中秋後港股跌勢加劇有災味

2022/09/13 00:01:15 網誌分類: 經濟
13 Sep

21/9周三恆指收18444,大跌336點, 繼續尋底冇眼睇

港股月波幅未達標, 低處未算低

周三四五係創周低位的時間窗口, 港股仍未有見底跡象, 日前已提醒大家以月波幅計 ,會插穿18000, 但好友死心不息,有網紅分析師及散戶今日入貨, 唉!又送錢畀大鱷

昨日港股死貓彈,今日嘔突昨日升幅並收於185000大位之下,期指未平倉合約大幅增加,港股跌至現水平空軍仍信心滿滿大手加沽,牛牛好友飛撲入市博反彈,真係要買定官才

已經講咗無數次港股有災,年波幅不足, 會插穿3月低位18235, 水星逆行時期會大插, 不要貪平入貨建倉, 博反彈要快閃, 指標股QQ以全日最低位$286收市, 但周波幅仍未達標, 仍有下跌空間, 利淡大市

大鱷經常玩扮見底來震熊引牛及派貨, 半日收市前低見18451, 午後衝上18625,  嚇走了淡友熊熊, 牛牛飛撲入市, 17900-18450牛牛愈來愈肥, 連17900樓下牛牛亦快高長大, 尾市才創全日低位18434, 牛牛被困

大鱷不斷洗倉走鬼, 臨危托沽, 呢幾個月入市 十個好友股民九個輸, 9月份港股形勢衰過3月,過去一個月手痕入貨的散戶如今 後悔莫及

上證低見3091, 其後急彈重上3100水平, 收復大部份失地, 收市僅跌5點, 報3117, 反常的是,港股不但冇跟上證上山, 反而愈跌愈急, 臨收市創即市低位, 有濃濃的洗倉散水味

中港股市今日反艇死因: 

今晚美國聯儲局勢必大幅加息,美元強勢攻上111水平, 在岸人民幣收跌404點子, 報7.0535, 創逾兩年新低, 人仔插, 港股死得

俄羅斯總統普京發表視頻講話,宣布進行部分動員,那些曾在武裝部隊中服役、有一定軍事專業和相關經驗的人將被徵召服兵役,憂慮俄烏局勢惡化,或會有核戰, 港股再創逾半年新低

恆指年波幅仍未達標, 目前恆指高低位時間太接近, 不會只相隔約一個月這麼少, 代表18235不會是今年大底, 早已預告每季必有災, 港股未跌完, 就算做細波幅都要見18300, 大月波幅要見17900或以下

10/2 25050 頂

15/3 18235 底

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

20/9 周二恆指收18781, 升215點,

港股受制於10天線,熊死牛命危,繼續尋底

中秋後大鱷的操控手法係上山食一口貼價熊就鬆人,落番去繼續屠牛尋底之旅,過去三個星期恆指科指亦未做過連升,今日升明日就要收陰收跌,目前是水星逆行期, 股匯債都會大幅波動

淡友趁反彈加沽, 主力針對科企, 今日恆指雖然向上擴大了周波幅,但周波幅仍未達標,下殺危機未除,18500危危乎,今日低見18685就急彈,其中一個目的係俾18500-18700小牛出世,超肥牛在18300-18500,肥牛在17900-18300, 以月波幅計亦要下試呢個水平

15/9人行下調外滙存準仍無法穩住人民幣,係強烈利淡訊號,人仔弱雞,港股死得,踏入9月下旬(16/9)人民幣跌破7算,當天上證失守3150,  一路碌落3100水平,國指亦跟隨失守6500, 科指失守3900, 恆指收18800之下,向前底18235進發

一如過去幾周所說,目前港股形勢比3月見底18235時差,加上水星逆行的魔咒,中港股市齊齊潛行凶間落地獄

今日玩挾淡快閃屠熊,升市動力來自淡友平空倉,市場仍看淡後市,冇新資金入市,乾升成交縮,中港美三地股市都係虛火上升死貓彈,近來港股每次彈完都會破底

今次港股的跌浪係股災級別, 玩陰陰跌令股民失去戒心,每次跌到落大位都窒一窒,扮跌唔落,吸引資金博反彈,由21000一路碌落山都係站站停, 已鎖死唔少資金, 所以當打穿19000,股民/基金已彈盡糧絕, 又或者成手蟹,冇錢(冇膽)再入市, 導致港股成交萎縮,反彈乏力

