木水火
木水火
木水火

拿出成績才可取信於民

2022/06/21 12:30:17 網誌分類: 時事
21 Jun

新班子要以結果為目標,要提升管治效能,就不能口噏噏當秘笈,而係靠實幹,並拿出成績,才可取信於民。 {#icons_cat7}

笑看天下:拿出成績才可取信於民

新一屆政府班底出爐,並將於今年7月1日就職。新班子主要官員一個亮點,就係6巾幗入閣,佔團隊約四分之一,冠絕歷屆政府,尤其房屋局局長嘅何永賢和發展局局長嘅甯漢豪,單看名字,未必猜到係女性! {#icono0_1}

兩位女局長對未來房屋政策都有抱負。何永賢表示,加入該局嘅決心係見到有基層居住環境差,盼工作能改善他們生活,改變基層命運及帶來幸福。她指該局嘅工作會「立即行動」,又指與其他局有一定默契,並指第一天工作將會聯絡建築業界,共同解決住屋問題,「願公屋溫暖萬家」。 {#icono_66}

就現時公屋輪候時間逾6年,被問及如何加快上樓,何永賢就話,當局目標係加快建屋,強調數字係結果,「快一、兩個月也要爭取」。衣食住行四大民生要素,最令大部分港人長期不滿的,恐怕係住,尤其「屈室求全」嘅劏房戶!本報早前頭版報道全港有874個空置公屋單位,有些甚至丟空多年,房屋署仍舊「闊佬懶理」。嗱!呢啲不恤民苦嘅官僚作風,新任房屋局局長心中有民,希望佢上任後多加留意! {#icono_18}

新政府決意加快覓地建屋,短期內恐怕未能做到,除了加建臨時過渡性房屋,亦有建議善用目前已停運嘅多間方艙醫院,呢個建議亦不妨考慮,要言之,能幫到居於惡劣環境嘅劏房籠屋戶,愈快愈好!政府以長短策互相配合,可解決「前人種樹,後人乘涼」嘅空談!至於候任發展局局長甯漢豪表示,過去10年佢先後出任地政總署工作,而未來將做好土地發展工作,達致「提質、提量、提效」,而發展過程會謹記「以民為本」。新班子要以結果為目標,要提升管治效能,就不能口噏噏當秘笈,而係靠實幹,並拿出成績,才可取信於民。

評論員 施友朋

https://orientaldaily.on.cc/content/要港要聞/odn-20220621-0621_00184_009/笑看天下:拿出成績才可取信於民

回應 (0)
我要發表
user