曾智華 - 同FIT馬唱雙簧｜祿祿無窮
2022/11/18 03:13:01 網誌分類: 生活
周初又開波，今次請到一時肥一時FIT的馬時亨教授，分享投資經驗。
香港人認識FIT馬，多自佢入官場開始，只知佢做過高官及港鐵主席。其實，佢八十年代已是投資界星級人馬，在加拿大任職國際金融集團，乃首席分析員，身價非常之高。冇乜人知，佢入政府前，已是千萬年薪打工皇帝，若非有點使命感，點會減薪七成多去「啃」一個局長位（真係好惡啃！）。
好嘞，如今，佢七十開外，生活富裕，又是百分百「自由鳥」，喜歡做乜就做乜。最熱衷，是透過電視節目、講座及訪問分享人生智慧。
前晚，我哋又與一群積極求知朋友開分享會，題目——市場風高浪急，怎應對。聽完，個個埋嚟話：「感謝兩位塞錢入我袋。」其實，我哋講的，只是Common Sense矣。
當中兩人不約而同有三大共識：
一、由零開始，絕不沾手虛擬貨幣，因唔知佢喺邊，極有何能大騙局，結果蝕少好多。
二、買樓自住涉及心情及家庭和諧，貴少少冇問題，負擔得起就可以，投資則免！
三、人生投資，首重健康及親情，金錢中低層次。
曾智華
回應 (0)
我要發表