破22000

估計6月走勢會係高、低、再高,即係月初爆上,月中回吐做底,月尾再殺上去,以月波幅計,有望上破22000, 不宜太早,要等肥熊入局才有誘因攻破, 恆指的戰線由5月的20500穿梭變成21000穿梭,跟隨上證波動區間上移

美股4月展開大跌浪,跌到走樣,5月尾周線終於反彈了一個星期,但6月初周線再度收跌, 會拉住港股後腿 , 所以港股能走多遠就要靠阿爺, 睇下 上證上到幾多樓,亦要睇阿爺會否 七一回歸紀念送大禮, 睇財經日誌就知今個月立立亂

3/6美國公布非農就業數據 ,的確是難關, 因為近日美股已預先大幅抽升,獲利沽壓會增加,唔少分析都看淡美股,普遍認為近來只係熊反彈,後市仍不樂觀, 港股最大問題係大鱷提款機,熱錢炒快閃,美股熊市,急升亦會急跌,大幅波動,必定會影響港股

最新回應

試下學下
試下學下 2023/02/02

為我們帶來歡樂的毛蟲 {#iconb_241}保重

吾捨得卻是大自然的一份子,吾應該人為影響佢 {#icons_boy3}

c6
c6 2023/02/01
@soho*...

大元帥

感謝🙏教導大家

C6近日都炒少咗

炒少咗 好似頭腦清晰啲

//散戶少做少錯,起碼有七八成把握才出手,不要炒得太密//

c6
c6 2023/02/01
@soho*...

大元帥

你咁快放走小🐛

會唔會唔捨得呀

我擔心佢唔識去覓食

//今日趁天氣回暖,已按計劃將毛蟲放生//

soho*
soho* 2023/02/01

贏咗就會心雄,輸咗就會心慌, 散戶容易亂了陣腳,所以風險管理係非常重要, 試兄說得對

經過去年一役,試兄的炒股手法及心態都改變了

散戶少做少錯,起碼有七八成把握才出手,不要炒得太密