KellyChu - 東涌新區生態海岸線 沿途推「紅樹種植計劃」｜Executive日記
2022/06/06 04:12:01 網誌分類: 生活
黃偉綸話，土拓署可持續大嶼辦事處把握東涌新市鎮擴展嘅契機，將於東涌東擴展區建造長約4.9公里嘅海堤，當中包括全港首條總長約3.8公里嘅生態海岸線，目的係透過模仿天然潮間帶的生態環境，以提升生物多樣性。項目團隊早前開展咗為期四個月嘅「紅樹種植計劃」，邀請東涌區內嘅小學生種植紅樹苗。喺首堂工作坊中，參加嘅小學生學習到生態海岸線、紅樹林等保育知識，並設計自己嘅盆栽及把紅樹苗—秋茄樹（別名：水筆仔）種喺盆栽內，同時學會咗紅樹種植技巧。計劃完結後，參加者種植嘅紅樹苗會被移植到東涌生態海岸線。
另外，項目團隊設置咗東涌生態海岸線試點。日前喺試點中發現了不少「新鄰居」，例如彈塗魚、銳齒招潮蟹、粒花冠小月螺等。試點已建立兩年多，所種嘅紅樹生長情況理想，形成良好嘅海洋環境。
Kelly Chu
回應 (0)
我要發表