港股19000 好淡角力(1~9/9)

2022/09/02 23:57:03 網誌分類: 經濟
02 Sep

假期前後例牌大龍鳳

9/9 周五恆指收19362, 升507點,結束六連跌

昨日港股應升不升,大鱷果然拖到星期五畫周線才出手,慳番唔少托市子彈,今日大升原因

~ 昨日收18854, 畫周線要收19178之上,今日高位19417, 向上阻力 19400-19600(10及20天線), 向下大位19000.18800.18500.28235.18000

~ 美期急升,大鱷借勢抽升挾淡,不過空軍趁大反彈加沽,QQ美團京東等股份都見加沽,代表港股後市仍有隱憂,係計時炸彈, 期指未平倉合約大幅縮減,可能係好友食胡,元帥博反彈亦已減磅

~ 利淡因素多到不得了,舊網誌已詳述,最大鑊係比亞迪及QQ大股東正在減持,不過挾淡就暫時不理壞消息

~中港美三地股市都係乾升,成交並不配合升勢,似挾淡派貨, 13/9美國公布通脹數據

~當 中美股市或人民幣見頂回落,又或者恆指收19100之下,就係第一個警號

~~~~~~~~~~~~~~~

~ 下周初月供股票時辰到,所以今日港股止跌回升,大鱷部署下周初推高高派貨,唔想於18800樓下賤價益街坊

~ 弱雞人民幣爆升447點子,扭轉大跌浪的劣勢,除了因為美元急跌外,亦可能同下周四15/9調低外幣存準有關, 今日美元下挫至108.5水平, 非美貨幣急彈

~ 老外罕有地大手狂掃A股,推高內地股市,亦間接推高了港股

~ 美股於6/9見底後連日急升,底頂上移,港科指同步見底3957,恆指國指拖多一日亦見底18803/6419,不過只係略為跌穿7/9低位18818/6437,皆因科指企硬冇再創新低, 撐住大市,後市科指強弱極為關鍵

~ 牛熊分布失衡情況改善, 牛牛趁反彈大舉食胡, 熊熊加倉, 牛63%:37%熊, 樓上熊唔算肥,不過非常貼價,19400-19600有近千張熊,約4000張肥牛在18500-18900,正路應先屠熊, 等牛牛上移就會下殺,18900-19300貼價牛將於下周二(13/9)出世

~~~~~~~~~~

資金流

日前已講過港股的跌浪係跟住人民幣同步 碌落山 ,只要等到人民幣止跌回升,港股亦會跟住上山

8月尾恆指見頂回落時,當時亦講過一個浪多數行1-2個星期,呢兩日止跌回升,時間上非常吻合

以往恆指大跌浪止跌回升通常係兩三棍才到頂,假期前後例牌大龍鳳, 按照慣性走勢,今日先出一棍,下周初會再上,繼續尋頂,不過如果跟8月尾,兩棍就見頂回落,市強或有利好消息,通常由低位可彈800-1200點,市弱彈600-800點

恆指連續兩周收20000之下,創今年最長周線收20000樓下的紀錄,上兩次係跌一周即彈,代表今次港股形勢比 以往惡劣,下周表現非常關鍵

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

8/9 周四恆指收18854, 跌189點, 六連跌靜候反彈

~ 恆指收關鍵位18907 / 19178之下, 呈弱勢, 不過明日畫周線,要看好友會否推番上18907/19178之上, 下星期係月供股票日,亦有誘因先推番大市上山, 明日係時間周期的大龍鳳日子,如好友健在,明日要收19178之上

~ 本周恆指未升過, 可能好友見沽壓太大,所以慳子彈 拖到明日才出手,今日壓住大市俾19200貼價熊出世,恆指連跌6日,以往連跌時間愈長,愈大機會食彈高,會補漲, 只要國指科指跑贏恆指, 港股上升動力就會增強

