3~12/10 股災月

2022/10/03 23:55:23 網誌分類: 經濟
03 Oct

港股連跌五日,繼續洗倉

12/10 周三恆指收16701, 跌131點

老外大手沽出A股, 息口敏感股洗倉式暴跌, 今日恆指一度大插394點低見16438, 其後跟隨上證抝腰急升,引咗唔少好友牛牛入局, 惟高見17040,倒升208點 後沽壓湧現,空軍乘機加沽,港股再度急回, 

人民幣反彈159點子, 收7.1561, 上證低開高收,單日轉向, 倒升45點,收3025, 帶動港股急跌急彈,收窄跌幅,不過插穿16500 仍未見 資金 大手掃貨, 只係見少量淡友平空倉

牛熊分佈 仍然係牛多熊少,16450樓下级级有肥牛, 拉住港股後腿,不過以周波幅計,本周下跌目標16250-16450, 今日低見16438, 已進入達標範圍

#############

港股連跌4日, 停不了的洗倉潮

11/10 周二恆指收16832, 大跌384點

新經濟股人踩人,要錢唔要貨 狂瀉,拖累港股續創逾11年新低

2011年10月低位 16170, 雙頂量度跌幅目標15833

唔少分析師以 過去30年港股走勢 來推斷, 估計今年低位在16000附近, 所以上星期彈上 18164 就出現龐大沽壓, 空軍亦乘機於高位加沽, 跟住港股就日日跌, 一如早前所說,今次股災非比尋常 ,16000未必係今年大底

匯市形勢不利股市, 上星期英鎊死貓彈完重拾跌勢,拖累滙控長和等有英國業務的股份,美元及美國十年期債息走高, 人民幣一度跌向7.2,低見7.1948,收報7.1788,跌348點子, 本港資金流走, 金管局於紐約時段承接10.21億港元沽盤

上周三港股死貓彈千點,隨後期指未平倉合約就不斷加倉,連日沽空亦急升,空軍信心滿滿, 內地疫情惡化, 美國瘋狂加息, 俄烏戰事升温, 拜登加碼制裁中資股……, 利淡消息頻傳, 恐慌性拋售導致9月股災延續

過去一個月 恆指每周升1-2日,做淡亦要估算今個星期哪一天會收升, 所以做淡明日博再破底就食胡, 如本周做1000-1200點周波幅見16250-16450,  向上方面, 昨日下跌裂口 17449-17717 已成為反彈阻力

美團近日跌勢加劇皆因淡友累積 龐大沽空盤,加上大媽走貨,所以破位而下

牛熊分布再度失衡,牛61% :39%熊,16400-16600 有大約2000張牛,16000-16400亦有大約2000張牛

~~~~~~~~~~~~~~~~~~~~~

拜登痴咗線,反華反上腦,限制向中國出口晶片及晶片製造設備,損人不利己,不但中國及台灣 半導體股插水,連美國的半導體股份都屢創新低, 中台大客仔受制裁,美企又點會好

恆指9月份連跌5周之後,上周收陽收升,唔少分析師都唱好叫買上,中伏了,由今年7月起,恆指每次都係只升一 周就收工,趁技術性反彈空軍加沽,大市又跌過

上星期港股死貓彈,唔少好友入局,貼價牛肥,亦有淡友止賺淡倉, 反手買上,今日見插穿17000紛紛止蝕斬倉, 加上上證 創5個月新低2968,  美期大跌,美元強勢上企113, 拖累港股跌勢加劇

美股9月股災後,10月同港股一樣,都係月初死貓彈完繼續插水,過去一個月道指每次只係升1-2天又會再跌過,  同港股走勢雷同

昨晚在美上市中概股全面下挫 2.46~10.68%, 怪不得昨日港科指領跌,率先創今年新低

~~~~~~~~~~~~~~~~~~~~~

LUK SIR: 科技股熊市  2022/10/11 06:28:58

週一美股下跌,納指跌至兩年來的最低水平,由於利率飆升,科技股繼續成為這個熊市中的重災區。納斯達克綜合指數收盤下跌1%,報10,542點,創下2020年7月以來的最低收盤價