淡友想於議息揭盅前食胡的話,明日就要隊港股落山,周三四五係創周低位的時間窗口

今日人民幣一如所料反彈,不過上升乏力,僅升48點子,收7.0131,  資金流利淡中港股市,美元略為回吐後再度急升上企110水平, 美國十年期債息攻上3.5%,科企有災難

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

19/9 周一恆指收18566, 跌195點,連跌2天

中港股市醞釀反彈

今日港股再插,頗為驚嚇,恆指終於插穿18500,創月內新低18494, 雖然有唔少利淡因素仍困擾市場,恆指周波幅及月波幅仍未達標(19839頂-1500-2000=17800-18300),大媽大手沽出24億元盈富基金,係強烈利淡訊號, 美國十年期債息上攻3.5%, 不過等港股死貓彈完再尋底亦得

反彈阻力10天線18900-19000, 牛肥熊瘦不利後市, 64% 牛 Vs 36% 熊, 會拉住港股後腿

跌至現水平理應會有死貓彈,因為

~ 有淡友開始平空倉食胡

~ 沽空略為縮減

~大鱷過去5日大鱷殺了逾5000張肥牛,熊四百多張, 食飽未呢?熊熊大幅下移, 貼價熊命危

本周一開局港股就大插,恆指終於隊穿一直期待的大位18500, 大家認為呢一棍夠唔夠驚嚇呢?如果係驚嚇的一棍有淡友食胡平空倉,港股就會反彈

~今日高見18697,開市即插,大鱷壓住大市俾18800熊今日出世, 於大跌浪中熊熊大幅下移係利好訊號,可惜BB熊唔夠肥,小心上山食唔飽又落山食牛扒

~恆指周波幅仍未達標,18494-18697會爆邊來擴大周波幅

~恆指連日急跌,季波幅已擴大至3704點

恆指季波幅

2022第三季(未完) 4/7~19/9  :  3704點
2022第二季 3345點
2022第一季 6816點

2021第四季 3570點
2021第三季 5088點

~ 美元衝上110.1774 打回頭,於109.5穿梭,有利人民幣反彈, 不過要慎防人仔只會短暫反彈,美元最終會上企110, 向120進發

~上周五美股四權結算,當天美股再插,可能係淡友推低美股食胡,只要美股止跌回升,有助穩住中港股市, 不過如美股續瀉,就會推港股落山

~  上證四連跌,正醞釀反彈,今日內銀 寧德時代 茅台 中移等多隻A股逆市上升呈陽燭,似力守上證3100

~ 老外掃入A股,扭轉過去3天日日沽貨的勢態

~按照每月升市日數的慣性走勢,9月下旬恆指不會好似9月上旬只升2天這麼少,估計美國議息揭盅前會有淡友推低港股食胡,平空倉買盤有助反彈

~近來科指每跌2-3日就彈一彈,如今已連跌兩日,QQ低見$288.2, 險守前底$288,只要QQ止跌回升,有助推高大市,不過有南非大股東泰山壓頂,會削弱QQ反彈動力

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

16/9 周五恆指收18761, 跌168點

港股底頂下移大舉屠牛

港股仍未有見底跡象,下周要跌穿本周低位18678/6398/3858來擴大周及月波幅 ,順道屠殺肥牛, 20-21/9 聯儲局議息,人心惶惶,避險情緒高漲,正路下周淡友會隊落去食胡,再插落去好友亦會作出垂死掙扎, 所以下星期係關鍵周,睇實美元人民幣走勢就知港股去向

要特別留意下星期五 23/9, 呢個係結算前的最後一個星期五,係畫周線及部署月尾結算的大日子

內地股市破位而下,上證失守3150大位,  港股失去後盾,要潛行凶間,向前底18235進發, 本周大鱷暫時唔想破大底18235,用拖字訣,近日不斷玩震熊引牛陰陰跌 ,托住指數來洗倉, 溫水煮蛙式派貨,唔少股份都 跌到阿媽都唔認得

今日富時羅素更換成份股,港股成交急增至$1239億,空軍再度出手, 沽空急增至$225.42億又爆燈, 後市必插, 驚嚇的一棍逼死好友仍未出現, 代表後市仍兇險,空軍特別針對科企及內房來加沽,其他分析請瀏覽過去幾日的留言

