曾智華 - 禤智明打卡之作|祿祿無窮
2022/11/28 03:12:56 網誌分類: 生活
前晚,拉班為食鬼到陸羽茶室歎招牌菜:脆皮糯米雞、蓮子八寶鴨及杏汁白肺湯,賣相「老老實實」,無花巧,味道一貫地高水平。唯一驚喜,為大廚𧝁智明,從來少搞賣相花巧,突然畀驚喜,頭盆鳳肝燒金錢雞,來次「打卡化」,跟上潮流!人人無不歡呼:「咦,乜原來陸羽出品都可以先化個靚妝才出現㗎喎!」個個爭相打卡。𧝁大廚有心思,在金錢雞之上搓上花邊薄包,再擺蛋黃碎及小塊芫茜。嘩嘩,靚仔晒!真係——人靠衣裝,食靠新裝!
曾智華
回應 (0)
我要發表