7月尾港股打破日升日跌利淡

2022/07/14 23:57:56 網誌分類: 經濟
14 Jul

9/8 港股成交急降,大龍鳳先兆

今早推高大市可能係為了屠殺昨日出世20200附近的熊仔,高位加沽,以及部署明日 月供股票派貨, 今日仍受制於20300,  明日就要下破19800來擴大周波幅, 19800.19515.19178.19000....

牛牛在20000之下,最肥牛聚集於19500附近,上證仍受制於3250, 連升4日時辰到,要看能否守住3227.3200, 只要內地股市下跌,就會拉住港股落山

8/8  港股成交急降,大龍鳳先兆

以往上攻受阻而回,震完就會再上, 不過如仍受制於20300,  就要下破19800來擴大周波幅, 科指/科企沽空勁多會壓住大市,20200-20400阻力大,乾升上破亦難企穩, 港股要等回補4/8上升裂口19922-19995, 以及等QQ見底才能再上, 當美股上證見頂回落,就會拉住港股落山

近來空軍針對新科企,亦加沽了港交所 阿里 網易 小米…… 高盛有大批QQ負責沽出,所以由6月尾開始密密托沽,不斷滲貨出街,唔知是否南非佬的貨

牛在19900,剛出世BB熊在20200,上周恆指4升1跌, 升市日數超標, 本周要補跌,淡友會反擊

{#icono_72}{#icono_71}{#icono_71}{#icono_71}{#icono_72}{#icono_71}{#icono_71}{#icono_71}{#icono_72}{#icono_71}{#icono_71}{#icono_71}

1-5/8 港股先苦後甜,好淡通殺,牛熊陣亡,來回地獄與人間

5/8  港股連升三日露疲態

港股有個慣性走勢,就係明明好弱但跌跌下突然轉向急升扯住上殺淡友,以為好強但升升下突然轉向急插碌落山殺好友,又或者大裂口開出,毫無徵兆 防不勝防,持倉企錯邊往往走唔切

大鱷愛玩好淡通殺,好友淡友雙雙陣亡,基金及散戶上半年輸到趴街,已無心戀戰,加上中美台局勢變天,業績期隨時踩中地雷,入市風險極大,導致港股乾升乾跌

所以我都係分注買賣炒波幅,收細注碼,傾向炒內地股市,上落較易捉路,上證已連升兩日,通常升市只得2~3日,6月上證強勢亦只係升4日,今日已見科指QQ動力不繼,今日畫周線夾硬推升,20100附近BB牛剛出世,小心下周開新局暗殺BB牛,4/8上升裂口19922-19995有待回補, 牛在19900~20100,熊在20300,

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

港股底頂下移續尋底

29/7 周五恆指收20156, 大跌466點,繼續屠牛之旅

期指結算後維穩盤消失,好友果然係撐埋結算就鬆人,空軍不斷加沽,今日沽空金額高達$241億(18.6%), QQ繼續破位而下,拉住港股落山,連大媽大手掃入QQ都抵擋唔住龐大沽壓,預示港股後市不妙

牛肥熊瘦,重倉牛在19400-20000, 下殺誘因大,日圓轉勢,連日走強,或會掀起拆倉潮,老妖婆8月初訪台,股滙債勢必起風雲,估計8月港股會深潛,20000大關危危乎,500點一級,向19500.19000....進發

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

27-28/7恆指連續兩日收跌,已打破了日升日跌的慣性走勢,連跌代表淡友勝, 結算後見真章, 要擴大周波幅及月波幅就要向20000-20200進發

港股應升不升需防跌,27/7港股冇跟美期升, 28/7冇跟上証升, 代表有大鱷滲緊貨出街, 臨危托沽, 市場一直擔心QQ、比亞迪及阿里股東的大手貨何時出籠, 空軍頻頻出手加沽,後市不妙

近日QQ窒窒步跌,扮守得住$320 來引好友入局,假如QQ見$300,港股會死咗去邊?散戶於$320-360不斷掃貨,大鱷就密密派貨,莊家早已走光,貨入散戶手,你話後市會點走?

