8月尾港股死貓彈完續尋底

2022/08/15 21:29:50 網誌分類: 經濟
15 Aug

31/8 周三恆指收19954, 5點,結束兩連跌

港股底部下移續尋底,臨危托沽

港股倒升收市, 但今日嘜價畫月線以及Msci換馬已結束, 相關買盤已完成,港股明日理應作出修正, 匯市形勢仍然不妙, 日前美元略為回吐,所以人民幣連升兩日, 但目前美元已重上109水平, 美元強勢, 拖累油價續插

今個月港股指數表面上跌幅不大,但唔少股份例如港交所 迪迪仔 小鵬 領展 明源雲 聯想 內房都跌到趴街,港股主要靠推高QQ 中移 美團 京東 中海油掩護出貨

今個月 港股痴癡呆呆,牛熊齊齊歸西,恆指12跌11升, 唔上唔落窄幅波動反而輸死人, 溫水煮蛙式派貨, 今日沽空爆燈, 空軍趁踢高結算繼續加沽, 後市不妙

早前已說過上證今個月炒細波幅,所以港股亦會跟,上證月中已見頂,除非上證破頂,否則港股亦不會獨自去偷歡,分析港股底頂記得要睇埋上證

昨日牛熊分布在19600牛:20100熊,今日高低位19564-20173, 飛天遁地,大鱷睇住來殺, 月尾要趕住殺牛熊追數, 操控大市上落如入無人之境

以周波幅及月波幅來看,9月好難一直守得住8月低位19189, 牛熊分布嚴重失衡, 牛多熊少, 真係太多牛,冇眼睇,大鱷流哂口水,30-31/8 結算撐市結束,後市要插穿19564來擴大周及月波幅

牛 66%:34%熊

{#iconb_262}

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

30/8 周二恆指收19949, 跌74點,連跌兩日

牛熊命危 19650牛 VS 20100熊

~ 今日低見19645(跌378點) 秒殺小牛 即彈,收復大部份失地,嚇走了熊熊,有部份淡友止賺,牛熊分布嚴重失衡,大量牛牛湧入,牛係熊的雙倍,不過牛熊都非常貼價, 月尾大鱷要屠牛熊追數,貼價牛熊皆命危

~ 上周四由19418起步以超大成交殺上20185, 當天掃貨的 大鱷未出曬貨,明日就不應插穿起步點19418(拖到9月才下破),會托沽, 只要收19700之上, 代表好友未死,要留意明日下午會受Msci影響

~ 恆指波動區間下移,於19800穿梭,上證亦由3250穿梭降級,近日於3200穿梭,齊齊下潛,人民幣跌跌不休係元兇

~上證於月中一直力守3250大位,但19/8結算後就唔再托市,由24/8起連續5日收3250大位之下,昨日低見3199, 弱勢持續,港股失去後盾, 隨即失去上升動力,小心港股好友撐埋30-31/8結算就縮手

~ 港股期指結算完,輪到月結,QQ走勢已好轉,企穩10天線呈反覆向上勢頭,明日不應插穿19400,  不過9月份就會隊穿19400落去做9月低位

~ 本周五恆指季檢, QQ及阿里增加比重, 本周會有買盤掃貨

~ 月尾6天恆指升跌多數係3:3 或4:2,目前係2升3跌,尚欠1日升市,加上好少全周日日跌,所以明日有望作出反彈

~ 大量成份股將於9月除淨,拖低期指幾百點, 期指大低水會嚇親投資者 

~ 如果明日恆指彈唔起續跌,就係今年月線首度收20000之下,上星期畫周線好友都出盡力踢上20000樓上,冇理由今次唔出手,不過多位分析師都說上升動力不足,死貓已彈完,看來要等Msci 幫手撐了

~ 巴郡於24/8減持133.1萬股比亞迪H 股,套現約3.7億港元,持股比例降至19.92%,怪不得當天恆指隊穿19200創月內新低

~滙債形勢不利股市,自從上周四恆指急升近700點後,港滙就再度轉弱,走資中

~老外沽A股,大媽走港股, 齊齊散水

~ 8月上旬美股一飛沖天就係為了 19/8 美股結算 ,當天期權大平倉後,美股就連日急挫,所以港股亦無法破頂

~一直說 大鱷於上周初已偷步炒放生中概股 ,消息公布時已炒完,在美上市中概股由上周五起一直捱沽,拖低港科企

~ 港股業績高峰期,唔少股份見光死

~恆指周波幅未達標,要插穿今日低位19645 來擴大周波幅,19645-20074 飛天遁地內擴大周波幅

~港股底頂下移趨勢持續, 如能守住19500,以800點周波幅計,本周就要再挑戰上周高位20185,如打回頭,19500就危

~ 港股早已於月初見頂回落,美股於16/8見頂,上證亦於17/8見頂 轉勢向下,內地股市撐埋19/8 結算後跌勢轉急, 所以上周四 港股爆升,恆指收升 699點,連續兩日急升仍無法創新高,皆因上證已見頂, 港股冇咗A股做助力因而無法破頂

