9月股災月+基金季結

2022/09/21 23:59:36 網誌分類: 經濟
21 Sep

28/9 周三恆指收17250, 大跌609點, 嚴重超賣

港股恐慌性拋售, 驚嚇一棍創新低

今個月由淡友主導大市,或會壓住明日期指結算價, 港股跌至現水平 沽空仍高企不下,要慎防空軍於高位再加沽,以及蟹貿出籠, 內房旭輝債務危機拖累金融板塊, QQ低見$273.4, 周波幅未達標是後患, 下殺危機未除

今年期結日恆指多數高開, 先扯高結算價, 然後才回落, 反彈阻力17600

淡友擔心美股今晚反彈,拿拿林推低大市繼續平空倉食胡, 今日恆指暴跌, 逼好友斬倉止蝕, 低見17184, 已進入本月下跌目標範圍16900-17200,不過以年波幅計,第四季或要下試16500甚至更低

在岸人民幣兌美元收市報7.2458,創逾14年半新低,急挫878點子,夜市時段進一步失守7.25,低見7.2521, 不過全國外匯市場自律機制電視會議內容公布後,在岸及離岸價止跌回穩。人民幣跌破7.2%, 阿爺又出手維穩, 不過上兩次人行出手撐人仔, 中港股市都係彈散, 明日港股通休市, 冇咗大媽條水喉撐港股

~ 美元及美國十年期債息齊齊衝高回落,利好人民幣

~ 按照連跌日的慣性走勢, 美股即將反彈, 昨晚纳指已率先止跌回升, 釋出利好訊號, 今年道指最長六連跌,未做過七連跌

~ 9月尾基金季度結粉飾櫥窗,或會踢高沽貨走鬼

~ 昨日18000熊出世,今日進一步下移至17900水平,仍是太遠, 今日大插,肥牛近7000張已陣亡,牛熊分布嚴重失衡情況略為紓緩, 不過仍然係牛多熊少 67% : 33%,破底危機仍在

~ 經濟差、樓價跌、倒閉潮、裁員潮、按揭供款增加……  20000.19500.19000.18500.18000.17800入貨博反彈的股民已彈盡糧絕成手蟹冇眼睇,今日插穿17500已經冇子彈,亦冇膽入貨,如見死貓彈或會止蝕, 輸少當贏,對大市構成壓力

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

27/9 周二恆指收17860, 升5點,臨危托沽洗倉潮

今日恆指國指齊創新低, 大舉屠牛, 但科指不但冇創新低, 更連升兩日,為一個月以來首度出現連升, 不過市弱難連升, 博反彈要留神, 科指由8月中起最長兩連升就玩完,而今個月恆指每次反彈完都會破底,明日危矣!

今日港股雖然收升,但唔少股份仍持續遭洗倉,破位而下, 最大鑊係連穩陣避險股都出現恐慌性拋售, 一斬倉就令跌勢加劇,真係有災味,唔好立亂持好倉過夜

QQ今日逆市下跌, 代表市況仍弱, 只係死貓彈, 十一黃金周前大媽繼續走貨,空軍持續加沽, 淡友仍未放手

不進則退,恆指周波幅仍未達標, 如無法攻上18100, 就要落17500.17300.17000來擴大周波幅

唔計特大及特細恆指月波幅,過去8個月有三次恆指做2100-2300點月波幅,有兩次做2600-2900點

頂19839 - 17648(今日低位)=2191

做2600-2900點可見16900-17200

美期及內地股市急升,但港股卻彈散,反彈乏力,大鱷食完肥牛壓住大市唔俾彈高高, 根本唔想放生牛牛及股民的重倉蟹

恆指已連跌4天,今年最長4-5連跌就會反彈,結果今日收升, 不過今個月未做過連升,明日危, 收跌周的星期三四五係創周低位的時間窗口

道指已連跌5天,今年最長5-6連跌就會反彈,如果仲唔彈, 打破慣性走勢 就係災, 要留意的是十月美企公佈業績,目前 正是 blackout period禁止買賣期, 冇得回購撐股價,可能係美股 日日跌的原因之一