港股正處於下行趨勢,自從6月尾見頂後就級級落,所以散戶博反彈往往一入即艇

其實唔少指標股近日都跌穿波動區間下方,洗倉味濃, 散戶懵盛盛入貨 以為執到寶,隨街平貨事出必有因,阿婆行得快,一定有古怪,小心低處未算低

今個月堅定不移看淡港股收跌, 亦看淡QQ和阿里, 一直冇改變, 早前已分析過5-6月港股強過美股的形勢已逆轉,道指恆指差距越來越大越,港股愈來愈弱,以月波幅計,8月會跌穿20000大關

6月尾恆指見頂22449後, 每周都係頂部下移: 22198.21470.21111.20952....一路向下壓, 走勢差劣, 不進則退, 20000大關危危乎, 連股王迪迪仔 亦早已轉勢向下, 對後市具啟示作用

大鱷操控大市的手法係,升一輪又跌一輪,5 及6月 港股收升, 股民有得賺,所以7月 大鱷就要股民嘔番盈利出嚟, 上周雞煲和元帥約咗郭晶晶今個星期出來聚一聚, 幾時現身表演高台跳水呢?

過去兩周港股窄幅波動, 靜極思動, 呢種形態不會持久, 大鱷想食大餐就要爆邊, 港股累積龐大沽空, 壓力始終要釋放, 結算後期指開新局見真章

~~~~~~~~~~~~~~~

港股3月見底,現時正處於築底期,但7月未必係轉角,有分析師說築底可以半年甚至一年, 即係仍會插穿20000水平,美國全方位針對中國,老妖婆話8月訪台,分明係挑釁中國,萬一擦槍走火,又可以出現股災, 插穿19000再試底都唔奇

按照慣性走勢,收跌月多數會在20號之後創月內低位,目前低位20215是15/7出現, 時間上未達標 , 加上月波幅略嫌不足,所以後市仍有破底的危機

由7月中起,恆指有一個走勢模式, 就係跌跌跌,看似好弱,跟住就一大棍抽升,收復過去幾日的失地,然後再跌過,跟住又急升收復失地,所以玩咗半個月,仍然係原地踏步,換句話說,要大跌才有得彈

由12/7起,恆指在20500-21000主區間波動, 兩邊爆都企唔穩縮返入主區間內, 大鱷玩洗倉,逼股民止蝕止賺,趕走擋路蟹,要低位收夠貨,港股才會真正轉向,港股低處未算低, 短炒揾食難,不炒也罷,但中長線卻可趁大插分注買入優質股

恆指主力在20500-21000遊走,大鱷一直咬住20500-20700來收市,扮跌唔落引好友入局,大鱷趁反彈乘機派貨,其實唔少股份跌幅多過指數,因無形之手力守20500, 多次跌穿都能收於其上, 令人有跌唔落的錯覺

有基金經理說,明知QQ、比亞迪及阿里有大股東將會沽貨,亦明知買入後有更低位機會大,所以唔入貨,港股跛咗三隻腳, 易跌難升

~~~~~~~~~~~~~~~~~~

紅杉資本於上周四、五及本周一(21~25/7), 減持美團逾654.3萬股股份,合共套現近12.5億港元,近來有很多配股抽水活動,亦利淡市況

匯控於7月28日回購後,5月3日公布股份回購10億美元經已完成

有報道指中國政府希望銀行提供高達1萬億元人民幣貸款,幫助內房商完成停工樓盤的後續建設, 真係害死內銀

現時港股成交萎縮, 大鱷舞高弄低就更容易, 港股成交萎縮的部分原因:

~ QQ、比亞迪及阿里 的大股東隨時會沽貨,嚇窒炒家及投資者唔敢重倉以及炒呢三隻股份

~ 唔少基金經理上半年輸咗20~40 %, 炒到冇癮, 基金經理輸死咗, 出手唔敢太勇, 玩快閃, 有些甚至可能放暑假

~ 唔少散戶及炒家 成手蟹或虧損嚴重,削弱入市意欲

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

26/7 周二恆指收20905, 升343點,港股繼續日升日跌,好淡通殺

空軍趁港股急升大手加沽

今日恆指一度急升390點,肥熊陣亡,熊死牛命危

目前牛熊都貼價,20500-20700 BB牛新登場,要買定官才,近來大鱷的手法係見一出世就殺, 等貼價熊出世又會再升過

聯儲局議息前,美元止跌回升,重上107水平,不利股滙

港股已升抵阻力大位,不進則退,要再下試20500大位

恆指周波幅未達標,仍有可能插穿周一低位20353來擴大周波幅

港股升市一向靠科指及國指領軍,但今日兩者皆弱過恆指,而且升市成交只得$965億,代表港股只係靠挾淡推升,乾升虛火難持久, 要等國指/科指強過恆指, 動力才會增強

科指上升乏力,可能係因為納指上周五見頂12093後回落,多家美科企本周公布業績,擔心美企見光死

雖然#9988阿爸今日急升,但切勿過度樂觀,仲要睇埋今晚在美上市的阿爸有冇彈高,否則會壓住港股阿爸

有唔少基金上半年輸20-40%,加上今個月 港股出現很多走勢陷阱, 日升日跌,好淡通殺,搞到基金經理及 投機者 炒到冇癮,紛紛離場,導致港股成交越嚟越細,無啦啦急升急跌,大鱷擺明係趕客