~ 港股收跌月模式運行中,全月先高後低,5/8見頂,24/8見底,尋底市通常彈800-1200點就玩完,今次由低位19189累計反彈約千點高見20185就掉頭回落

~ 見期指大低水 都唔使咁驚,公佈業績後就梗係輪到除息月啦!期指大低水當中有除淨因素,中電、煤氣、電能、聯通、中石油、中海油、中石化、中移、 中國海外發展、平保、中信、長實、長和、友邦、恆地、中銀香港等,將於9月除息,唔知等同期指低水幾多百點

~今個月港股主要靠推高QQ中移油股托市,我將其他成份股今日收市位和7月收市位對比,係收跌居多,反映今個月應收跌,但長實QQ小米友邦頻頻回購撐市,加上明日Msci換馬,收市U盤會有大龍鳳,未知會否扭曲了原有表現

~人民幣兌美元在岸價收報6.898,大升230點子,可能係中港股市尾市走高,收窄跌幅的原因之一,但今晚美元再度上揚,人民幣再度受壓回落, 現報6.9106, 曾見6.9211, 人民幣弱雞,中港股市不會好

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

29/8 周一恆指收20023,跌146點,部署結算位

港股不進則退.底頂下移牛命危

按照慣性走勢恆指明日會高開,因為過去7個月期指結算日有6次高開,只得1次低開,雖然高開機會大,不過按照慣性走勢期結日未必收升收陽

Vhsi恆指恐慌指數急升4.37%,沽空爆燈,代表後市仍凶險,最擔心係好友撐埋19800樓上結算就縮手,所以上周說趁反彈千點做好要減磅避險,因為以往月尾彈高1000-1450點就玩完

美股見頂回落,不利港股,恆指上周夾硬推升好明顯係為了畫周線以及部署高位結算,當結算完就會危

今日低見19889, 好友力守10及20天線,部署明日於高位結算,牛熊分布位~牛19700 :熊20100, ,消息面利淡,上周五港股出現見頂訊號, 今日底頂下移,唔少股份 都有托沽洗倉手影,今日港股收市跌幅不大,但下跌股份比例非常高,代表大事有暗湧,QQ仍受制於$320-330

今日港股跌幅不大, 可能係結算因素, 又或者空軍未完成部署, 所以托住來加沽, 另外亦係因為國指企定定撐住, 不過國指已是連續三日跑贏恆指, 要留意的是通常3-4日就腳軟, 即係小心明日國指跑輸恆指的話,就會拖低大市,好友要睇路,大鱷喜歡好淡通殺,上周初殺好友,上周尾段殺淡友,本周初再殺好友

今日港股冇跟美股大插,可能係因為明日期指結算,上證已是連續4日收低於3250, 壓住港股,A股轉弱失守大位,港股危矣!

今日港股沽空急增, 人仔真係冇眼睇,人民幣兌美元在岸價收報6.9210,暴跌589點子,是2020年8月20日以來最低,試問中港股市又點會好?要等美元回落人民幣反彈,美元及債息回落,才能穩住港股

上周五收市位20170雖然高過上月收市位20156, 但慣性走勢指標係要大幅高出幾百點,月線才收升,今次太接近,所以不要太老定以為今個月恆指收升,8月仍有可能係收跌月,關鍵在周三Msci的買賣盤,當天成交會急增,係大鱷出手的大好時機

另外上周五26/8期指高見20672,期指月波幅已達標,當時有大好友已食胡,但現貨未夠數,咁罕有的情況唔知點計, 港股一向由期指帶動,既然期指已見頂,港股亦跟隨向下是

一如網誌所說,上周五公布審計報告呢單料大鱷早已收到風,可能已炒完,上周一二三四春江鴨大鱷於美股時段趁低大舉掃貨,跟住上周四恆指大升700點已經於高位逐步派貨,好消息見光死,上周五及本周一於美股時段沽壓持續

不過有幾方面可以確認,大鱷 近日於高位轉倉,刻意咬住高位來結算, 美股反艇有資金 轉炒中港股市,係恆指由低位短短兩日就反彈千點的主因, 不過唔知呢啲買盤同msci有冇關係,如果老外已炒完港股,19500就危

百度、工行、建行、中行明日公布業績,內房問題撥備有多少呢?