#############

10/10 周一恆指收17216, 暴跌523點

港股 慘遭洗倉 連跌3天,繼續尋底屠牛之旅

受美國打壓的科指領跌,率先破底創今年新低, 預示恆指國指即將破底

洗倉恐慌性拋售之下, 今日港股已全數回補5/10的上升裂口,抹去恆指上周三5/10的千點升幅

俄羅斯克里米亞大橋被炸令俄烏戰爭惡化, 俄軍全面轟炸基輔來反擊, 市場擔心或會 爆發小型核戰

8/11 美國中期大選前,拜登 加強打壓中資股,打擊半導體行業

油組減產, 油價急升後回落

內地官媒發表堅持動態清零文章,復常概念股反艇

上證失守3000大位,收2974, 急挫50點

美元連升4日重上113水平,市場觀望本周美國公佈通脹數據

人民幣大插509點子,收報7.144, 人仔弱雞,中港股市冇運行

要錢唔要貨,加息陰霾下, 除了息口 敏感的 新經濟股外,連防守股港鐵領展也走鬼

港股沽空爆燈, 後市必插

9月全球股市出現股災, 已多次強調落雨不購物, 只可持有輕倉,博反彈好倉要快閃, 持正股要減磅,或者做淡來對沖

#############

7/10 周五恆指收17740,大跌272點, 連跌兩天續尋底

5/10港股飛天挾淡日上升裂口17252-17682有待回補

星期一(10/10)月供股票日 + 內地復市·大媽回歸 

大鱷玩好淡通殺,10月開局第一天, 港股創新低 大舉屠牛, 隨後一個交易日恆指爆升1008點大舉屠熊,死貓彈完繼續尋底,

周三(5/10)  一棍到頂, 高見18164後連跌兩天, 底頂下移, 今日低開低走, 一跌到尾, 走勢差劣, 過去兩日收市總結已詳述看淡理據,  港股今日成交進一步萎縮, 成交急降, 大龍鳳先兆

昨日(周四)港股唔插係因為有重倉熊,震走了肥熊,牛入局,今日就插得, 股市不但分分秒秒在變,半日或過夜可以係完全唔同的形勢, 散戶見昨日跌唔落就買上,又或者止蝕熊熊,中伏了

利淡消息 多到不得了,美國11月8日中期選舉前 白宮 又打中國牌,加碼制裁中資股,又玩黑名單,晶片等科技股 首當其衝,又要捱沽

港股每季必定會出現灰犀牛令股市大插

市場擔心俄烏或會爆發小型核戰

德師奶TSLA累街坊, 汽車股繼續捱沽

美國 國防部將中國中車等13家中企列投資黑名單

內房旭輝(00884)遭穆迪降評級急挫, 拖累一眾內房股

英倫銀行:多個退休基金上周 一度面臨被清盤險境, 幸好央行出手救市

###################

6/10 周四恆指收18012,跌75點

港美股市同步掉頭,不進則退, 18000 危危乎

港股昨日爆升後今日出現多個利淡訊號, 扮守得住18000來震熊引牛,結果熊食胡, 大量牛牛飛撲入市, 17300-17500牛急增, 中伏了

港股高開低收,單日轉向 ,車股慘遭洗倉, 多隻指標股跌幅多過大市, 匯市方面亦不妙, 英鎊彈散又急跌,美元日前低見110邊就抝腰上升,強勢重上112水平, 連美國十年期債息 都上緊,周二低見3.562%就掉頭回升,目前進一步殺上3.84%, 亦係港股及美股 今日腳軟的原因之一

有肥熊都唔踢上去開餐, 皆因匯債對股市的影響力大過牛熊,  中港美股市通常係同步見底頂, 如昨晚美股彈完, 港股亦難以獨自去偷歡, 恆指本周波幅1257點已達標, 大鱷已夠水位食胡及反手做淡,

明晚美國公布非農新增職位數據, 好友紛紛食胡避險,QQ略為升穿昨日高位但企唔穩$280倒跌收場,國指科指跑輸恆指,港股昨日已耗盡上升動力, 一棍到頂,挾淡結束今日已無以為繼,所以博反彈已食胡,如今時勢做好買上要做快閃黨

