24~27/6 港股月尾例飆

港股連升三天創月內新高，惟獲利沽壓大增

27/6 周一恆指收22229, 升510點

上升裂口21762~21976有待回補

挑戰 4月初高位22523

港股熊了一年多，終於苦盡甘來，8/6科指升穿4月高位，今日27/6國指亦升穿4月高位，下一個就輪到恆指升穿4月高位22523, 可能拖到第三季, 因為印象中大媽托市月恆指月波幅會收窄, 目前恆指波幅有1717點, 已進入達標範圍

港股連升3日，過去三個月港股都係月尾急升挾淡,然後就急跌, 3月三連升, 4月跨月五連升, 5月三連升, 按此推算, 明日沽盤會湧現， 後市要留意當港股低開或國指跑輸恆指，就係淡友反擊訊號，港股沽空大幅增加，當中車股及科技加沽明顯, 預示港股會突然急挫

QQ大股東預告會密密減持來套現, 係強烈利淡訊號, QQ見頂, 代表港股亦升到水尾, 傳聞上周已有約$325億貨轉入中央结算系統, QQ見頂回落, 拖低大市, 正午時QQ出壞消息港股只係略為收窄升幅, 皆因大鱷唔想放生淡友, 所以一挾到尾, 逼空軍斬倉止蝕, 進一步推高大市

見港股大升也不要太樂觀, 美團港交所阿里等多隻權重股已升抵阻力大位, 估計明日獲利沽壓會加劇, 如大市未見頂就會即市完成調整或小幅收跌，如大幅收跌就係見頂訊號

上星期恆指4升1跌, 升市日數超標, 按照慣性走勢本周不會日日升，估計會補跌, 港股今日成交高達$2000億，大成交衝頂冇好下場

炒家相信七一回歸前有人睇場，亦估計七月頂部會上移，見港股跌就掃貨，尋頂市買盤強勁，調整時間會較短, 如出現連日下跌, 代表呢浸升浪结束, 轉尋底市

半年結月尾企業手緊，趁市況好配股係好時機，QQ大股東出貨, 估計其他股份配股陸續有來, 可能係大行近日托市的原因之一

今日滬深大媽大手走QQ止賺, QQ大股東的沽盤會拉住港股後腿, 今日唔少股份爆升 有粉飾櫥窗味道，估計基金傾向出貨埋半年結，減磅袋袋平安 來鎖定利潤

今日恆指爆上22414創6月新高, 擴大了周及月波幅，本來肥熊已死得七七八八，但淡友繼續入局，22400之上有肥熊, 而21550附近小牛亦剛出世，目前肥熊較吸引，等牛牛養肥就插得, 按照慣性走勢, 一個大反彈浪當貼價牛出世及養肥,就係轉勢向下的時候

今日上破月初高位22142, 後市如收於其下，代表淡友反擊中，只要收於其上，就會挑戰22500

騰訊回購83萬股,每股價格介乎$358-368,涉資逾3億港元

港股月尾例飆, 向22500進發

24/6 周五恆指收21719, 大升445點，連升兩天

早前元帥說的陰謀論成立, 今個月港股跟足劇本全月呈高低高形態

~上周恆指收21075, 上周壓低收可降低本周收升的門檻, 亦可引淡友入局

結果本周收大陽燭, 收21719, 全周大升644點

~ 6月中時100天線及22000匯聚，形成雙重阻力大位，過去兩周大鱷刻意玩跌下彈下, 俾時間100天線下移，目前已落到21700附近, 只要先收復100天線，打好基礎，增強投資者的入市信心，有助攻上22000

~ 每逢遇上超級阻力大位, 就要等好消息做助力挾淡爆破阻力位

~ 估計6月走勢會係高、低、再高，即係月初爆上，月中回吐做底，月尾再殺上去

~ 月初曾預測今次升浪目標係22500-23000, 9/6高見22142只係試水温，按照慣性走勢下周將會一飛沖天，破頂而上

~ 港股五月不窮，六月亦不會絕，未到七月已翻身

~ 港股每個月的升跌韻律:  收升月: 月初先做第一個頂，月中回吐，該月下旬破頂