洪禮賢 - 隔山買牛要自知｜Chok王心得

2022/07/25 04:12:52 網誌分類: 生活

25 Jul

放暑假不久，剛好才過了一周，大家有甚麼細藝呢？不停刨海外轉播賽，或是如Chok王一樣，終日無所事事？如果是後者，日子的確幾難捱，其實個人原本打算飛往泰國一轉，貪落地後不用強制隔離。但想深一層，擔心遠赴當地後立即中招，所以，遲遲未決定會否成行。

暑後跑了一兩次海外賽事，身邊友人紛紛中伏，大呼轉播賽難賭，比起香港馬更加惡刨云云。好老實，隔山買牛唔係我杯茶，事前係咁意閱讀一下往績，根本不會對該些賽事、人馬有何深入了解，情況等於攞住把餐刀上戰場，有無機會打勝仗？唔係無可能，我相信民間總有大批有識之士，對轉播賽瞭如指掌，勝算比一般普羅馬迷為高。之但係，既然自知不是那些有識之士，為何強要自己餐餐刀上戰場呢？倒不如把金錢留於口袋，在港消費，推動經濟。
洪禮賢