內地股市十一黃金周長假期錯失了美元急跌至110邊的良機, 美元止跌回升,昨日彈高的A股ETF今日碌落山, 市場擔心下周一內地復市,老外及大媽會沽貨,所以爭相走貨

~~~~~~~~~~~

沽空高企是計時炸彈

昨日 港股的上升裂口是後患,早晚要回補, 今日港股未大插係因為有肥熊, 窄幅磨咗一日,今日熊減牛增,牛熊分佈已均衡, 在跌浪當中大市反彈,大鱷通常食2-3口熊熊就會重拾跌勢,如今已吃了兩口,如失守18000, 就要落17800.17500.17000.16800....

今日港股收市升跌幅度雖然不大, 但下跌股份明顯多過升股, 空軍又加沽, 恆指仍未擺脫只升一天就回落的魔咒, 代表港股下殺危機未除

有分析師指周一及周二 美股狂升,係因為 市場擔心瑞信出事,所以持有瑞信衍生工具的基金及大戶紛紛平空倉,引發漣漪效應推動美股急升, 並非看好買盤進場掃貨,美股只係超賣作出熊市反彈

###################

假期前後例牌大龍鳳, 港股報復性彈反彈,大舉屠熊

5/10 周三恆指收18088, 升1008點

有分析師指今日港股急升後,動力指標反而轉弱, 代表獲利沽壓大增,  港股急升空軍加沽,沽空比率高達20.9% $220.43億, 淡友隨時會偷襲

港股何時見頂睇美股及美元,升穿17800, 500點一級上,挑戰18300, 如打回頭,500點一級落,17800.17300.17000.....

今日港股作出報復性反彈,通常挾淡第一棍升幅特別大,因為 淡友平空倉走鬼, 股份會升過龍,想再上就要真正買盤推動, 否則就要回調, 今日港股大幅上升,期指未平倉合約淨數大幅縮減 ,好友食胡了

港股後市要睇住匯市 美元走勢,英鎊連日反彈後已腳軟, 利淡持有英國業務及資產股份

周一及周三散戶止蝕+做淡,結果如何?

牛 38%  :  62% 熊

今個星期港股係收升周,熊多牛少代表明日港股回調幅度不會太深,港美股市爆升,市場氣氛改善, 但利淡股市的因素未見改變

有大行唱好, 怪不得港股作出報復性反彈,摩根士丹利唱好新興市場及亞太區股市,籲入貨買上

分析師建議換馬執倉及減倉,沽出質素差的弱勢股換入優質股

################

4/10 周二重陽節港股休市,美元急跌,美國十年期債息企唔穩4%回落至3.6%水平,歐美股市作出 報復性反彈,好友久旱逢甘露,明日港股復市必定會大反擊,向10天線進發, 昨日恆指大震倉,跌穿17000創新低,引咗唔少淡友進場,亦震走了好友,大鱷奸計得逞

################

假期前後例牌大龍鳳, 好淡通殺

3/10 周一恆指收17079, 跌143點, 嚴重超賣

港股今日續創新低, 幸好午後逐步收窄跌幅, 似係淡友食胡平空倉,早前預測9月做大月波幅可見16900-17200, 今日低見16906

今日港股雖然下跌,但成交只得$633億, 成交急降,大龍鳳先兆,睇成交就知股民唔想在年度低位賤價沽貨, 連續三日夜期都係收大高水或升跌幅度不大,反映好友正在部署反擊,淡友收歛攻勢

恆指插到落17000附近, 年波幅已有逾8000點, 9月份累計下跌近3000點,淡友陸續平空倉食胡,現水平太殘真係沽唔落手,博反彈係正路,反彈0.236可重上18000,  22/10下跌裂口18195-18434有待回補

上周五道指插500點, vix 恐慌指數竟然唔恐慌, 不升反跌, 美股同港股一樣嚴重超賣落到支持大位, 似在醞釀反彈,港股沽空縮減, 老肥牛死得七七八八, 上周五牛熊分布 均衡,牛52%:48%熊, 17200-17600熊陸續出世, 基金經理埋季結已完成,2/10水星逆行結束,轉月或會變盤,  港股嚴重超賣隨時反彈,9月插3000點,10月要上下擴大月波幅,反彈跌幅三分一都得卦!淡友亦想推高加沽

匯債形勢好轉, 美元114打回頭跌破112, 美國十年期債息企唔穩4%急跌, 英鎊止跌回升, 阿爺接連出手撐人民幣, 香港放寬防疫措施至0+3,  市場憧憬0+0與內地通關,一眾利好訊號支持下, 正路今日港股應彈高, 結果卻破底再創新低, 可能係空軍擔心美股超賣反彈, 所以拿拿林殺跌屠牛,亦可能係大鱷震牛引熊,唔少投資者見插穿17000對港股死心因而走貨及開淡倉,大鱷奸計得逞