人民幣兌美元在岸價收報7.158,跌116點子,創28個月新低,連跌5日, 資金流仍利淡,美元及美國十年期債息升勢持續,不利股市

上證連續兩日插穿3050都收於其上, 今日更急升42點收3093, 市傳阿爺下令開大會前要維穩, 不過人民幣暴跌 仍未有見底跡象,不利外債重的中資股

市傳阿爺護盤, 中港股市齊齊收升, 原來台灣國安基金亦宣布護盤, 台股止跌反彈

本周基金埋季结,粉飾櫥窗/換碼,推高走貨, 套現避險

股災走鬼市輪住來洗白白,昨日匯控長和系暴跌, 今日輪到領展港鐵洗倉式大插,內銀AH股仍跌跌不休

今日港股收陽收升, 月尾6天 暫時 1升2跌, 明日結算前夕, 雖然淡友仍主導大市, 不過尾通常係好淡通殺, 不走單邊市

市傳阿爺話開大會之前要維穩股市,刺激內地股市急升, 港股亦單日轉向,倒升收市,都話咗炒阿爺個場好過炒港股, 不過人仔弱,炒A股都要快閃

午後內地股市急升,Vhsi 恆生恐慌指數隨即由升轉跌, 有阿爺撐腰市場冇咁驚,好友又入貨博反彈,真係冇眼睇

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

26/9 周一恆指收17855, 跌78點,連跌四天續尋底

港股超賣仍彈散,股份洗倉式暴跌,臨危托沽

今日恆指雖然收跌,不過是四日以來最細跌幅,並且收陽燭,係好現象,不過托沽味濃, 可能係有淡友開始食胡,期指未平倉合約大減,可能係轉倉及淡友食胡, 不過一雞死一雞鳴,今日沽空急增至$202.66億(19.42%), 早市推上山淡友又加沽,代表港股下殺危機未除

今日港股收市升跌幅度不大, 但 Vhsi 恆生恐慌指數卻爆升7.02%,下跌股份遠遠多過上升股份,代表今日港股係虛火上升,亦預示後市不妙

近日斬倉止蝕盤增加,淡友開始平空倉,強勢股暴跌,代表大市正醞釀反彈,希望本周守住17500,下個月才見17000, 由3月起,當恆指創月內低位後該周或隨後一周會反彈, 不過今次股災唔知跟唔跟慣性走勢

