古星輝
古星輝
古星輝

古星輝 - 培育5G新世代專才|乜都5G

2022/12/02 03:12:46 網誌分類: 經濟
02 Dec
        5G嘅推出及極速發展,為各行各業帶來龐大的發展潛力,亦啟動了新經濟發展。要推動新經濟,必定要有一班新世代專才,所以培育新世代精英一直係我哋嘅其中一項目標。呢件事可以令企業持續發展,切合上市公司於環境、社會及企業管治(ESG)方面嘅目標。

乘着5G推出,我哋公司喺2020年推出見習專業人員及見習行政人員計劃,為一批有志加入行業發展新經濟嘅精英建構一個平台,等佢哋可以喺唔同部門學習,好好裝備自己迎接不同挑戰,亦提供機會盡展所長,喺呢個5G元宇宙新世代幫助公司推廣業務;同時設計咗一個逆向導師(reverse mentorship)環節,由佢哋做導師同我哋分享時下最新所見所聞。呢一批新世代主理過大大小小嘅不同項目,好多都令人有耳目一新嘅感覺,部份更係同元宇宙及藝術科技有關。

要培育專才,首先要自小開始啟發興趣,所以我哋喺幾年前開始參與香港總商會舉辦嘅「商校交流計劃」,希望接觸到更多中學生,令佢哋更早認識到電訊及數碼科技。今年我哋獲配對咗一間有神校之稱嘅女校,而我哋就安排咗呢所學校嘅30位同學,上星期嚟到我哋最新嘅DigiBox商業應用方案展覽館參觀,再安排一個設計元宇宙虛擬化身(avatar)嘅課程俾呢班中學生。
女生對數碼科技感興趣

傳統眼光以為數碼科技屬於男孩子玩意,喺今次活動中,我哋發現原來現時女孩子對數碼科技相當有興趣,見到DigiBox內展示嘅各項5G應用方案都表現得非常雀躍,並爭取時間親身試用,而學習設計avatar亦有板有眼。希望呢次活動可以啟發到佢哋對數碼科技嘅興趣,日後可以喺呢個方向進修及發展。

DigiBox好歡迎全港學校帶你哋嘅學生嚟參觀,如果有興趣嘅話,可以隨時聯絡我哋公司嘅代表。
和記電訊香港行政總裁
古星輝
■一班中學生到DigiBox商業應用方案展覽館參觀,表現雀躍。p/  
 ■一班中學生到DigiBox商業應用方案展覽館參觀,表現雀躍。

   

回應 (0)
我要發表
user

網誌分類