恆指收市U盤急回,收窄升幅,可能係好友食胡,因美期反艇,炒美企業績班大鱷上周已食胡鬆人,要等美股觸底回升, 好友才能借勢出手

明日結算前夕,好淡角力的大日子

怪不得近日弱雞內房突然急升, 原來碧桂園配股27億元, 真係累街坊,利淡市場氣氛

諗下呢兩個星期, 假如冇入市短線, 是否唔使蝕? 大鱷咬住指數來洗倉, 早晚會洗到你手上的股票, 短線不炒也罷, 但中長線可分注趁低吸納

明日科指正向ETF #7226 五合一

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

25/7 周一恒指收20563, 跌46點, 日升日跌,牛死熊命危

近日大鱷於20500附近炒窄幅,俾時間貼價牛熊出世,轉頭就開餐,冇爆大邊都有牛熊吃,大鱷真古惑, 今日低見20353, 守得住前底20215彈上20563收,加上貼價20600-20800在嘴邊,亦有誘因上攻

恆指日升日跌,好淡通殺,今日高見20595就企定定冇再推上山,原來係俾 20600-20800熊出世, 近日恆指即市波幅明顯收窄,只得二三百點,對於大鱷來說,抽升殺跌 易如反掌,貼價牛熊風險高,持倉過夜隨時變天, 今日回吐但冇創新低, 一插即彈, 收復大部分失地呈陽燭, 利好

雖然20350樓下有肥牛但港股亦未必會暴跌, 除了睇牛熊分佈之外,港股破頂破底 多數跟外圍,近來中美股市冇創新低,所以港股亦冇創新低, 只要QQ及科指唔死, 港股就死不了

內房爛尾樓 拖累 7月下旬港股表現, 不過近日 多地 頻頻開會商討救內房事宜, 有助穩住市場氣氛

科指跟足慣性走勢,今日低見4480後急彈上4534收,果然守住4500水平, 今日港股焦點係科指,由6月初端午節後起,科指多次跌穿4500都能收於其上, 只有一次例外,當天收4440,不過翌日已重上4500, 科指好淡角力位4500,如收於其下兩天不妙


