Cally - 第二輪消費券最啱用嚟買珠寶｜商界講呢啲
2022/08/09 04:12:36 網誌分類: 生活
而家太子珠寶鐘錶做緊珠寶驚喜禮遇，只要買每滿$1,000（折實價）即減$200，單一交易最多可以有$1,000現金折扣優惠。快啲去舖頭揀返啲令你心動嘅飾物，好好咁錫住自己同身邊人啦！
Cally
■今次嘅精選珠寶仲有18K白色黃金鑽石吊墜連項鏈 ，成個設計好簡約高雅，有主鑽嘅部分同埋畀一啲線條設計圍繞住，可以睇得出工藝精湛嘅地方。姊妹們戴咗之後，一定會令人忍唔住望吓。就算喺唔同場合都戴得，平時着恤衫、牛仔褲都可以戴嚟做返簡約、優雅嘅穿搭，用嚟襯吓啲雪紡裙、碎花裙，就即刻有晒仙氣。原價$8,300心動價$4,980/條
■另外仲有18K白色黃金/玫瑰色黃金彩色藍寶石鑽石戒指，成個色彩設計好豐富同和諧，佢哋好巧妙咁用咗排鑲式喺一隻戒指上融合咗閃鑽同彩色寶石，戴咗戒指之後唔同嘅寶石會喺手指上互相閃出唔同嘅光芒。戒指整個設計好有層次感，繽紛嘅色彩好有春夏氣息，好啱買嚟襯衫。原價$4,980心動價$2,980/隻
■小妹最鍾意嘅係18K白色黃金鑽石戒指，造型睇落好似皇冠咁，畀人感覺好有女性嘅高貴同典雅。成個設計簡約得嚟又好閃，佢哋用咗好多鑽石鑲喺「皇冠」。姊妹們喺打扮嘅時候就可以散發出自己嘅閃光點，用皇冠為自己加冕，塑造出簡約同自信嘅時尚風格。 原價$8,800 心動價 $5,250/隻
回應 (0)
我要發表