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

26/8 周五恆指收20170, 升201點,連升兩天

昨日颱風半日市, 開市前見大量測市指標都利好, 一開市就掃貨買上, 結果尾市高見19990(升722點), 當時百分百肯定今日港股會伸多一腳上去,因為周波幅未達標,所以昨日臨收市加多一注一夜情, 今日止賺減磅,因為持重倉過夜風險極高,今晚召開一年一度的傑克森霍爾(Jackson Hole)全球央行年會, 鮑爺會發表演說, 市場仍擔心息口的言論,周末獲利沽壓效應,紛紛沽貨止賺

恆指高開後升幅略為擴大,高見20185, 做夠996點周波幅隨即掉頭回落,窄幅波動陰陰跌來派貨,低見20050就咬住唔放, 因為畫周線今日必需要收20000之上, 亦要部署下周二期指於高位結算

由周三低位19189反彈至今日高位20185, 夠千點波幅已夠大鱷轉身,連續4日沽空高達$170-200億,係計時炸彈

近日不斷有在美上市中概股退市磋商露曙光的消息,港股收市後最終有報道中美達成跨境審計監管合作協議,係利好消息,亦有可能係昨日恆指偷步急升約700點的原因之一

老美放生在美上市中概股, 假如今次的掃貨盤係長線投資者見退市陰霾消除而入市則利好, 如果只係入市短炒就代表後市仍要繼續尋底, 中美就審計監管達合作協議, 中概股大舉回流夢成空, 不利港交所

其實本周初已說熱錢炒完上周美股結算或會炒港股,周初連續三日都見在美上市中概股於美股時段炒到飛起,估計有春江鴨趁低吸納,早前走了貨的基金亦要補貨,不過當時港股不但冇跟升,仲大插插創新低,原來大鱷壓住港股震牛引熊,拖到周四五才爆升,失驚無神挾淡, 淡友走鬼斬倉或平空倉進一步推高大市,不過港股今日成交再度縮減,反映股民不敢於20000樓上再買上