~ 今日創本周低位18803,  向下擴大了周波幅, 到今日為止, 恆指高低位18803-19358, 周波幅只得554點仍未達標, 明日要爆邊, 今日港股成交只得$800億,成交突然急降, 係大龍鳳先兆

~ 美元及美國十年期債息齊齊回落,美股急升, 在美上市中概股於美股時段亦做好, 睇股匯債表現港股有條件反彈,但 卻被QQ大股東減持的消息拖累, QQ已連跌4日, 按照慣性走勢,明天或下周就會反彈

~ 歐洲央行大幅加息0.75%, 美元升勢回順, 企唔穩110, 於109.2附近遊走, 人民幣小幅反彈,今次港股跌浪係跟住人民幣落山,今日人仔彈,正路港股亦會彈,大市超賣等反彈,按照慣性走勢不應全周日日跌, 近來好友喜歡星期五出手推升

~~~~~~~~~~~~~~~

~ 今個星期港股創多個紀錄, 連續兩周收20000之下

回顧今年5月及8月 只係一周收於其下,隨後一周已重上20000水平, 反映今次港股形勢比上兩次惡劣

~ 9月開新局日日跌,未升過, 今年未見過呢種情況, 中美股市向上走,港股卻向下走,情況極為反常, 有可能係等熊熊淡友入局, 消化沽壓,等到呢兩日大市超賣,拖到星期五才出手, 假期前後例牌大龍鳳

~ 日前曾說過今次港股跌浪係落到大位就窒窒步,跌下彈下,好淡通殺, 市弱但淡友都要輸, 大鱷唔俾股民賺錢, 往往失驚無神就轉向,股民企錯邊走避不及

~明日港股要畫周線,如果明日仍然彈唔起,全個星期都收跌的話,以每月升跌日數計,下周就要補回升市日數, 因為過往未做過連續兩星期都日日跌,趁回吐入貨短炒博反彈

~ 昨日美股爆升,絕地反擊,美股大鱷似乎想畫周線收升, 按照慣性走勢,美股彈高有助穩住港股, 港股沽空縮減, 淡友積極平空倉

~ QQ比亞迪大股東減持消息持續困擾市場, 係恆指失守19000的元兇

~ 恆指國指今日略為跌穿昨日底部創新低,但科指企硬冇破底,係利好訊號,反映淡友隊港股落山陸續平空倉

~ 恆指周波幅及月波幅仍未達標,周三四五係創周低位的時間窗口,今日已創周低位,希望後市一插即彈,不應太快失守18500大位,阿爺救市,上證挑戰3250, 恆指處於19000樓下係不合理

~肥牛在18500-18800,  牛72%:28%熊, 熊大幅下移至19200,  牛熊分布嚴重失 ,長期維持這種狀態十分罕見, 以陰謀論來說,可能係 大鱷的佈局,谷肥牛牛引 人做淡 

~ 19200  BB熊今日出世,以往大跌浪 見熊熊大幅下移至貼價,大市就會掉頭向上挾淡倉

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

7/9 周三恆指收19044, 跌158點, 弱勢五連跌

人民幣弱雞推港股落山, 恆指關鍵位18907 / 19178

今日轉節氣預示有大變,果然創新低,本周3跌O升,如明日反彈利好,不過如受制於今日下跌裂口19068-19107,  就代表今次仲未跌夠,毫無疑問的是, 恆指周線連續兩個星期收20000之下, 打破今年記錄, 代表今次跌浪比3月更凶險

呢兩日不斷說按照慣性走勢,恆指不會全周日日跌, 只要貼價熊大幅下移, 大鱷食飽肥牛, 港股就會彈高, 如今雖然 19400-19600熊大舉加倉,不過仍然是牛多熊少,69%:31%熊,  肥牛仍未脫險,因為恆指及QQ周波幅仍未達標, 下殺危機未除,上周已說2/9恆指季檢QQ及阿里的 基金買盤結束後就會 碌落山, 淡友乘機殺跌,於低位平空倉

QQ科指恆指國指雖然收跌但出陽燭,釋出好訊號, 可能有短炒淡友食胡回補空倉, 多得內地股市做好,今日國指跑贏恆指,今日港股彈唔起皆因人民幣五連跌,拖累恆指跌足五日 ,後市五要人民幣反彈,港股走勢就會好轉, 只要上證穩守3200,港股就不應深潛

QQ通常三連跌就彈,恆指和QQ最長4-5連跌, 如今恒指已連跌5日, 但QQ周波幅未達標,要隊穿今日低位306.2來擴大周波幅