月尾6天恆指已跌了2天,升跌比例通常係 2:4 或3:3, 不過 過去幾個星期恆指每周只升1天, 希望結算周好友出下力

早前寫的劇本係上周港股要收跌, 本周會再跌創新低然後好友會反擊, 本周好淡通殺, 不會單邊向下, 因為有基金季结及期结

大鱷一直壓住 大市唔畀反彈,牛牛不斷湧入博反彈,而熊熊亦唔敢大手加倉做淡,震熊引牛策略非常成功,明日牛牛死得

繼9月中阿爺出招撐人民幣,今日再出招救市,人民幣暴跌係中港股市9月份急挫的元兇之一,所以要救中港股市必須要先救人民幣, 不過上次人行出招,港股都彈唔起,續創新低

人行宣布由28/9起將外匯風險準備金率由0上調至20%, 以壓抑投機沽空人民幣, 今日港股成交增加,除了洗倉斬倉止蝕盤之外,可能係淡友收到風阿爺出招,所以拿拿林推低港股食胡

~~~~~~~~~~~

股災模式

英鎊暴跌,相關股份長和系匯控大插,息口敏感股及金融板塊沽壓未除,不過美團回購具提振作用, 推動科指收升,港股超賣, 好友等中美股市及人仔反彈才有藉口反擊, 否則仍要繼續尋底

今日低見17727, 剛好落到第一個目標17700附近, 恆指月波幅已進入達標範圍上方, 不過仍未有見底跡象

都話咗股災早晚會洗到強勢股, 今日連長實也不能倖免,由$52.75插落$47.1, 幸好有回購,收市略為收窄跌幅報$48.2

科指國指雖然反彈,不過唔少股份仍在洗倉冇跟升,市弱難連升, 如出現連升代表好友反擊,大市有望回穩

資金流利淡,美元及美國十年期債息 升到嘭嘭聲, 港股 災味甚濃,持續出現 恐慌性拋售斬倉場面

今日恆指創新低屠牛約三千張, 好友牛牛繼續飛撲入市博反彈, 仍然係牛肥熊瘦 67%:33%,17000-17700有逾7000張肥牛,熊熊下移至18400,太遠,今日港股即市急升急跌,好友淡友都要死

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

23/9 周五恆指收17933, 大跌214點,連插三天超賣

大鱷一路壓住港股唔畀彈,引好友牛牛入局博超賣技術性反彈,大量牛牛飛撲入市 ,牛熊分布嚴重失衡,牛多熊少利下殺,其實遠牛玩快閃有得博,但貼價牛就命危, 牛72% : 熊28%,7000多張肥牛在17400-17900, 插穿前底18235,下一站500點見17700, 如此類推向下走

股民以為跌穿20000大關港股大平賣,卻忘了企業盈利倒退,經濟前景差,19500都係貴,18500-20000股民掃貨全艇, 股民以為市弱轉炒強勢股 ,卻忘了大戶持倉有虧蝕的話,亦要沽出 有盈利的 強股來救亡

美國持續瘋狂加息 拖累全球金融市場,美元爆上113水平, 人民幣急跌接連破7.0及7.1,向7.2進發, 美國十年期債息攻上3.8%(8月份於2.8%窄幅穿梭, 8月尾開始急升),息口敏感股全面捱沽,港股災味甚濃

空軍除了加沽科企外,亦針對港交所,迪迪仔近日曾反彈,似是空軍開始平空倉,QQ美團京東亦見大手平空倉盤, 不過小米吉利沽空仍高企,9月開局時已提醒大家金油危, 結果真係大插

下周重點

~本港放寛檢疫安排0+3, 利好相關板塊

~ 英鎊創37年新低,利淡匯控長和系等股份

~ 按照慣性走勢下周港股不會單邊向下,因為港股已進入月尾6天的市況,升跌日數通常係2:4 或 3:3,不過9月份每周只升1天

~ 港股每次插穿整數大位都會彈一彈, 不過今次失守18235/18000卻直落,形勢極為兇險,看來要睇下一關17500-17700的支持力,以年波幅計要見17000, 希望拖到10月才見

~科指低見3589, 要看好友會否守住3500大位

~ 恆指續創新低,不過國指低見6114, 力守昨日低位,下一個大位在6000或會有反彈

~ 港股開始超賣,不過下周會再插創新低,好友要等中美股市反彈才有藉口反擊

~ 29/9周四期指結算

~ 9月尾基金季結, 或會有粉飾櫥窗及換馬動作

~ 股災基金贖回潮令大市沽壓加劇

~ 企業回購增加

~ QQ 比亞迪未見底,大股東繼續沽貨

~ 廢老鮑爺發表言論

~30/9周五畫周線、月線、季線

~ 大跌市加沽, 21/9周三大跌336點失守18500,當天期指未平倉合約急增, 22/9周四進一步加倉, 必有所圖,

~港股尾市續插, 可能係淡友隊穿18000開始食胡

~ 空軍會進一步推低港股食胡,只要淡友平空倉,大市就有望反彈