呢兩日港股成交明顯增加, 颱風半日市那天成交高達$906億, 以超大成交收復10及20天線, 正路不會太快再插穿當天起步點19418, 因為30/8有期指結算, 不過有期權高手於夜期好倉食胡,反手開淡倉

~~~~~~~~~~~~~~~~~~~~~~

早前已說過今年恆指周線只係做過一次收20000之下, 未見過連續兩周收於其下, 好明顯昨日突然挾淡爆升就係為了畫周線今日收20000之上,亦要趕在央行年會前出手,大鱷明知鮑爺會講加息,其實佢嘅打手過去幾日已經頻頻放風說通脹仍高企,要積極加息

如果好友已成功擊退淡友,就會盡力將三大指數推上20156/6885/4331, 結果今日收20170/6921/4302,科指未能上企4331,預示科指動力弱,利淡

以恆指近來多數做800-1000點周波幅來看,不進則退,下周如未能上破20500, 就要插穿19800來擴大周波幅,只要收於其下,代表死貓彈完

下周二期指結算,目前滙債形勢不利中港股市,31/8周三Msci成份股變更,成交會急增,30-31/8會有大龍龍鳳

美元略為回吐後仍強勢於108.5附近遊走,人民幣弱雞收跌118點子報6.8621

要國指科指跑贏恆指才夠力上, 但開市後國指科指已轉為跑輸恆指, 加上恆指由低位彈近千點, 大媽走貨, 好友減磅, 所以拉住港股後腿, 尾市好友夾硬踢高畫周線收陽收升,國指略為跑贏恆指,但科指仍跑輸大市,動力不繼, 雖然港股重上20000水平, 但蟹貨仍然多到不得了, 今日美團公布業績勝預期,QQ長實持續回購股份

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股作出報復性反彈,一棍大陽定江山, 重上10及20天線

25/8周四恆指收19968,大升699點

回顧歷史數據,守關大鱷的取態係,容許恆指日線短暫收二萬點之下, 但周線及月線誓必全力反擊,務求推返上二萬點樓上, 如能上企站穩,就可 500點一級上, 並創月內新高, 不過本周如見20200,周波幅已達標, 明日亦會有周末獲利沽壓效應

要留意的是,今日港股飛天,但大媽卻大舉走貨, 美國聯儲局主席鮑威爾將於8月26日,在一年一度的傑克森霍爾(Jackson Hole)全球央行年會上發表演說

日前港股跌跌不休, 當時已提醒淡友19000-19200係好友防守大位, 要睇位食胡, 港股要置諸死地而生, 月尾或會有資金見港股跌到殘, 翻炒港股, 如今真係上演呢個劇本

今日港股如期作出反彈,但升幅遠比預期大,反映大鱷想趁中美股市造好,取回主導權踢上二萬大關, 今日受颱風影響港股只得半日市,時間短慳番唔少托市子彈,係推升大好良機, 一高開挾淡, 空軍逃命掃貨平空倉,推動大市進一步急升, 昨日有大淡友於19200食胡, 今日港股就爆升

當港股出現下列情況,大市就會轉向,全城看淡造淡, 股民輸死悶死唔想再入市,當老肥牛死得七七八八,熊熊大幅下移至貼價,出現驚嚇的一棍,釋放沽壓,好友投降斬倉止蝕,科指五連跌例彈, 每周多數有兩個方向,不會走單邊,19500-19800 係成交密集區,跌穿都會走返上去,好友對二萬大關不離不棄, 只要淡友殺跌平空倉,大市急跌就會急彈, 慣性走勢全中,勁準,早已預告上周恆指做超細604點周波幅,本周就要做大波幅補數

港股有個慣性走勢,就係磨到月尾就會走出方向,急升或暴跌扯住去, 唔會再呆下呆下

由於今日冇插穿昨日低位19189, 周波幅未達標,所以就要推返上去升穿周一高位19826來擴大周波幅, 中港美三地股市同步止跌回升,抝腰向上,大鱷部署 今個星期周線收升, 然後再挑戰月線,不過QQ阻力已上移至$325-335,

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

24/8 周三恆指收19268, 跌234點, 連跌3日,反彈在望

恆指創3個多月新低見19189,  落到保歷加通道底及前底19178附近點都會有淡友食胡,買盤進埸,今個星期已跌咗3日,港股好少全周走單邊一個方向,多數係跌下彈下

今日傍晚這麼早已掛8號風球, 明日可能有半日市,較易操控上落,大好良機,如果好友仲唔出手,就要拖出去打靶

恆指向下第一關19469已失, 跟住19000-19200 係好友防守大位,向上反彈阻力19900-20100,有分析師指3月中由18235大陽燭爆上19000,翌日已收20000之上,19500-19800係成交密集區,所以好友咬住唔放,插穿即彈,不會一直在低位徘徊

今年上半年恆指只係做過一次周線收20000之下,就係13/5收19898,隨後一周急彈重上20000水平, 插穿都彈番上去,反映呢個大位非比尋常,所以今次好友不會坐以待斃,必定會作出反擊, 上星期周線再度收20000之下,收報19773, 要看本周能否歷史重演,大幅反彈

~~~~~~~~~~~~~~~~~~~~~~~~~~~~~~

牛死熊命危

港股接連失守多個支持位係因為淡友隊落山食胡, 平空倉就要買貨, 好友只係等淡友食胡,就會出手反擊

今日似係淡友避颱風所以拿拿林推落去食胡, 成交增加至$991億, 過去一周$820-890億, 有好友已頂唔順止蝕投降, 通常逼死好友就彈得,要急跌才會急彈,19000-19400肥牛已死了超過一半, BB熊下移至19700水平,具吸引力

今日恆指已步入月尾6天市況, 按照慣性走勢不會日日跌, 升跌比例多數係3:3或4:2,今日已跌了1天,美元由20年高位109.27回落至108水平,目前在108.5穿梭,滙市形勢好轉,有利中港股市

科指弱雞連跌5天,一如周二所說, 科指今年最長做4-5連跌, 所以明日反彈機會大

上證已連跌兩日,昨日低見3212, 理應守住3200, 於3250穿梭,今個月上證兩連跌例彈,5-7月最長亦只係三連跌,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

23/8 周二恆指收19503,  跌153點, 港股底頂下移續尋底

三四五係創周低位的時間窗口,等明日進一步再破底創新低,19000-19400有肥牛逾4000張, 沽空急增, 明日港股死得

人民幣弱到不得了, 連插4天, 收6.851,  老外大手沽出A走鬼, 港股弱到連公用股都急挫, 股民全面撤退, 港股低位毫無承接力, 只要上證跌穿3250,  港股跌勢就會加劇