滬大媽買入比亞迪,沽出理想汽車、小鵬汽車、吉利

深大媽買入理想汽車,沽出小鵬汽車、比亞迪、吉利

即係滬深大媽齊齊沽出小鵬和吉利

~~~~~~~~~~~~~~~~~~~~~~~~~~~~~~

近日於20500大位窄幅穿梭,成交太細,操控QQ已經可以將大市舞高弄低,上落300點都得,貼價牛熊都冇必勝把握,今日港股都係跟住美期及上證來波動

月尾好淡通殺, 上證咬住3250唔放, 同港股一樣都係窄幅穿梭

空軍推低大市來平空倉食胡,唔少股份都急插後抝腰, 大鱷 玩大插屠牛,挾高殺淡友熊熊,空軍乘機於高位加沽

月尾6天多數上下兩邊走,好淡通殺, 目前係1升1跌,明日輪到升, 星期四期指結算,大鱷亦要部署結算位, 由3月開始,每逢月尾, 恆指例牌會有一浸連環急升逾千點, 不過7月係收跌月, 今次月尾撞正聯儲局議息及美國公佈GDP,未知會否有影響, 假如我係大鱷, 就會於未來兩日上攻屠熊及推高結算價, 結算後才落山

歐央行為了應對通脹,上周四宣布加息0.5%, 是2011年以來首次加息, 在加息後,歐元兌美元一度升至1.0278,創逾兩個星期新高

歐元升就推低了美元,目前已跌穿106.5水平(7月中曾高見109.3039),人民幣亦結束三連跌,作出反彈,滙市形勢好轉,中港股市急跌後亦抝腰向上

本周輪到科技股公布業績,包括Meta(FB)、Alphabet、微軟、亞馬遜及蘋果,油股如埃克森美孚、可口可樂。至於經濟數據有美國第2季年率化GDP, 6月個人消費支出(PCE)物價指數

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

21/7 周四恒指收20574, 大跌315點, 日升日跌

近來恆指日升日跌, 大鱷磨到貼價牛熊出世就殺, 好友淡友都要死, 只要打破 梅花間竹 的走勢,出現連升或連跌,代表大市走出方向

觸底反彈通常玩一個多星期就收工,上周五見底,數住手指來炒上落啦!升到水尾喇!反彈初期因為失驚無神挾淡,所以頭浸升幅特別大,隨後幾日上升動力就會轉弱,本周一升548點,本周三升229點, 今日更創展開反彈浪以來最大跌幅

近日納指強勢, 推動港科指大幅跑贏大市, 今日港股走弱但科指仍能頂部上移, 力撐大市,不過科指已連升兩天,通常升到第三日獲利沽壓就會湧現, 升勢隨時斷纜, 港股升市成交縮,跌市成交大,唔係好現象, 唔少股份洗倉式暴跌,有散水味

美元雖然下跌至106.6水平, 但人民幣仍疲弱,中資股仍有壓力,趁老外沽出A股,淡友借勢反擊,收20500-20700打交位下方,代表淡友略佔優勢

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股高處不勝寒,21000得而復失

20/7 周三恆指收20890, 升229點

按照港股慣性走勢,如果周初升市日數多,臨近週末(星期四五)獲利沽壓特別大,其實今日衝上21000已見沽壓湧現,車股持續捱沽,擔心QQ阿里大股東出貨,高位見龐大沽壓

早市港股急升但成交只得$490億,就知道大淡友不但冇投降,更加強攻勢,午後港股回吐係正路,港股沽壓未除,只要明日低開,就係淡友反擊訊號

星期二老外大手沽出A股拖低內地股市,相反,星期三老外大手掃入A股,推高中港股市, 換句話說 ,如果明日老外再沽出A股,中港股又會反艇, 人民幣兌美元在岸價(CNY)收報6.7530,跌92點子,人仔跌利淡大市

港股出現見頂訊號,國指以全日最低位收市,走勢差劣,下周三聯儲局議息,下周四港股期指結算,斷估好友唔威得幾耐,趁反彈減磅及部署做淡

上星期五恆指收 20297

今個星期競價開 20479

按照慣性走勢今個星期係收升周,由好友主導大市,不過本周回吐如失守20500代表好友已鬆人,今日期指未平倉合約大減,可能好友今早踢上21100已食胡

本來牛在20300附近,星期三有貼價牛20800出世, 向下級級有牛扒

今個星期六轉節氣大暑

下星期三 27/7 聯儲局議息,跟住公布美國GDP

目前美股炒業績

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

19/7 周二恆指收20661, 跌185點

由於20900樓上熊太瘦,所以今日大鱷收斂攻勢,震牛引熊, 結果20800樓上級級都有熊入局,21100附近熊明顯增加,有上攻誘因,雖然20100-20300牛亦肥,不過要中美股市破底,大鱷才會玩破底,否則正路應上攻屠熊

周三四五係破位的時間窗口,本周恆指收升的話,就應升穿周一高位20866,QQ周一觸底反彈,底頂上移,已率先升穿上周四頂部,預示港股亦會跟隨,恆指亦會上穿上周四高位20888,  向21100進發,100及20天線阻力在21200-21350

今日港股成交急降,係大龍鳳先兆,守20400,上攻21000-21300, 過去兩個星期三恆指都收跌,按照不會全個月的星期三都收跌的慣性走勢,明日(星期三)會收升

一如早前所說,20500-20700係好淡大鱷打交位,上周五收20297, 昨日已彈番上去收20846,  今日雖然回吐,但仍收於區間上方,反映好友健在

匯市形勢好轉,美元由高位109.3039碌到落106.6附近, 英鎊歐元人民幣連升兩日,明早中銀月供日買盤進場,不過近來車股有散水味