~~~~~~~~~~~~~

今日沽空略為縮減, 通常連跌時間愈長, 股民愈悲觀, 熊熊下移, 大市就會有反彈, 上證靚仔四連升挑戰3250水平, 港股大落後皆因樓下牛牛實在太肥,萬幾張牛

早前說恆指19000-19200係好友防守大位, 再落18800係下一個支持大位, 今日低見19818果然彈番上19044收,  每次落到大位大鱷例牌托一托,唔會直落,今晚美元及债息回落, 後市要收19200之上, 大市就回穩,只要收18800之下,代表淡友當道

昨日見到牛多到嚇屎人,恆指周波幅未達標,就知今日港股死得, 18500-19100肥牛今日剛好死了一半,約三千張歸西, 大鱷食飽牛扒,又上返去19000養牛熊

港股三大指數 齊齊跌穿整數大位, 但收市不約而同收於其上,收19044/6513/4014,  絕不會是巧合,見好友手影,有報道指QQ有貨轉到香港,可能係大股東走貨先兆,利淡

美期收窄跌幅,上證先低後高,單日轉向,倒升收市, 但港股 卻彈散,反映港股仍由淡友主導大市, 上證連升四日,小心回吐就會拖低港股,只要恆指明日續跌,就創今年最長連跌紀錄,不過回顧以往的特長連跌,隨後都會大彈高

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

6/9周二恆指收19202, 跌23點,臨危托沽

港股先高後低, 單日轉向,部署屠牛

今日港股彈散收陰燭可能係因為:

~ 牛肥熊瘦, 所以今早高位一瞬即逝, 大鱷唔想放生肥牛,亦唔想俾靚位股民做淡

~ 昨日熊在19800, 途長路遠, 所以今日港股冇彈高,今日雖然有19500小熊出世,不過太瘦,勁肥牛在18500-19100, 好友繼續唔識死衝入場,牛熊分布嚴重失衡,牛71% : 29%熊

~ 恆指季檢完成, QQ因增加比重而出現的買盤消失, QQ隨即失去上升動力,繼昨日失守10天線, 今日續跌, 走勢轉差, 拖低大市

~ 美期及內地股市齊齊彈高, 港股斯人獨憔悴, 代表沽壓沉重, 應升不升需防跌, 明日轉氣白露, 預示有大變,港匯進一步轉弱,資金流走,明日冇眼睇

~今日開市衝上19358,  向上擴大了周波幅,亦回補了昨日的下跌裂口,任務完成即插,但恆指周波幅未達標, 不進則退,19000危矣! 向下大位18800.18500.18235...., 受除息因素拖累,期指昨日已率先跌穿19000水平,現貨都唔撐得幾耐

~  美國十年期國債息升上3.35厘樓上, 科企及息口敏感股死得,港股後市不妙

~ 美元昨日回氣今日再上衝, 強勢站上110水平, 怪不得人民幣下跌, 內地疫情惡化, 大行紛紛唱淡內地經濟,港股彈散, 恆指連跌4天,  今年以來,未見過開新局日日跌,洗倉味濃,有災味

~人行出招撐人民幣,但人仔卻彈散,連跌4日,收6.9485, 跌119點子

~ 恆指500點級級落, 窒窒步跌, 每次落到大位就磨一陣, 扮跌唔落來震熊引牛以及派貨, 21000.20500.20000.19500逐級下移, 大鱷派咗唔少貨出街, 形成重重蟹貨阻力區