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

15/9 周四恆指收18930, 升83點

恆指死貓彈吻別19000,繼續尋底冇眼睇

今日港股雖然收升, 但成交縮, 而且下跌股份(21%)多過上升股份(17%), 有臨危托沽味

昨日港股下跌裂口

18989 - 19296

6518 - 6614

3982 - 4060

恆指高見19013, 推上山空軍又加沽,港股高位一瞬即逝,秒殺BB熊即回,牛熊分布略為改善,不過仍然係牛多熊少利下殺,牛59% : 41%熊

好友反擊, 港股低開高收, 單日轉向呈陽燭, 扮跌唔落引好友入局,國指跑贏恆指, 力撐大市, 今日恆指國指都閃上去補咗少少昨日的下跌裂口,但科指最弱,一d都冇補,科指今日升幅細,明顯跑輸 恆指國指,科指弱會拖低大市,與樓按相關的1個月拆息連升5日, 息口敏感股沽壓特別大

印象中未見過恆指半個月只升了兩天,9月水星逆行真係有災味,但好友仍繼續入貨,你話大鱷會點做呢?回顧1~7月, 除了1和5月, 其餘5個月於月初逢高沽都大賺

在岸人民幣收跌145點子,報6.9775, 創逾兩年低位,離岸人仔已跌破七算,人仔弱,利淡中港股市,連下調外滙存準今日生效都救唔到人仔,皆因美元強勢上企109.5水平,不利非美貨幣

內地金融A股雖然受阿爺出招救內房消息帶動,逆市上升, 但內地股市整體下跌股份比例非常高,老外又走鬼,連續兩日大舉沽出A股

上證收市大跌37點, 跌穿關鍵大位, 收報3199, 形勢不妙, 又睇下港股好友可以撐得幾耐, 18800久守必失, 周三四五係創周低位的時間窗口,明日中美股市結算

上證失守3200大位,港股死得, 要看會否 又係一插即彈,收窄跌幅,因為明日要畫周線 ,由於QQ本周做細周波幅,正路恆指亦會做細周波幅,本周不應做千點見18500, 預測本周底部範圍:

19492 頂- 600-1000點周波幅=18500-18900

QQ日日回購,今日弱彈收升,近來QQ多數升1日就收工,過去三星期只係做過1次兩連升, 預示明日沽壓會大增, $300 危危乎

今年5月和8月每當恆指周線跌穿20000大關, 隨後一周都會重上20000水平, 所以當9月第一周再度跌穿, 就吸引大量好友掃貨博反彈, 中伏了, 今次係連續3周無法重上20000水平, 淡勢早已確認

大鱷捉心理,每次落到大位都磨一陣扮見底,吸引股民於今次跌浪一路向下買,導致19000-21000蟹貨多到不得了, 彈盡糧絕,冇資金再低吸, 全民皆艇,形成反彈阻力

美股都係一樣扮見底, 7/9展開強力熊反彈四連升, 13/9一棍直插, 一日就嘔番晒四日的升幅, 上周追入的股民全艇, 又鎖死一大筆資金

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

14/9 周三恆指收18847, 大跌479點, 連跌兩日

洗倉式沽貨

昨晚美股出現小股災, 不過跌勢過急, 今日美期略為反彈, 預期今晚美股做好, 恆指落到18800大位又托住, 只要美股反彈,有助穩住港股,不過港股主要跟上證, 港股要等阿爺出院,

恆指今日的下跌裂口18989-19296有待回補, 但市弱沽壓大, 估計短線只會回補少許裂口, 19000-19200阻力大, 恆指周波幅已進入達標範圍,不過月波幅未達標, 下殺危機未除, 貼價肥牛會拉住港股後腿

今日向下擴大周波幅, 創新低18797, 令本周波幅增至694點, 已進入達標範圍, 近來一般周波幅600-1000點, 大鱷仍然玩窒窒步勒住來跌, 養牛熊, 熊大幅下移至19000, 肥牛在18400-18800, 貼價牛熊都有生命危險

