幾時換樓 1

換樓的問題真是令香港人好煩惱,我身邊好多朋友都為這事煩惱, 大致是下列3類:

1)      好多人於過去5-6年多儲錢,少消費,兒女大了,見樓升,忽然想起想換大一些屋,一般是住開2房600呎, 想換上800-1000呎,或住800至1000呎, 換上1500呎.

2)      之前一直不看好樓市,升了不敢買, 一直租屋,但見加減息及樓越賣越貴,十五十六趕上車

3)      想買樓投資保值, 因為而家個股市太難玩.

這三類人都有同一的通病,包括我自己, 就是不懂在人人看淡時去換樓. 我有時會問自己2003, 04, 05, 06 做緊什麼?  07年左看右看,都不做決定買樓. 10月1日升了, 第一無樓選seller market. 第二是唔敢追.  其實我3年前看了一些報告,一直相信未來入門中上人家住屋(豪宅),1500呎之上是需求強勁, 但看樓有看,但是行動太慢.

我想大家都會同意現在樓市是勁2極化, 豪宅(中上人家喜愛的地區)己被炒得好高, 而一般住宅(二手樓)就成交不大,進一步之升幅不多. 好像星期日生果報說半山物業,好大成接, 而好多地區二手十多年樓如屯門600呎上下樓有減價求售. 一般中產市民的買樓能力及決定, 始終同預計打工收入及份工穩定性有關, 供20年和!

炒起豪宅好多是熱錢,來得快去得快. 

這一年, 跟陸sir 學了好多野, 看事物懂了多面看.我長線看好物業, 但同意唔可能再像之前的返2返,(交通好及市區中的, 及樓齡不太老,我相信20年後的美孚,不一定再是資產了!), 但現在買入要看您選的樓升了幾多.唔可盲目去追.

經濟唔好樓市不能獨大. 只不過是交易費大,跌得慢(樓市好有趣,升時加價及追價十分快, 業主心中我的單位是獨一無二, 割愛賣給您, 您是三生有幸, 唔貴d點對得住自己!)

因為成交成本重,跌得慢,大家傾向守. 是情意結, 唔像股票會斬.

見幾時換樓 2