港股破位而下, 大舉屠牛

5/9  周一恆指收19225, 跌226點,連跌3天

美元強勢急升高見110.2735,  拖累人民幣大插338點子,收6.9366, 人仔連跌3天,人行宣布由15/9起大幅下調外滙存準2%,美元升勢回順,收109.8215, 人民幣回穩利好內房股, 不過恆指跌穿小雙底,淡勢已成

阿爺撐人民幣即係托股市, 要看好友會否趁阿爺出招借勢作出反擊, 推上去逃命,不過目前港股由淡友主導大市,牛肥熊瘦會拉住港股後腿, 恆指橫行區底部在19178,國指在 6479,如收於其下不妙

可能下午內地已收到風人行出招,上證 先低後高單日轉向 ,並以全日最高位收市,連升2天,收3199,  作勢重上3200水平

************************

今日港股破位而下,跌穿5月低位19178及8月低位19189,  唔少股份都創逾一年新低,淡友陸續平空倉,沽空縮減,恆指 向上阻力19400-19600,向下支持18800.18500.18235..... 只要國指/科指跑輸恆指, 代表市弱彈散容易 彈高難, 要兩者走強, 恆指才有上升動力

今日恆指高位19299, 一開即插, 低見19064後拗腰收窄跌幅,  雖然市弱, 但以周波幅來看19299做周頂未免太低, 只要上證重上3200水平, 恆指仍有望向上擴大周波幅, 到打回頭才繼續尋底,今日現貨低見19064,  其實期指受除息拖累,已率先插穿19000大位,低見18972

今日大鱷屠牛逾2000張,但好友牛牛仍飛撲入市,18500-19100肥牛,19800小熊,牛多熊少利下殺,73%牛 :  27%熊

科指已連跌3日,正常市況三連跌就會反彈,就算市弱最長亦只係做4-5連跌就會彈, 恆指季檢QQ增加比重的基金買盤消失,QQ隨即失守10天線,連托市大將軍都陣亡, 怪不得恆指跌穿小雙底,後市不妙

~~~~~~~~~~~~~~~~~~~~~~~~~~~~

第三季(未完)

7月下旬恆指插穿21000,  唔少分析師都話跌至250個月線大平賣叫入貨,結果大鱷在20000-21000派貨,全民皆艇

8月恆指受制於20300,  大鱷在19200-20300派貨, 臨危托沽,結果隨街大閘蟹迎中秋

踏入9月份港股破位而下,洗倉式下挫, 跌穿5及8月小雙底

貨入散户手,大市彈散容易彈高難,早已說低處未算低,不宜執平貨建倉,港股波動區間下移千點,19500-21500 變為18000-20000,  情況比3月見底18235那次差,有災味,或會破底擴大年波幅

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

2/9 周五恆指收19452, 跌145點,連跌兩天

港股底部下移續尋底,肥牛命危

好友痴咗線,蜂湧入市博反彈,真係冇眼睇, 後市要插穿19000來擴大周及月波幅, 如果大鱷唔想月初太快插穿19000, 就要在19500穿梭

牛 75%:25%熊

以周波幅及月波幅來看,9月不可能守得住5月低位19178, 以及8月低位19189, 只要失守19000, 500點一級就要向18500進發

上證由5月起,最長連跌3日必彈, 今日果然收升1點, 收3186, 但卻是連續兩天收3200之下,內地疫情急促惡化,  封城封區, 上證失守3200, 拖累恆指失守19500,  港股冇咗A股做後盾,死得

9月份港股有大量成分股除息,會拖累期指大低水 ,除淨後股份通常沽壓會加劇, 恆指季檢更換成份股今日結束, 相關買盤已完成, 下周QQ阿里增加比重的基金買盤消失, 港股下周一理應作出修正, 匯市形勢仍然不妙

股神減持比亞迪, 市場憂慮沽盤陸續有來,亦擔心股神會清倉,導致沽壓沉重,股價低處未算低, 車股洗倉潮愈演愈烈

除息:5/9周一長和 長實,6/9周二中海油 中移,8/9周四中石化,9/9周五中石油

美國就業報告2/9(周五)出爐, 周一(5/9)美國勞動節假期休市

