12月上旬港股破位而上

港股牛氣沖天，繼續尋頂屠熊之旅

8/12 周四恆指收19450, 大升635點(昨日跌626點)

試完底再衝頂 19737/6780

牛少熊多利上攻，牛37% : 熊63%

19500-19700 熊今日出世，準備受死

今個星期恆指有三日收19400之上，強勢畢現，不過如果明日再踢上去爆頂，大市又會超買了

Al 炒股軟件顯示港股近日資金流入雖然遜上周，不過昨日有短炒莊家沽貨食胡後，今日再有莊家湧入掃貨，主力吸納科企，所以科指今日爆升約7%, 本周港股由好友主導大市，收陽收升已無懸念

今日上證收3197, 好友等緊上証重上3200來加強港股上升動力，因為港股大部分股份都同A股有關, 大摩上調中國股市評級至增持  兩年來首轉軚看好

大行推高大市來配股，空軍持續加沽，被挾到嘔白泡，港股沽壓未除但今日仍能飛天，因為有莊家突然掃貨，食得哂沽盤，其實市場對 19500 仍有戒心，200天線大位在19750附近，向上阻力在19800-20000

好友想在下周初美國公布 CPI，以及聯儲局議息13-14/12前盡量推升，本周五美國公布 兩個重要通脹數據, PPI 及密歇根大學通脹預期

7/12 周三恆指收18814, 大跌626點

~ 今日港股飛天遁地, 目的係向上及向下擴大周波幅, 恆指周波幅938點已進入達標範圍, 先破頂屠熊後殺牛, 好淡通殺

~ 5/12上升裂口18841-19035 已全數回補, 亦解決了超買的問題

~ 恆指通常回吐600-1000點就會反彈, 由高位19737跌至18799, 已下跌938點

~ 向下支持18800.18500, 向上阻力19800-20000

~ 如果今個星期港股周線收升, 後日(周五)就會收 18675 / 6368 之上, 如收19221/6576樓上, 代表好友仍未放手

～ 今日港股反艇收大陰燭，但恆指恐慌指數 vhsi 卻收跌

～ 今日港股成交急增至$2074億， 有好友大鱷食胡，亦有唔少趁低吸納買盤博反彈

~ 今日港股衝高回落係跟住上証即市走勢, 要看上証能否重上3200

~ 匯市形勢好轉, 美元下跌, 人民幣收報6.979，大升219點子

6/12 周二恆指收19441, 跌77點，托沽味濃

人民幣大跌448點子收7.0009 , 係港股回落的原因之一，今日港股扮跌唔落可能係托住畀18700～18900 牛出世， 今日大量牛牛飛撲入市，會拉住港股後腿，貼價熊在19550樓上，最肥熊在19700之上

港股嚴重超買問題以及今次升浪遺留太多上升裂口是後患，最接近的裂口在18841-19035, 剛好是牛牛聚集區

港股未見頂大鱷唔畀插住， 小心當港股見頂，大鱷食飽肥熊就會大插插，今日港股雖然繼續創新高屠熊，不過資金已暫緩流入港股， 削弱上升動力， 所以今日夾硬推上19500關鍵大位都企唔穩，秒殺小熊即回

今日恆指低見19202, 未必係本周低位，港股回調幅度遠遠未達標 ，下試19000危機未除，如收於其下，再落大位就係18800.18500....

恆指短短一個多月由31/10低位14597反彈至今日高位19569,  已有約5000點的驚人升幅，好友夠皮喇！

回顧11月中上升至18414, 當時累計升約3800點已見好友散水，今次再上多千多點突破19500好友食胡誘因就更大

中港美三地股市多數係同步見底頂，美股於1 /12已率先見頂回落，代表港股已升到水尾，等上證亦見頂，港股升浪就會結束

恆指累積近5000點龐大升幅，高處不勝寒，小心配股潮湧現, 明日轉節氣大雪, 預示有大變

～～～～～～～～～

資金流有變

港股低開高走, 收窄跌幅, 其中一個原因係市傳明日阿爺公布進一步優化內地防疫措施, 所以大鱷派貨仍有人接貨， 市場氣氛過份樂觀，小心淡友玩偷襲

按照港股的慣性走勢，大鱷多數係月初踢高高，回調整固，下旬再上, 亦配合9/12 世界盃8強賽事，13-14/12聯儲局議息， 基金經理見港股升過龍拿拿林提早埋年結，鎖定利潤來粉飾櫥窗，所以好友急於本周初推高食胡

熱錢流入推動港股急升，不過當熱錢撤退，港股就會大插，月初唔會一路扯上去， 於大升浪中當貼價牛出世及養肥就係港股掉頭向下之時

港股資金流

10/11恆指於16000見資金流入掃貨,其後資金不斷湧入, 恆指三連升, 16/11爆上18414後資金流走, 拖累恆指五連跌

28/11低見16833資金再度流入掃貨, 恆指三連升, 1/12高見19237, 其後幾日托住高位派貨, 今日高見19569

總結上述兩浸升浪, 熱錢大鱷都係食大約2400-2700點就開始撤退，今次升穿19500已夠數，而11月由高位回吐約1600點，就會有資金掃貨再買上，底頂上移

港股急升挾淡大舉屠熊

5/12 周一恆指收19518, 大升843點

一如今早開市前所預測，升埋今日呢一棍港股就會嚴重超買，高位獲利沽壓會加劇 ，美股係披著牛皮的熊，高處不勝寒， 如大幅回吐亦會拖累港股

有分析指 19500係超級大位， 雖然升穿但唔會一步就企穩， 而且港股亦不應於月初做大頂， 會係跌下彈下， 不要忘記空軍已累積龐大沽空盤， 壓力始終要釋放，近日大媽亦趁大升走貨， 一眾權重成分股已升抵阻力位，亦要回氣