普京 智囊的女兒 遭暗殺,普京劍指亞速營是兇手,俄烏衝突 或會升級, 地緣局勢 緊張 升級,不利金融市場

今日恆指周線收20000之下,為今年第二次(第一次13/5收19898),但當時隨後一周已重上20000水平,代表跌穿呢個水平好友就出手反擊,做淡亦要睇位食胡

QQ及上證死唔去,以及QQ回購, 點都會撐一撐港股, 港股插穿19000係不合理. 港股後市要看QQ撐市力道

~~~~~~~~~~~~~~~~~~~~~~~~~~

好淡通殺

過去幾周大鱷的策略係窄幅波動,好淡通殺, 試想想,如果月初高見20283就急插到底,大鱷殺到好友卻輸俾淡友,係得不償失

如今在19500-20000主區間遊走,爆邊之後又縮番入去,似升非升,似跌非跌,好友淡友都會入局,大鱷推升或跌少少都有得開餐,好過月初見頂後走單邊急跌直落到底,拖慢下跌步伐大鱷賺得更多,散户企錯邊輸鑊甘

今個月玩咗17日,恆指8升9跌,係一半半,足以印證上述分析,明日港股就進入月尾6天市況

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

22/8 周恆指收19656,  跌116點, 港股底頂下移續尋底

牛熊分布係牛多熊少利下殺,肥牛在19500附近,港股等破底,插穿19469既可擴大月波幅亦可屠牛

明日轉節氣預示有大變,要留意11:16之後,牛在19600,  熊熊已下移至19800水平,今個月由淡友主導大市, 淡友拖到20號之後就會殺跌玩破底,月中美股及上證已同步見頂回落,淡友已無後顧之憂

科指弱雞連跌3天,科指通常三連跌就彈,最長做4-5連跌,QQ上企10天線以及上證守住3200 /3250,如港股隊穿19000係不合理,問題係目前大鱷托住QQ來狂沽出其他股份,唔少股份破位而下,紛紛跌穿支持位,洗倉味濃,淡友等QQ及上證回落就會出手, 只要上證插穿3250, 淡友就有藉口殺跌, 

慣性走勢有助預測港股後市表現,一如網誌所說,大鱷正在洗倉走鬼,代表今個月未必收升,20200及19000兩者不能兼得的話,就代表今個月有可能收跌,而收跌月會在20號之後破底

如果冇慣性走勢做指標,就唔會知道原來想恆指月線收升就要周五(26/8)上企20200才能成事, 上星期恆指周線收20000之下,只要本周五仍收於其下,就創下周線連續兩周收20000之下的新記錄,確認好友已陣亡, 如果好友未死, 畫周線時就要作反擊

上星期四已說扮跌唔落係震熊引牛,一直托住大市就可趕走淡友, 美元強勢上企109水平,美國十年期債息亦重上3%

港股業績期唔少股份都見光死,股民一係輸死了,一係悶死了,又或者離場轉去抽銀債,導致港股成交萎縮,猶如一潭死水,受美國威逼,加上內地疫情,外資企業陸續遷往東南亞 ,內地經濟轉差,美元強勢上企109水平,人民幣急挫,持有外債的中企受雙重打擊,遊資撤退,中港股市冇運行

美股低位要唱好救市,高位可唱淡,上星期美股上到高高位,有足夠回調空間 ,所以聯儲局官員夠膽作出負面言論

~~~~~~~~~~~~~~~~~~~~~~~~~~~~~~

五六月美股弱,港股彈高,美股7月展開熊反彈,港股弱,兩者是走相反

如今美股結束熊反彈,港股會不會是置諸死地而後生呢?資金少,大鱷似乎係逐個市埸輪流炒,美股強時冇乜資金炒在美上市中概股,如今美股轉弱,或會再有資金翻炒

上周五大鱷炒完美股期結,唔使再托美股,輪到炒港股期結,港股悶到月尾係時候來料,好淡大鱷要食胡,近來見QQ及阿里平空倉食胡,導致股份急跌急彈,好淡通殺

今早港股低開後一路走高,開市初段的升勢真係似月供股票,早市買盤完成後,港股就碌落山,美期午後跌幅擴大,所以港股尾市走低,已反映部份美股跌幅, 港股要大插才會彈, 呆下呆下彈唔起, 等破底, 匯控受英鎊急跌拖累, 港交所比亞迪阿里內銀內險內房全面捱沽, 拉住港股落山, 無論基金經理抑或小股民都全面看淡港股, 導致低位缺乏承接力

