給梅媽媽的信
2008/06/16 23:37:49 網誌分類: 影視
梅媽：
很抱歉，不能稱呼夫人為梅媽媽，皆因老鼠不想對妳「媽媽」聲，故只好 call 妳梅媽好了。
聽到夫人最近輸了官司，心裡非常同情。
老鼠委實替梅媽妳到感唔砥；試想：妳苦心裁培的搖錢樹，竟然半丁點銅鈿也不留給夫人，明知妳大花筒，衹是按月給那雞碎咁多零用錢，生活點過呀，怎撐呀！老鼠最唔忿氣，Ｄ錢好留唔留，留俾個基佬，檻過床頭都叫老母呀，太過份了。
最令老鼠担心的，家中識揾錢的就相繼離去，識洗錢嘅就咁多人去就輪唔到，真慘！！！！
梅媽，支持下去，上訴到終審，反正唔洗妳俾錢，洗哂佢都唔好益其他人，讓大家知道夫人的真面目，和妳兩母女關係，對阿梅來說也可以是平反。
梅媽，水皮撐妳！
老鼠敬上
16.6.2008
我明白您寫這篇網誌的用意喔........
哈哈，好呀!
她終於輸了官司，給她贏了又如何，D錢唔係最後給了那敗家仔化咗去，到時咪又係臨老唔過得世，政府執手尾。
鼠兄，你繼續撐吧～相信梅媽不會輕易罷休的。 你看她站在庭外、面對鏡頭時的義正凜然！
真理，真的永遠站在正氣那方。