~~~~~~~~~~~~~~~~

殺完好友殺淡友

9月淡友威威,踏入10月變盤,淡友上得山多終遇虎了, 9月尾基金季結完成,踏入10月份,基金經理冇咗季結的制肘,可以積極入市, 亦可承受更大風險炒上落

匯市的變化對股市影響力最大,會導致股市急升或暴跌

大鱷壓住大市俾17200熊出世, 最新牛熊分布  牛63% :37%熊

科指已連跌4日,今年有災最長係4-5連跌就反彈

QQ已連跌5日,通常4-5連跌就會反彈

印象中以往內地休市, 港股唔係走單邊, 大鱷係上下其手, 好淡通殺

李嘉誠基金會減持H股, 郵儲銀行(01658)急挫11%

~~~~~~~~~~~~~~~~~~~~~~~

<匯港通訊> 瑞信股價急跌至上市以來新低。

市傳瑞信瀕臨爆煲危機,加上其反映債務違約風險的信貸違約掉頭(CDS)上周飆升15%,創2009年以來最高,拖累瑞信周一在歐洲股市交易曾急挫逾11%,低見3.518瑞士法郎,創上市以來新低。

LUK SIR: 9月最後一個交易日美股續跌。9月份向來係美股全年表現最差的月份,今年亦不例外,三大指數都跌得好傷,杜指跌8.8%,標普500指數跌9.3%,納指跌10.5%。整個第三季度,三大指數下跌4.1%至6.7%。至今,美股三大指數較52週高位回落22.3%至34.8%不等,已經深陷熊市。

美股大插,都是拜聯儲局要拉低通脹率而大幅加息、加倍收水所賜。今年以來已經加息5次,最近三次更係每次加息3碼(0.75厘),從9月開始將「縮表」規模倍翻,每月從市場收回950億美元流動性。市場上的熱錢大幅減少而且格價上升,股市受到雙重打擊,有得升才怪。

哈裡斯金融集團的常務合夥人Jamie Cox甚至認為,美股下挫是聯儲局有意為之,「基本上就是聯儲局想要的」,因為聯儲局認為收緊金融環境,將有助於將通脹率降至可接受的水平。

######################

回應 (1)
我要發表
c6
c6 2022/10/14 09:40:32 回覆

🤔唔見咗個留言

user

最新回應

soho*
soho* 2022/11/29
今日港股成交雖然只得$1667億,但港交所收$300,吻合元帥上周的看法
~~~~~~~~~~~~~~~~~
soho* 2022/11/24 20:02:03

c6 分析師指港股日均成交有$2000億, 港交所合理價就在$300, 不過當市場氣氛好, 尋頂的時候,就算成交不足,都可以炒返上去

日前說入貨博反彈,就係見唔少中資股都跌唔落, 抝腰向上, 一如近日收市總結所說,恆指由高位已回吐逾1100點 ,足夠水位補回上周於高位沽出的游水貨

試下學下
試下學下 2022/11/29

兩日上落1500點。證明我吾岩股市

波動到我都驚

soho*
soho* 2022/11/29

中午已提醒大家繼續買上, 而家只係睇大鱷想今個月破頂定係留返12月才破頂