木水火
木水火
木水火

美國靠嘴炮當世界警察

2022/09/22 13:00:01 網誌分類: 時事
22 Sep

笑看天下:美國靠嘴炮當世界警察  {#iconb_343}

美國總統拜登自去年初上任以來,已經4度公開發表軍事介入兩岸衝突嘅言論。日前,佢又再次打嘴炮,於專訪中大言炎炎,指一旦中國大陸對台動武,美軍會防衞台灣,更稱由台灣決定是否獨立。

事實上,美國的時代已經過去,但拜登彷彿仍活在30年前嘅世界。還是英媒清醒,指美國沒有大籌碼,卻想要大交易。美國內外交困,自顧不暇,一個政治上不穩定嘅華盛頓,如何讓人信服其胡謅的所謂「承諾」?  {#icono0_24}

呢,不久前印度才宣布,為維護國家利益,該國決定暫時退出「印度-太平洋經濟框架」(IPEF)貿易領域的談判。呢個框架係拜登今年5月喺日本宣布啟動,有成14個國家參與,除咗美、日,還包括印度、南韓、新加坡、澳洲、汶萊、斐濟、新西蘭、印尼、馬來西亞、菲律賓、泰國和越南。漪歟盛哉!之不過,呢個框架既以「印太」為名,正如有論者指出,儘管該框架名稱中嘅「印度」(Indo)主要係地理名詞,泛指印度洋區域,但擁有逾14億人口嘅印度,正是這個區域第一大國,喺整個印太框架概念舉足輕重,冇咗印度,呢個框架是否需要「改名」以調整定位?名不正則言不順也。 {#iconb_624}

印度此舉,即使不是對美國直接打臉,都係好唔畀面啫!葉落知秋,美國已今非昔比,當年佢係「世界警察」,要打誰就打誰,話制裁邊個就邊個,何等威風?可惜美國嘅外交實力已難復當年勇,阿富汗全面退兵已成歷史,拉攏東盟失敗,制裁俄羅斯無效,印太經濟框架亦成笑柄!此時此刻,竟然仲廢噏若台海開戰,美國會防衞台灣!美國就靠嘴炮「馳援台灣」,白癡都知螞蟻豈可推倒大象,「馳援台灣」恐怕只有蔡英文信到十足! {#iconb_37}

評論員 施友朋

https://orientaldaily.on.cc/content/要聞港聞/odn-20220922-0922_00184_009/笑看天下:美國靠嘴炮當世界警察

回應 (0)
我要發表
user