KellyChu - 指「0+3」影響生意 「噏得出就噏」 張宇人話有人「扮代表」飲食業界爆罵戰|Executive日記
2022/09/29 04:12:00 網誌分類: 生活
張宇人喺片段中不點名批評有人「扮飲食業界代表」,話「0+3」影響業界生意,強調「我呢個廿幾年嚟飲食業嘅代表只此一個,可以話畀你聽我完全唔認同呢啲全無科學根據、無數據、噏得出就噏嘅言論。」佢仲話,港人過去外出旅行,未見影響飲食業生意,「點解呢?係咪入嚟香港(的人)一定少過出去?係咪香港人出咗去使晒錢,返嚟就冇錢食嘢呢?」佢指政府放寬「0+3」後,各行各業都受惠,「最多無大增長,一定唔會唔見生意。」
翻查資料,黃傑龍同黃家和都批評過「0+3」會影響食肆生意。黃傑龍昨日喺電台節目回應:「我幾肯定佢唔係鬧我,就算係我都唔介意,因為佢係長輩俾長輩鬧好平常。其實我都想佢講得啱,最好生意冇影響。如果俾佢鬧吓就有生意,我日日俾佢鬧都冇所謂。」黃家和就同Kelly講,「我唔知佢(張宇人)係指邊個,但我就絕對唔係要扮乜乜物物」,強調維持個人睇法,就係「0+3」會拖累全港經濟。
Kelly Chu黃家和黃傑龍
張宇人
回應 (0)
我要發表