KellyChu - 星島新聞集團名人珍藏品慈善義賣|Executive日記
2022/07/01 04:12:02 網誌分類: 生活
今次義賣活動有超過八十位名人參與,捐出超過二百份嘅珍藏品,所得收益將捐至慈善機構「人間有情慈善基金」,以支持基層兒童同青少年項目發展,將愛傳遍社會。
今個星期容祖兒、梁詠琪、鄧麗欣、鄭欣宜、關智斌、馮允謙、張天賦等捐出嘅珍藏品好受歡迎,聽聞一推出已被人搶購咗,而今日開賣嘅就有黎諾懿嘅珍藏紅酒、溫碧霞提筆嘅畫作同名牌手袋等緊大家。
記得留意下星期嘅風水名人篇、回憶紀念篇同人氣藝人篇,有七仙羽師傅、李克勤、森美、鍾嘉欣、陳展鵬、馬浚偉、姚子羚、吳業坤等捐出嘅珍藏品,唔好錯過,快啲同Kelly一齊掃QR Code每日上去「星購JETBUY」網店睇吓有咩好物新上架啦,去到七月八日咋!
Kelly Chu■黎諾懿捐出Chateau Le Puy 2003 紅酒。■七仙羽師傅捐出名師設計人手刺繡新年衣服。
■李克勤捐出國家隊羽毛球運動衣。
回應 (0)
我要發表