古星輝
古星輝
古星輝

古星輝 - 建設智慧香港開新篇|乜都5G

2022/10/21 03:12:39 網誌分類: 經濟
21 Oct
        前日公佈的最新一份《施政報告》中,好多議題都值得大家留意,作為電訊業嘅一份子,筆者對每次《施政報告》嘅創科部份會特別關注。

今年其中一項提案係政府將於明年修例,指明新建樓宇須預留空間裝設流動通訊設施,極受我哋流動網絡營辦商歡迎,對未來智慧香港發展踏出重要一步。
增強流動網絡覆蓋

眾所周知,5G結合大數據及人工智能等技術,係發展智慧城市嘅重要基石。一個全面覆蓋嘅5G網絡絕不可少,而要建設一個覆蓋容量兼備嘅5G網,發射站嘅數目要比4G多一倍,所以工程團隊一路為發射站數目跑數,據知一直遇上唔少難題。
  當流動通訊滲透率超過325%,大家睇電話多過睇電視,就發覺流動通訊漸漸成為生活必需品。事實上,我哋業界喺2019年起積極同政府建議,賦予電訊商享有公用事業如水電煤公司嘅同等待遇,即係有權喺樓宇、商場等地方安裝電訊設備,唔需要再同發展商或管理公司逐一周旋。

今次《施政報告》嘅提案,可以話係為我哋提升及改善覆蓋創造有利條件,以作發展金融、零售、教育、藝術等解決方案應用嘅基石,為建設智慧香港開新篇,令我哋感到相當欣喜,見到政府創科發展施政方面嘅好方向、好開始,希望日後可以簡化安裝發射站嘅審批流程,令我哋建網事半功倍。

講到呢度,令我聯想起近日喺社交媒體同討論區見到有人講起,幾個營辦商喺日出康城嘅接收麻麻,通常咁嘅情況,營辦商一定有佢哋嘅難處。期望《施政報告》嘅新舉措及發展方向,令各持份者明白電訊商多年嚟所面對嘅問題,抱持開放態度,共同圓滿解決有關問題。
和記電訊香港行政總裁
古星輝
■5G結合大數據及人工智能等技術,是發展智慧城市的重要基石。p/  
 ■5G結合大數據及人工智能等技術,是發展智慧城市的重要基石。

   

回應 (0)
我要發表
user

網誌分類