木水火
木水火
木水火

美國防長白日見鬼

2022/11/22 12:30:00 網誌分類: 時事
22 Nov

笑看天下:美國防長白日見鬼

乜嘢叫做「冇料扮四條」?睇吓美國國防部部長奧斯汀就知道,上周六喺加拿大出席哈利法克斯國際安全論壇時,佢竟然口出狂言,警告中俄兩國正追求一個訴諸武力解決爭端世界,華府已把中國及其重塑印太地區嘅努力視為美方面臨最大挑戰。

阿哥,整個世界之所以動盪不安,不就是因為美國向來愛做「世界警察」,又恃住軍力強大,愛打誰就打誰,愛制裁邊個就邊個?事實勝於雄辯,俄烏戰事搞到世界失序,背後就是老美在做推手!數據顯示,911事件之後,美國借反恐之名發動多場戰爭,製造了規模巨大嘅難民潮,流離失所人數在4,900萬到6,000萬之間。以阿富汗戰爭為例,呢場長達20年嘅戰爭,造成約1,100萬阿富汗人淪為難民,近2,300萬人面臨極端飢餓,其中包括320萬5歲以下兒童。呢個人間悲劇最大推手是誰?咪就係美國囉!究竟係邊個「追求訴諸武力」?

奧斯汀一派胡言,佢仲話北京同莫斯科一樣,正尋求一個「強權即公理」、透過武力解決爭端、獨裁者能夠撲滅自由之火嘅世界。佢提及俄烏戰爭,又燒埋中國嗰疊,話正凸顯美方喺印太地區面臨挑戰,並批評中方正在上述區域推動與自由、穩定及開放國際體制願景相距甚遠嘅事情。這不是白日見鬼嗎?否則怎會鬼話連篇?

習近平在G20及APEC峰會期間同多國領袖會面,展開嘅大國外交無非「以和為貴」和「管控分歧」。習主席與法國總統馬克龍交換意見,包括俄烏局勢,佢強調中方主張停火、止戰、和談,並指國際社會應為此創造條件,中方也持續以自己嘅方式發揮建設性作用。奧斯汀鬼話一大堆,都難改變美國嘅全球霸權地位不再,更改變不了中國已是世界舞台焦點!

評論員 施友朋

https://orientaldaily.on.cc/content/要聞港聞/odn-20221122-1122_00184_009/笑看天下:美國防長白日見鬼

回應 (0)
我要發表
user