~ 十一黃金周長假期前,大媽或會推高股份來沽貨套現

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

22/9 周四恆指收18148,大跌296點,連插兩天

港股破位而下,低處未算低,繼續尋底屠牛之旅

9月 水星逆行有災應驗了,恆指今日低見17965,已插穿2022年3月低位18235, 2016年2月低位18278,2012年低位18185, 後市不妙,繼續不過大市超賣,明日秋分,希望閃上去俾靚位我沽

今日港股又大插,擴大了周、月及季波幅,季波幅超過4000點已進入股災模式

牛牛加倉利下殺 : 牛67%:熊33%

QQ及港股仍未有見底跡象,$280/18000危危乎, 不過本周恆指波幅已進入達標範圍,明日不應插穿17800, 下周才落地獄

與樓按相關的1個月HIBOR(港元拆息)連升10日,再創2020年1月以來新高

港股跌至現水平空軍仍繼續加沽, 沽空佔大市成交高達20%,

9月份鱷一直壓住大市唔畀反彈, 令淡友熊熊唔敢加沽,亦令好友憧憬始終有一彈,紛紛看好買牛博反彈,以及買入正股,大鱷奸計得逞,不斷派貨,牛多熊少冇眼睇,今日屠牛約4600張,過去5天累計殺牛約9500張,17960樓下仍有萬張待屠

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

21/9周三恆指收18444,大跌336點, 繼續尋底冇眼睇

港股月波幅未達標, 低處未算低

周三四五係創周低位的時間窗口, 港股仍未有見底跡象, 日前已提醒大家以月波幅計 ,會插穿18000, 但好友死心不息,有網紅分析師及散戶今日入貨, 唉!又送錢畀大鱷

昨日港股死貓彈,今日嘔突昨日升幅並收於185000大位之下,期指未平倉合約大幅增加,港股跌至現水平空軍仍信心滿滿大手加沽,牛牛好友飛撲入市博反彈,真係要買定官才

已經講咗無數次港股有災,年波幅不足, 會插穿3月低位18235, 水星逆行時期會大插, 不要貪平入貨建倉, 博反彈要快閃, 指標股QQ以全日最低位$286收市, 但周波幅仍未達標, 仍有下跌空間, 利淡大市

大鱷經常玩扮見底來震熊引牛及派貨, 半日收市前低見18451, 午後衝上18625, 嚇走了淡友熊熊, 牛牛飛撲入市, 17900-18450牛牛愈來愈肥, 連17900樓下牛牛亦快高長大, 尾市才創全日低位18434, 牛牛被困

大鱷不斷洗倉走鬼, 臨危托沽, 呢幾個月入市 十個好友股民九個輸, 9月份港股形勢衰過3月,過去一個月手痕入貨的散戶如今 後悔莫及

上證低見3091, 其後急彈重上3100水平, 收復大部份失地, 收市僅跌5點, 報3117, 反常的是,港股不但冇跟上證上山, 反而愈跌愈急, 臨收市創即市低位, 有濃濃的洗倉散水味

中港股市今日反艇死因:

今晚美國聯儲局勢必大幅加息,美元強勢攻上111水平, 在岸人民幣收跌404點子, 報7.0535, 創逾兩年新低, 人仔插, 港股死得

俄羅斯總統普京發表視頻講話,宣布進行部分動員,那些曾在武裝部隊中服役、有一定軍事專業和相關經驗的人將被徵召服兵役,憂慮俄烏局勢惡化,或會有核戰, 港股再創逾半年新低

恆指年波幅仍未達標, 目前恆指高低位時間太接近, 不會只相隔約一個月這麼少, 代表18235不會是今年大底, 早已預告每季必有災, 港股未跌完, 就算做細波幅都要見18300, 大月波幅要見17900或以下

10/2 25050 頂

15/3 18235 底

最新回應

soho*
soho* 2022/11/29
今日港股成交雖然只得$1667億,但港交所收$300,吻合元帥上周的看法
~~~~~~~~~~~~~~~~~
soho* 2022/11/24 20:02:03

c6 分析師指港股日均成交有$2000億, 港交所合理價就在$300, 不過當市場氣氛好, 尋頂的時候,就算成交不足,都可以炒返上去

日前說入貨博反彈,就係見唔少中資股都跌唔落, 抝腰向上, 一如近日收市總結所說,恆指由高位已回吐逾1100點 ,足夠水位補回上周於高位沽出的游水貨

試下學下
試下學下 2022/11/29

兩日上落1500點。證明我吾岩股市

波動到我都驚

soho*
soho* 2022/11/29

中午已提醒大家繼續買上, 而家只係睇大鱷想今個月破頂定係留返12月才破頂