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

19/8 周五恆指收19773, 升9點

港滙人民幣弱雞,睇見滙債就唔開胃, 美元走高,英鎊歐元人民幣深潛,美股見頂回落,恆指尋底,向下第一關19469, 跟住19000-19200防守大位,向上阻力19900-20100,港股8月份成交萎縮,大鱷玩緊好淡通殺,不斷急插急彈

目前牛熊分布係牛多熊少利下殺,肥牛在19500附近,港股等破底,插穿19469既可擴大月波幅亦可屠牛

有分析師指3月中由18235大陽燭爆上19000,翌日已收20000之上,19500-19800係成交密集區,所以好友咬住唔放,插穿即彈,問題係資金流不利中港股市,好友要等好消息做助力才能反擊

下周一睇下有冇資金沙港股染藍新貴,下周一好似係月供股票日,上午會有買盤,QQ業績後開始回購,今日斥資3.51億元入市, QQ有回購買盤撐,只係擔心南非佬出貨,早前聽聞正在試盤想沽貨,股王比亞迪莊家持續沽貨撤退,亦利淡市場氣氛

除了牛熊分布影響港股表現之外,其實最主要係睇內地股市及美股,上證於2/8已見底3155, 當天恆指低見19515, 所以 10/8恆指只係略為跌穿19515低見19469即彈,因為上證冇創新低, 以及美股仍在高位, QQ上企10天線以及上證守住3200 /3250,港股隊穿19000係不合理

港股下周表現就要看上證能否守得住3250/3200,近來3250往往見無形之手托住,插穿都能重上,而港股就要睇撤資潮是否持續,美股今晚期結後會否大插

科指本周4跌1升, 恆指國指3跌2升, 以周線計港股由科指領跌, 本周累計大跌3.63%, 以周線計, 恆指國指科指皆收跌, 但港中小企業指卻收升, 不過以日線連跌計,科指連跌兩日, 恆指國指日升日跌

今日恆指周線收20000之下,為今年第二次(第一次13/5收19898),但當時隨後一周已重上20000水平,代表跌穿呢個水平好友就出手反擊,做淡亦要睇位食胡

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

18/8 周四恆指收19764, 跌158點

明日港股表現睇下阿爺,明日係畫圖日,上證關鍵位3268/3276, 如失守就會拖低港股,中美股市明日結算, 亦係港股畫圖日,好淡角力,有變數, 所以做淡今日先食胡,等QQ見頂再沽過,牛在19660樓下,熊在20000,兩邊都殺得,不過牛熊分布係牛多熊少利下殺,美股於周二見頂回落,頂部下移,亦會拖低中港股市

今日港股創兩周以來最大沽空金額和比率, 大鱷利用QQ急升來掩護出貨,臨危托沽格,唔少股份都跌到走樣,有洗倉散水味, 不過國指跑贏恆指,加上QQ彈高,窒礙港股下跌步伐