港股好少全周日日跌, 目前恆指已連跌兩天, 會有反彈,人行下調外匯存款準備金率明日生效,今日大媽掃入港股,但老外卻沽出A股

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

假期前後例牌大龍鳳

13/9 周二恒指收19326, 跌35點, 熊死牛命危

港股假期前後果然有大龍鳳, 恆指先高後低, 單日轉向, 受制於19400-19600的10及20天線阻力, 不進則退, 以過去兩個月恆指做600-1000點周波幅計, 就要插穿19000.18800來擴大周波幅, 向下大位18500.18235.18000

今早高見19492, 向上擴大了周波幅及屠熊就掉頭回落, 低見19296, 其後一直托住大市養牛, 因為18900-19300牛今日出世, 好友飛撲入市, 中伏了, 牛熊分布 63%牛 : 37%熊, 牛肥熊瘦, 4千多張重倉牛在18500-18900,

上周四8/9低見18803明明未見底, 但上周五死貓彈引好友入局及殺淡友, 唔少分析師及股民以為見底, 紛紛掃貨買上,大鱷奸計得逞, 今天轉勢日見頂,手腳慢的好友死得,近來QQ美團阿里都見空軍加沽,後市不妙

9/9水星逆行開始, 老早已提醒大家小心會有股災, 入市博反彈要快閃, 19500附近減倉不建倉, 因為下跌空間大, 大鱷玩窒窒步跌, 耐不耐急彈一兩棍係派貨及殺倉

上周五人民幣急升, 港股跟住飛天, 今日人仔下跌, 港股跟住落山, 股跌樓價跌, 強積金虧蝕, 身家大縮水, 加息供樓負擔增加, 亦影響投資氣氛

今晚美國公布通脹數據, 可能係好友 食胡避險的原因之一, 美股挾淡已連升四天, 去到阻力大位,博回吐好過買上, 殺完淡友今晚輪到殺好友,

今日港股形態好差, 去到阻力大位打回頭, 美匯債於高位反覆, 導致港股急速變盤, 手腳慢不宜投機短炒, 上星期買上博反彈, 星期五先吃一半 ,今早趁月供股票盤推高大市食埋餘下的一半好倉,

呢幾個月港股洗倉潮沒完沒了, 內房 金融 汽車 科企等跌跌不休, 全民皆艇, 削弱股民入市意欲, 成交萎縮, 大鱷就更容易將港股舞高弄低, 失驚無神急升暴跌, 無啦啦轉向, 企錯邊的股民頻頻斬倉止蝕, 手上全是蟹貨

向上阻力 19400-19600(10及20天線), 向下大位19000.18800.18500.18235.18000

空軍趁大反彈加沽,QQ美團京東等股份都見加沽,代表港股後市仍有隱憂,係計時炸彈, 等牛牛上移就會下殺,18900-19300貼價牛今日出世

利淡因素多到不得了,舊網誌已詳述,最大鑊係比亞迪及QQ大股東正在減持

中港美三地股市都係乾升,成交並不配合升勢,似挾淡派貨, 13/9美國公布通脹數據, 又係大龍鳳的日子

當 中美股市或人民幣見頂回落,又或者恆指收19100之下,就係第一個警號, 港股的跌浪係跟住人民幣同步 碌落山

恆指連續兩周收20000之下,創今年最長周線收20000樓下的紀錄,上兩次係跌一周即彈,代表今次港股形勢比 以往惡劣

最新回應

史哥
史哥 2022/10/04
@soho*...

Soho

還有~

10/10 月供曰

老美插三週彈一週

soho*
soho* 2022/10/04

下星期一(10/10) 美國哥倫布日,金融市場休市

下星期一 (10/10)內地長假期復市,大媽回歸

下星期三(13/10) 美國公佈通脹數據

所以今個星期好友反擊勝算高過下星期

soho*
soho* 2022/10/04

門師兄,港股升跌跟資金流, 9月份港股一直彈唔起係因為當時美元強勢一路衝上114,  以及美國十年期債息 爆上4%, 不過呢幾日資金流逆轉,美元及美國十年期債息雙雙回落,利好股市

soho*
soho* 2022/10/04

c6,我曾說過每日睇哂大部份成份股的收市位可練股感,見愈來愈多股份破位而下,跌穿橫行區,就代表大鱷散水, 相反,當愈來愈多股份 向上突破,就係利好訊號

我提及匯控係因為佢係指標股,對 港股升跌具啟示作用,我冇炒匯控,不過上周有一位分析師斬匯控 止蝕 ,唔少股民都係近日斬倉或離場,呢個散戶指標係利好信號