曾智華 - 信吳彩平 歎蟶子王｜祿祿無窮
2022/09/08 04:12:49 網誌分類: 生活
娛樂圈也出現黃金盛勢，張張唱片賣幾十萬張，演唱會一開就幾十場，簡直「印銀紙」。
暴發至此，間間公司應酬費任開，於是出現一個情況，就算小弟呢類打工中層也被寵幸。乜呢？正是凡入食肆，無論午晚，經理例必埋來，市儈微笑：「曾先生，今日返咗幾條老鼠斑，野生，又滑又正斗，手快有手慢冇！」
老友，老鼠斑幾錢條？最平「斬」你千幾二千，更何況，經理推介大群翅及本地龍蝦刺身，全部千千聲。俱往矣。九七後金融風暴殺到，人人回到凡間，腳踏實地。大富豪、中國城蒸發，也再甚少聽人食老鼠斑、大群翅、阿一鮑魚及本地龍蝦刺身……咁嘞。
前晚，摸去一間最近冒起的人氣食肆鵞鱻館，禮貌周周的女經理吳彩平推介：「曾先生，今日返咗愛爾蘭蟶子王，飛機貨，幾十蚊隻咋！」幾十蚊？全家掃五隻先，粉絲開邊蒸。上枱，嘩，勁！隻隻九吋長，新鮮又彈牙，正到不得了。嗱嗱嗱，咁至係正常香港飲食業嘛。腳踏實地，才可恆久致遠！
地址：九龍鑽石山荷里活廣場302C
曾智華
回應 (0)
我要發表