港股高處不勝寒

18/11 周五恆指收17992, 跌53點

港股連跌三日，17800危危乎

今日恆指大裂口高開屠熊，估計下周一就會大裂口低開屠牛，大鱷玩好淡通殺

大成交衝頂冇好下場， 14-15/11 港股 連續兩日都有逾 $2000億的罕有大成交， 大鱷借好消息出貨，16/11港股見頂回落，成交持續縮減， 18000樓上買盤縮 、沽壓大增， 港股乏力再進，尋 頂市轉為尋底市， 點升上嚟就點落返去 ，向14/11上升裂口17368-17518進發

11-15/11恆指連升3日，由16081一支箭殺爆上18400附近，主要靠挾淡逼淡友平空倉帶動，由於呢3日升勢過急， 而發行商出產品最少要3日， 貼價牛來不及出世，所以大鱷一直托住大市在18000附近，扮跌唔落，終於等到昨日和今日貼價牛出世， 按此推算，下周一(21/11)就會大插殺牛

港股連跌兩日，18000危危乎

17/11 周四恆指收18045, 大跌211點，連跌兩天

明日係畫圖日，大鱷要畫周線， 好淡大鱷要打交，一係再隊穿18000，一係上攻18200屠熊，前頂在18414，18200 BB熊今日剛出世，今日大插後抝腰重上18000水平收，因為明日17800樓上有牛要出世，科指已連跌兩日，通常跌2-3日就會反彈 

港股果然有暗湧，淡友出手，今日港股跌幅全面，下跌股份非常多， 一度大跌545點低見17711, 全靠大媽撐市，近日大媽大手狂掃QQ， 港股日線作出調整，但周線仍向好， 今個星期周線收升 已無懸念，不過下星期升勢未必能延續

恆指10天線升穿50天線, 出現黃金交叉, 代表升勢已持續一段長時間，超買，通常出义會走相反，市場憂慮中國疫情反彈, 人民幣兌美元在岸價收報7.1291，大跌482點子, 會對中港股市構成壓力

唔理後市會不會有新高, 見恆指由今年低位14597彈到上18414,升幅高達3817點, 打開逃生門, 蝕少好多, 甚至有得賺, 就梗係減磅， 21/11世界盃開鑼, 11月上旬基金提早粉飾櫥窗食胡埋數去睇波，削弱再上攻誘因，港股現水平不進則退， 下試17500危機仍未除

多家大行上調QQ目標價， 低見$281.2見買盤 追入， 推動港股收窄跌幅, 美期上升， 但QQ $300 整數大位 阻力非常大，今日港股重上18000死皆因 內地股市收窄跌幅 ，老外早市沽A股，午後掃入A股

市強由高位回吐600-800點就會反彈，市弱嘔千點, 如反彈未能突破前頂就要再尋底

高位18414 - 600-800 ＝17600-17800

高位18414 --1000點＝ 17400

向上22/9下跌裂口18195 - 18434有待全數回補

～ 其他利淡因素昨日收市總結已詳述

港股衝高回落，高處不勝寒

16/11 周三恆指收18256, 跌86點

港股出現多個利淡訊號

～恆指由10月高位18164直落地獄， 今次報復式反彈 打開逃生門蟹貨出籠  ，短炒博反彈亦夠水位食胡，導致港股沽壓加劇

～ 恆指結束三連升， 連升斷纜利淡

～ 今日港股創新高， 期指未平倉合約大減，可能有短炒好友食胡

～ 11月由好友主導大市，連升兩個星期，周線三連升已無懸念，不過 港股累積龐大升幅超買， 日線有調整需求

～ 恆指由15000之下反彈至今日高位18414, 月波幅已超標

～ 人民幣大跌474點子收7.0809， 利淡中港股市

～ 過去三日老外大舉掃入A股，但今早卻沽貨獲利

～ 睇下9～10月港股股災就知淡友大鱷 唔簡單，短短4日 沽空逾$1100億，必有所圖，空軍加沽QQ及阿里等科企

～ QQ 業績後宣佈踢走美團，死得，怪不得美團近來一直捱沽， 原來有春光鴨收到風偷步走貨，大媽今日大手掃入QQ， 係港股收窄跌幅的主因, QQ逆市上升，好友大鱷於QQ公佈業績前盡量推高港股食胡

