Cally - 荃灣廣場斥2千萬翻新 3萬呎彩虹公園今起開放|商界講呢啲
2022/09/28 04:12:38 網誌分類: 生活
商場自2018年起,喺L5樓層開始打造多元化嘅戶外休憩空間,唔單止有互動打卡嘅元素,更糅合綠色新氣象,鼓勵市民投入綠色生活。呢度面積有超過3萬平方呎嘅L5戶外休憩公園經過半年優化工程後,全新面貌嘅PLAY GARDEN終於登場,由今日起開放畀市民免費入場。
PLAY GARDEN 9大玩樂設施 全新地標
PLAY GARDEN設計主題係色彩繽紛、正能量滿滿嘅彩虹,透過繽紛鮮明嘅色彩,將歡樂帶到社區每個角落,齊齊發放快樂能量!樂園提供9項安全、優質及多元化嘅休閒及遊樂設施,再配埋定期舉辦嘅期間限定主題裝置,PLAY GARDEN將成為市民身心健康新生活嘅全新地標。
50間新進駐商戶 全方位美食版圖
新鴻基地產代理有限公司租務部助理總經理賴慧珊小姐表示,為加強商場與社區嘅互動,今年荃灣廣場將零售及餐飲商戶組合全面升級,單係2022年首三季商場已引入近50間新商戶,鎖定受年輕客群及家庭歡迎嘅人氣咖啡店、運動及親子教育類別等商戶。
現時打頭陣嘅食肆有日本炸牛排過江龍京都勝牛Kyoto Katsugyu及TOKYO DOLCI、高質日式和牛燒肉放題「和牛燒肉一郎」及藝人湯怡自家出品主打巴斯克芝士蛋糕餅店KAKAchevée等,實行為市民帶嚟耳目一新嘅感覺。
Cally■戶外公園提供9項多元化休閒及遊樂設施,以高達8米「彩虹晴空塔」最為矚目。
■荃灣廣場斥資逾港幣2千萬元全面升級的PLAY GARDEN成為結合兒童遊樂、戶外活動、打卡及休憩於一身的全新地標,向區內區外的市民積極推動身心健康新生活。
回應 (0)
我要發表