恆指正常每周升跌比例係3:2, 目前本周係3跌1升,尚欠1日升市, 由於本周由淡友主導大市,會壓住大市

今日港股收市跌幅唔算大,但整體下跌股份比例非常高,臨危托沽,大鱷真衰格,三個指數都係去到周二低位高少少(19675/6671/4165 VS 19662/6665/4160)就勒住, 扮跌唔落引好友入局,要擴大本周波幅明日就要跌穿19662/6665/4160創本周新低,8月下旬亦要創8月低位或高位,以目前的弱勢,正路應創新低

~~~~~~~~~~~

由於8月交易日多, 大鱷想拖到20號之後才玩爆邊(19469-20283), 按照慣性走勢,收升月於月尾創新高,收跌月於月尾創新低

滬深大媽繼續沽出美團,深大媽大手掃入QQ,怪不得QQ急升$9.4(3.1%), 收報312.6,重上10及20天線,QQ熊死唔眼閉,向上阻力320-330

熊熊已下移至20000水平,幾時見19000? 該水平的牛目前唔夠肥,今個月仲有9個交易日, 大鱷要留力,不應太快見19000,月內高或低位多數在20號之後出現

由於港股往往跟內地股市波動,而上證今個月做超細波幅,港股亦有可能跟,恆指做少過1500點的超細月波幅

除了牛熊分布影響港股表現之外,其實最主要係睇內地股市,上證於2/8已見底3155, 當天恆指低見19515, 所以 10/8恆指只係略為跌穿19515低見19469即彈,因為上證冇創新低,以及美股仍在高位, 港股下周表現就要看上證能否守得住3250/3200, 美股會否大插,淡友等上證或美股反艇 就會出手推低港股

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

17/8 周三恆指收19922, 升92點,

港股虛火上升虧虧地,危托沽

QQ業績後明日會變天, 淨係睇呢度網友的盤路, 今日係震熊引牛, 明日要下殺19800樓下貼價牛,大鱷一直玩20000窄幅穿梭,牛熊好淡兩邊殺,拖到中美股市見頂後就會出手殺跌,昨晚美股高見34281, 上證亦跟隨創月內新高3296, 如果中美股市已見頂,港股就死得,19500就危

QQ今日收市後公布業績,揭盅前好友咬住$300, 連升兩日,剛好企近日波動區288-314中間,QQ本周波幅未達標,292.6-305.8等爆邊

巨企公布業績前牛熊過夜等同買大細,挾倉升跌冇得估, 科指已跌到走樣,唔少科企破位而下,淨係靠推高QQ獨力難支啊!聽聞QQ的南非大股東正在試盤想走貨

近來大鱷挾高個股或指數多數係殺淡,以及於高位加沽及派貨,乾升不可信,港股仍然俾10天線壓住,淡友等利淡消息以及中美股市見頂回落就會出手殺跌, 美國十年期債息止跌回升,連日走高,重上2.9%

後日(周五)中美股市結算

~~~~~~~~~~~~~

滬深大媽今日齊齊走QQ 美團 國指ETF, 但老外連續多日大手掃A股,有何啟示?港股成交太細,牛熊貼價,大鱷挾上挾落話咁易, 明日周四18/8係變盤日, 港股會有大龍鳳,牛多熊少利下殺

今日小幅收升好啊!用咗一個升市額度,輪到跌喇!本周初2跌1升, 港股雖然收升, 但睇真d,金融公用地產三個板塊都倒跌收場, 虛火上升,港交所股息縮水,逆市下跌,沽壓未除

十分奇怪, 老外大手掃A股,但滬深大媽卻 急急腳沽出港股,滬深股通罕有地連續兩日出現資金淨流出,怪不得午後港股冇跟上證升,反而不斷收窄升幅,反映沽壓沉重

美元上企106.5水平,上周突然轉強的港滙於本周逐步轉弱,人民幣亦弱,諗唔明點解過去一周老外大手掃A股,上證已連升兩日,回吐時辰到,當老外變臉沽出A股食胡,中港股市就危,肥牛要買定官才

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

16/8 周二恆指收19830, 跌210點, 20000穿梭, 好淡通殺

雖然今年恆指 試過很多次插穿20000大關 ,但周線只係見過一次收 20000之下, 就係5月13日收19898,每次失守20000好友都會出手, 不會坐以待斃,市弱彈上去吻別, 能否上企20000/10天線就要看QQ及港交所明日公布業績

午後傳出QQ計劃出售美團, 淡友借勢推低港股,港股收市後QQ作出澄清, 正路明日相關股份會有死貓彈, 明日港股表現睇阿爺,要看上證能否守得住3250, 只要中美股市見頂回落,港股就會深潛

今日QQ低見$292.6, 彈番上$303收,似係淡友於業績揭盅前推落山食胡平空倉,補倉買盤推番上去,如QQ再插穿$290, 就會推港股落山,關鍵在明日港股收市後QQ的業績

今日港股反艇, 但升跌股份比例唔算差(17%升 vs 20%跌), 皆因地產板塊強勢撐市, 阿爺出招救內房刺激相關股份爆升, 近來大鱷一直托沽, 美團快手QQ唔少貨已落入散戶手上, 小心QQ公布業績後南非大股東出貨, 科指走勢急速轉差, 跌到走樣

美股強爆,資金湧曬去炒美股,中港股市斯人獨憔悴, 要等阿爺出招打救,美股強勢扯住上,道指恆指差距效應下,大鱷借勢托住大市來派貨,當美股大跌,就會拖低港股

滬深港通同步出現資金淨流出係好少見,大媽也散水, 怪不得今日港股反艇, 近來大媽密密沽美團

人民幣連續兩日急跌,今日收6.7919, 大跌287點子,連續兩日急挫,創近兩年低位

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

15/8 周一恆指收20040, 跌134點,不進則退

恆指由上周四起一直收10天線之上, 不過要看能否企5天才能確認, 明日是第4天,今日高位20260高過上周高位20250, 如未能上破20300, 就要跌穿今日低位19984 來擴大周波福