～ 港股收市跌幅不大只係假象，下跌股份非常多， 而且跌幅大過指數，托沽味濃

～ 與樓按相關的1個月拆息連升3日，升至3.29714厘，創逾14年最高

～ 中國債券市場在短短幾個交易日累計巨大跌幅, 創逾兩年來最嚴重大跌, 掀起 內地理財產品贖回潮，可能係金融A股乏力再進的原因

～ 後市如跌穿今日低位18031 又或者競價低開，代表淡友反擊，向下支持17800.17500, 後市如收17500之下，代表好友已撤退，就要回補上14/11升裂口17368-17518

～ 以恆指日波幅閒閒地400～800點計， 好難一直守住18000

～ 港股及唔少股份都超買， 加上累積沽空大，下殺危機未除

～ 牛熊分佈牛少熊多，牛32％ ：熊68％, 會限制港股本周下跌幅度,  如果大鱷唔想放生淡友，就會急跌會急彈，直至牛牛大幅增加，港股才會大插插，下星期係高危周

～ 美元及美國十年期債息下跌，港匯 強爆曾高見7.8137, 熱錢流入本港， 係港股 走強的主因

～ 月中係港股調整時間窗口，不應一直走上山

～ 上證跌14點報3120, 收市跌幅 雖然 不大，但唔少股份急跌，走勢差劣

～ 美股已升抵阻力大位, 有暗湧, 如調整, 或會拖低港股

～ 其他利淡因素昨日收市總結已詳述

恆指22/9下跌裂口阻力 18195-18434

港股牛氣沖天，惟連升三日超買

15/11 周二恆指收18343, 大升723點

港股雖然未見頂，不過呢浸升浪已露疲態，唔少股份都升過龍呈超買， 獲利壓力大增，如市強 買盤勁，只會即市調整或小幅收跌， 如大跌就係見短頂訊號

QQ等科企強勢領軍， 不過已升抵阻力位， 超買獲利壓力大， 按照慣性走勢科指明日會收跌

港股連續3日急升, 而3日沽空累計更高達$863億, 空軍必定會借機殺跌食胡, 淡友等緊利淡催化劑， 上證收升50點報3134，向上阻力3150, 如打回頭就會拖低港股

上星期五港滙突然轉強，當天恆指升1244點，連升3日由16829掃上18000樓上，呢浸熱錢大鱷已賺逾1500點， 短炒已夠水位轉身， 如果由大底14597 計，升幅更高達3759點，好友亦有誘因食胡

現水平再買上風險極高，做好宜減磅，明日係回吐時間窗口， 如有調整，好友第一關要守17800.18000，上攻18400肥熊區

港股由陰霾滿佈變為天朗氣清， 為何市場氣氛突然升溫？

憧憬美國 通脹降溫 加息速度放緩， 美股破位而上, 美元及美國十年期債息下跌， 熱錢湧入新興市場及中港股市, 港匯人民幣走強, 市場憧憬習拜會中美關係緩和，股神巴郡 第三季 持倉 大手買入台灣半導體公司台積電，阿里關聯公司螞蟻集團整改有新進展，濠賭企業與澳門政府 達成共識，中港放寬防疫措施， 阿爺出招救內房, 8/11美國中期選舉結束, 白宮反華措施降温, 俄烏考慮談判，基金經理一直看淡及低持倉港股急急腳追貨, 基金於13-14/12聯儲局議息前提早粉飾櫥窗

牛市心態, 市場漠視利淡消息，大市高處未算高, 低位一瞬即逝，今日高位是明日低位, 今日唔入貨, 明日就要高追， 股民紛紛追入，就會忽視了大市超買回吐的風險， 未來幾日QQ阿里 京東公佈業績 ，要慎防有獲利避險沽壓

由10月起大媽入咗 近$300億QQ， 年尾手緊要撲水，所以踢高出貨， 明日QQ公佈業績， 本周港股能走多遠就要看QQ的業績，以及 南非大股東會否減持， 小心明日伸多一腳上去就要回吐

繼碧桂園後，雅居樂亦趁股價大幅反彈後配股集資, 配股潮引發市場憂慮

內地疫情惡化 ，多區延長封控期，導致民怨沸騰，廣州出現 大規模示威， 四處破壞，引爆發警民衝突

熊多牛少  牛24%  : 熊76% (18350-19100)

恆指22/9下跌裂口阻力 18195-18434

14/11上升裂口 17368-17518