唔計個股熊，今日逾1500張恆指肥熊陣亡後牛熊分佈失衡情況已舒緩，目前係 牛49％：51％熊，又要再養過，18400-18600牛牛剛出世，明日18700-18900牛亦誕生，會拉住港股後腿

雖然港股仍未有見頂跡象，不過大鱷唔想益街坊，多數會玩震住上，趕走蟹貨才推升, 不要忘記淡友正在伺機而動，隨時會出手殺跌

美元及美國十年期債息止跌回升，會對股市構成壓力， 美股壓力愈來愈大，幸好人民幣強勢持續， 連升五日，今日更爆升819點子，破七收6.9561，小心當人仔回落再失守七算的話，就會利淡中港股市，要留意的是當資金不再湧入港股或撤走，港股就會反艇

港股一棍升過龍超買，即將作出調整， 最好下試19000-19200的支持力 來測試好友有冇誠意再推升

港股結束三連升，回調整固，消化沽壓，儲力向上

2/12 周五恆指收18675, 跌61點

港股連日急升後出現技術性調整，由於港股大方向仍處於尋頂勢頭，按照慣性走勢， 當完成調整後就會升突跌幅，破頂而上，短炒好友於高位食胡後趁回吐就會趁低吸納炒第二轉

由於內地防疫措施過嚴激起民憤觸發暴亂示威，阿爺逐步優化防控措施，利好市場氣氛，市場認為放寬防疫措施有利經濟復蘇， 上星期阿爺宣佈降準，下星期一（5/12）生效

牛少熊多利上攻，大量熊熊淡友飛撲入市 ，19200樓上瘦熊變肥熊，已經養到肥肥白白，牛40％ ：熊60％，14/9恆指下跌裂口18989-19296仍未全數回補

昨日恆指上到19237技術指標跟唔上，加上當時19300樓上只得瘦熊，大鱷就借勢殺跌，市強由高位跌600-800點就會反彈，市弱嘔千點才彈，今日恆指一度大跌206點低見18530, 由高位累計下跌707點已達標

好友見守得住18500,  趁回吐掃貨博下周破頂19237, 再上阻力大位19500，如能收於其上，就會挑戰19800～20000...  過去一個月已多次強調港股於10月尾轉勢向上，正處於反覆上升勢頭，12月有基金粉飾櫥窗，企業派花紅推高股價，所以沽貨後就要換碼，唔想揀股就買ETF，以免錯失大升浪

資金流利好股市， 聯儲局放鴿，再大幅加息 機會下降，美國十年期債息跌勢持續，美元破位而下，失守105, 人民幣彈高，港匯強勢, 港股淡友有難, 於尋頂勢頭當中，沽空愈多，挾淡機會就愈大

港股連升3天, 獲利沽壓大增

1/12 周四恆指收18736,升139點

今日港股表面上收升, 但唔少中資股已散水, 屋仔股沽壓大，港股連升後牌面轉淡，不過 明日恆指季檢，阿里比重會增加，會有 指數基金買盤追入

港股 出現大升浪通常會急升做第一個頂，回氣， 消化沽壓，趕走擋路蟹，畀淡友熊熊入局，震走好友，儲力再衝上去做第二個頂， 所以短炒高位走咗貨，趁回吐就要補貨, 因為今個星期恆指周波幅已超標, 大鱷留力, 歇一歇, 下星期就會再抽升挾淡

每個月開新局頭3天恆指的升跌日數具參考價值, 回顧今年1～ 11月開新局都未做過連升3天，多數係升1～2天，如果跟呢個慣性走勢，今日已經升了1天，即係未來兩天不會全升,

期指未平倉合約減少, 短炒好友推上19237食胡了, 不過今個星期係收升周，由好友主導大市，港股只係收窄升幅，冇跌入肉

今日港股雖然高開低走, 收窄升幅, 但主力由低位掃高港股的大莊家仍在, 只係短炒莊家見短短3日升了約2400點沽貨止赚, 以及蟹貨出籠

資金通常會輪流炒，急升股上到阻力位 就會 受壓回落， 資金就會轉去追落後股或消息股，如此類推， 所以港股去到阻力位唔會全面升，今日升市但下跌股份多，大市有暗湧

昨日已預告今日伸多一腳上去好倉就要減磅來炒波幅, 今日國指一直跑輸恆指，拉住港股後腿

今日港股雖然收升，但卻是超樣衰的陰燭， 果然係上到19000 好友齊齊減磅， 連日急升後最容易引起配股潮， 港股出現見短頂訊號, 按計劃好倉食胡減磅鎖定利潤，等回吐再買上

明日恆指季檢 更換成份股，成交會增加，又係好淡大鱷 打交的日子