日前分析美股上周四止跌回升,正處熊反彈階段,港股亦跟隨美股同步見底,同步尋頂

18/7 周一恆指收20846, 升548點,結束五連跌

今日大鱷玩挾淡,大舉屠熊,不過目前20900-21400只得瘦熊,要養肥才會上攻,後市如有回吐,只要守住20400代表好友健在,本周收升機會大

美期急升,好友借勢推高港股,高見20866挾淡屠熊殺淡友,期指未平倉合約大減一萬張,可能係好友食胡,不過好友似乎未走哂,連跌斷纜利好,上周恆指跌足5日,按照慣性走勢本周會補漲,不會只升一天

大媽沽出十億元國指ETF#2828,亦沽出其他股份,連大媽都趁反彈減磅,通常大媽走貨,係愈升愈沽,代表未見頂,後市會升穿今日高位20866來擴大周波幅

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

15/7 周五恆指收20297, 跌453點, 連跌5天, 牛死熊命危

過去7個月未見過全個月的周線都收跌, 7月恆指已跌了兩個星期, 如果跟呢個慣性走勢, 未來兩周(18~29/7)就不會全跌, 只要內地經濟數據差, 內地股市大跌, 就可逼到阿爺出招救市

由於20000係超級大位, 係好友最後防線, 如保不失, 以周波幅計, 就會挑戰20800-21000, 港股要靠大媽及阿爺撐,今日見大媽掃貨手影,早前大媽於22000樓上散水,如今20000~20500就開始入貨,炒波幅

7月上旬恆指波幅20215~22198 ~ 1983點,雖然已進入達標範圍, 不過失守20700並收於其下, 代表淡友當道, 破位就會急挫, 要等國指轉強,跑贏恆指,港股才有轉機

下星期係關鍵周, 要看上證能否止跌回升, 推番港股上山, 因為兩地股市多數係同步見底頂

呢兩日港股跌得夠驚嚇,釋放沽壓係好事,按照慣性走勢本周日日跌隨後一周是不會日日跌,雖然20000之下有肥牛(我一直懷疑牛熊倉有很多大鱷部署的盤, 目的係帶風向),不過20000呢個係關鍵大位,好友不會輕易放手,就算跌穿都會上番去,如果好友想守關,下周就要出手了

27/5遺留的上升裂口 20272~20494於15/7已全數回補, 理應會有反彈, 20800熊剛出世, 通常於跌浪中見貼價熊出世, 大市就會反彈, 20500.20800.21000.21300....

今年恆指周線表現最差是5月份

第一周收 20002

第二周收 19898

第三周收 20717

第四周收 20697

睇5月份周線表現反映好友念念不忘20700水平,碌落山都會彈番上去, 大位不會一去冇回頭

========================

港股美股強弱互換.美股由尋底市轉為熊反彈市

7月上旬埋單美股收升, 而上證港股卻收跌, 與匯市走勢吻合

市弱尋底連升難, 但纳指似乎已見了短底, 熊反彈中, 本來弱雞的纳指踏入7月份就生猛晒, 一開局就連升5日, 累計上升約600點, 創了今年最長連升記錄, 雖然隨後連跌3日, 亦只係合共下跌不足400點, 冇嘔突月初的升幅,跟住就大彈高

道指於6月份暴跌, 做過8次收市跌幅超過250點, 係大跌250-880點, 6月份有21個交易日,竟然有高達8次係大跌, 不過踏入7月份美股就唔同晒, 走勢改善,就算大插,但即市都會抝腰死唔去,玩咗半個月, 只係見過1日收跌208點, 其他收跌日跌幅皆不大,

美國大幅加息後匯市變天, 美元急升, 人仔港匯反艇

美股7月上旬跑贏港股,可能與美元強勢吸引資金回流美國有關, 而過去一周人民幣及港滙急速走弱,資金流走, 撤資潮起, 拖累中港股市大插

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

14/7周 恆指收20751, 跌46點,肥牛命危

港股繼續底頂下移,低見20554即彈,扮守得住20500,27/5上升裂口20272-20494仍未回補是後患,該處有重倉牛千多張,港股連續兩日收市跌幅不大,係大龍鳳先兆

人民幣非常疲弱, 今日收跌251點子報6.7480, 為19/5以來最低, 老外沽出A股散水, 中港股市低處未算低, 沽空急增, 後市不妙,要向20000進發,星期三四五係創周低位的時間窗囗

經濟衰退, 過度制裁俄羅斯令形勢惡化, 第三季業績期見光死, 全球股市繼續捱沽

滙市形勢不利港股, 美元急升, 歐元英鎊人民幣港匯反艇, 股市點會好, 已經跌到有災味,從未見過國指連續9日跑輸恆指,弱得不尋常

阿爺牛回頭, 見頂回落獲利沽壓大增, 美國7月尾再加息前老外沽出A股食胡

最新回應

史哥
史哥 2022/08/10
@門徒...

門徒~

我都喺充滿彈藥~

{#iconb_386}

c6
c6 2022/08/10
@soho*...

大元帥🥰

感謝🙏你對阿里爸爸的評論

艙底貨都要沽 爸爸無👀睇😞

c6
c6 2022/08/10
@門徒...

嘩 門大師

原來你有咁多錢

咁⋯你追求大元帥

但千祈要益佢 俾錢大元帥 


//此言差已作為老散的我,仲有好多子彈掃貨 //

門徒
門徒 2022/08/10

此言差已作為老散的我,仲有好多子彈掃貨 {#iconb_329}等多陣,大大收夠貨就會有另一番境象,我地等下先,財不入急門