Kelly Chu
Kelly Chu
Kelly Chu

KellyChu - 不滿意演唱會售票安排 MIRROR「前夫」專頁關閉|Executive日記

2022/06/04 04:12:04 網誌分類: 生活
04 Jun
        人氣男團MIRROR七月進軍紅館搞演唱會,更首度以實名制售票,但日前公開發售門票就焫着唔少人,Kelly同唔少粉絲一樣,搞足十幾個鐘都買唔到。有電訊商推門票抽獎,但中獎仲要加購物先有飛,焫着一班鏡粉,其中人氣旺盛嘅「我老婆嫁左比MIRROR導致婚姻破裂關注組」版主發文狠批,更宣佈會永久關閉人數超過三十五萬人嘅群組!

呢個去年七月成立嘅群組,人數超過三十五萬人,喺一眾鏡粉及「前夫」圍爐分享追MIRROR嘅生活,不過,版主前晚發文,直言不滿意今次演唱會售票安排,大多數鏡粉一直以來無條件嘅付出,「MIRROR賣廣告,鏡粉衝住買晒佢,MIRROR有卡抽,鏡粉一日三餐食老麥」等,又話雖然預咗首個紅館演唱會難買飛,但「一睇個floor plan,喂黑洞咁嘅樣嘅」?

佢形容似「你眠乾睡濕養大個仔,想參加佢嘅畢業典禮,但你要睇下好唔好彩先買到飛」,直言主辦方將鏡粉對Mirror嘅愛綁架,又話「我地成日鬧黃牛」,但主辦方「自己做大黃牛」,明言「今次實有人睇架」,不過「下次?唔知嚕」,更宣佈將會於演唱會後永久關閉此關注組,感謝各位喺呢一年時間嘅關注及支持。
Kelly Chu
■當日姜濤生日電車廣告,粉絲爭相「打卡」。
 ■當日姜濤生日電車廣告,粉絲爭相「打卡」。 
回應 (0)
我要發表
user