~~~~~~~~~~~~~~~~~~~~~~~~~~~

觀察資金流就知港股點走

18-24/8資金大舉流走,24/8港股創8月新低

25/8颱風半日市港股大升挾淡

26-30/8熱錢流入炒高港股派貨,31/8熱錢流入明顯放緩,只得少量資金托沽

1-2/9熱錢大舉流走,港股大插,皆因1/9台灣金門守軍擊落中國民用無人機,原來8月底蔡婆下令軍方反擊,改變了不開火的政策,擔心台海局勢升温,熱錢撤出風險資產,美元急升

通常熱錢流出或流入港股,每浸閒閒地維持一或兩個星期

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

1/9 周恆指收19597, 跌357點,失守10及20天線

港股底部下移續尋底,肥牛命危

今個星期係收跌周, 周三四五係創周低位的時間窗口, 由於恆指本周波幅仍未達標,明日要插穿今日低位19532 來擴大周波幅,只要插穿25/8低位 19418 代表當天大成交掃貨買上的大鱷已食胡鬆人,其實資金流入反映 25/8炒上 的資金今日已撤退, 沽空又爆燈,後市不妙

大鱷可能勒住來窒窒步跌,級級落, 19400.19200.19000.18800.18500.... 要預留後市的向下空間,一路跌一路養牛熊, 明日恆指季檢, 午後及收市U盤基金買賣盤會影響市況

牛熊分布嚴重失衡,牛牛多到嚇死人~ 牛71% : 29%熊,好友死得, 今個星期港股收跌已無懸念, 按照慣性走勢明日會創本周新低, 19532樓下每百點向下都有肥牛, 要買定官才

上證失守3200走勢進一步轉弱, 亦會拖低港股, 9月份有大量股份除息, 但相關股份仍跟跌, 冇資金炒除息, 反映市弱缺水

上證收3185, 跌17點,連跌3日,雖然弱雞,不過估計明日會反彈,因為由5月起,上證最長連跌3日必彈,未見過四連跌

股神減持迪迪仔累街坊, 嚇到雞飛狗走,迪迪仔莊家呢兩日已走光,QQ仍受制於$320-330阻力區,連續兩日上破$330,  高見$334.6都打回頭,上證收3200之下,港股死得,大好良機淡友必定會出手

最新回應

史哥
史哥 2022/10/04
@soho*...

Soho

還有~

10/10 月供曰

老美插三週彈一週

soho*
soho* 2022/10/04

下星期一(10/10) 美國哥倫布日,金融市場休市

下星期一 (10/10)內地長假期復市,大媽回歸

下星期三(13/10) 美國公佈通脹數據

所以今個星期好友反擊勝算高過下星期

soho*
soho* 2022/10/04

門師兄,港股升跌跟資金流, 9月份港股一直彈唔起係因為當時美元強勢一路衝上114,  以及美國十年期債息 爆上4%, 不過呢幾日資金流逆轉,美元及美國十年期債息雙雙回落,利好股市

soho*
soho* 2022/10/04

c6,我曾說過每日睇哂大部份成份股的收市位可練股感,見愈來愈多股份破位而下,跌穿橫行區,就代表大鱷散水, 相反,當愈來愈多股份 向上突破,就係利好訊號

我提及匯控係因為佢係指標股,對 港股升跌具啟示作用,我冇炒匯控,不過上周有一位分析師斬匯控 止蝕 ,唔少股民都係近日斬倉或離場,呢個散戶指標係利好信號