曾智華 - 國際會議「真像」｜祿祿無窮
2022/11/23 03:12:56 網誌分類: 生活
疫情高峰期，足有近兩年全世界Lock Down，飛機停飛，人與人之間不准實體接觸，於是，乜會議都要Zoom餐飽。但呢種「虛擬會議」，第一，冇咗人味。第二好多嘢唔做得！
做乜？真實情況，開會只是例行公式（Formality）。真正的deal，其實在會議室外，與會代表摸住酒杯底，歎住米芝蓮美食傾的。所以，不少重要性「握手」，根本不會在會場內眾目睽睽下達成，多數會在「枱底」也。
另一種國際會議，最多，名“Pleasure meeting”。牌頭開國際會議， 其實，所有代表以度假心情出席。日間開會大覺瞓（見圖），晚間才是精采活動的開始。或美酒、或美食、或歌唱、或跳舞，玩通宵，然後，一堆泥咁爬返酒店大覺瞓。
翌日早上，個個拖着疲乏身軀走入會場，在冷氣及悶蛋講辭之中，再次揾其周公去也。
以上現象，其實已是一種「通識文化」。所以，個個大集團的中高層，皆非常熱衷開「國際會議」。因為，與公費度假劃上等號也。
講來，不少會議主辦者，也百分百對這種「文化」了然於胸。總之，但求你有代表出席，簽個名，交交差，大家有功課交，咁就搞掂。
究竟，相中幾隻懶瞓豬出席的「聯合國氣候變化大會」，是否正屬此類呢？
曾智華
回應 (0)
我要發表