由於10天線正不斷上移,如果好友唔出手推升,就會失守10天線,要下試19800.19500.19178.....目前牛熊都貼價,上下兩邊都殺得,人民幣弱雞,港股周波幅及月波幅未達標,下殺危機未除

近日恆指於20000穿梭,窄幅波動,Al 人工智能電腦分析顯示,從時間週期來看,周二(明天)或周四港股會變盤,唔會再呆下呆下,  Al分析師沒有說變盤是向哪一方,只說向上阻力在20200/20500附近,支持在19800/19500,並說要周線收大陽才好,否則仍是弱勢, 後市方面,分析師一直認為由4月起港股處於熊轉牛的築底期

港股近來走勢弱,皆因淡友壓住大市來平空倉,阿里友邦QQ都見平空倉盤,分析師說淡友推低股份,低位入貨平空倉,所以大市急跌急彈, 不過QQ業績前冇乜資金入市,科企沽空仍龐大,淡友等緊利淡消息來殺跌

QQ美團小米京東金融股仍累積大量沽空等推落山才食胡,科指走勢已轉弱,可能係科企淡友想QQ公布業績前推低大市來平空倉

內地經濟疲弱,昨午阿爺宣布中期借貸便利(MLF)和逆回購息率下調10個點子,正路應利好,今日港股收跌可能係淡友壓住大市來食胡

美元反彈,人民幣收市大跌283點子,雖然港滙走強,但冇進入港股,今日成交只$738億,為3個多月以來最細成交,成交急降係大龍鳳先兆

~~~~~~~~~~~~

港股成交縮, 股民及基金經理入市意欲低, 有基金經理說買入個股隨時會一入即插, 寧願炒衍生工具及ETF,基金經理亦表示美股強勢向上更好炒,拜登部署11月中期選舉,做市態度明顯,推低油價及通脹,推高美股,財富效應有助提升消費意欲

台海局勢緊張、內房危機、內地限電、中美交惡、取消加徵關稅無望,中資股Ads退市風波、內地疫情嚴峻以及業績期, 都令投資者卻步, 港股成交越細,大鱷越容易操控大市上落

恆指低見19984屠牛後急彈,20000大關失而復得,今日貼價牛熊齊齊歸西,港股沽空略為增加,今日好友以為跌唔落,牛牛入局,牛熊分布牛多熊少利下殺

過去7個月恆指月波幅:

大月波幅 2600-4700點

細月波幅 1700-2300點

假設波動區間

20300  -(1700-2300)=18000-18600

[5/8 恆指高見 20283 回落]

20500  - (1700-2300)=18200-18800

20700  - (1700-2300) =18400-19000

8月份無論上唔上20700,向下最樂觀都要見19000-19200, 只要上證 守住 3200 / 3250,恆指就不應插穿19000, 當上證失守3200, 19000就危

由於港股往往跟內地股市波動,而上證今個月做超細波幅,港股亦會跟,恆指做少過1500點的超細月波幅

回應 (0)
我要發表
user

最新回應

史哥
史哥 2022/10/04
@soho*...

Soho

還有~

10/10 月供曰

老美插三週彈一週

soho*
soho* 2022/10/04

下星期一(10/10) 美國哥倫布日,金融市場休市

下星期一 (10/10)內地長假期復市,大媽回歸

下星期三(13/10) 美國公佈通脹數據

所以今個星期好友反擊勝算高過下星期

soho*
soho* 2022/10/04

門師兄,港股升跌跟資金流, 9月份港股一直彈唔起係因為當時美元強勢一路衝上114,  以及美國十年期債息 爆上4%, 不過呢幾日資金流逆轉,美元及美國十年期債息雙雙回落,利好股市

soho*
soho* 2022/10/04

c6,我曾說過每日睇哂大部份成份股的收市位可練股感,見愈來愈多股份破位而下,跌穿橫行區,就代表大鱷散水, 相反,當愈來愈多股份 向上突破,就係利好訊號

我提及匯控係因為佢係指標股,對 港股升跌具啟示作用,我冇炒匯控,不過上周有一位分析師斬匯控 止蝕 ,唔少股民都係近日斬倉或離場,呢個散戶指標係利好信號