KellyChu - 環保聖誕裝置南豐紗廠展出至一月南豐agnès b.攜手締造綠色聖誕｜Executive日記

2022/12/08 03:11:51 網誌分類: 生活

08 Dec

聖誕就到喇！一直推廣創意文化同環保理念嘅南豐紗廠，今年就同國際時尚品牌agnès b.合作，以回收舊衣布料為原材料，製作高達五點六米嘅「The Dancing Cloak」巨型懸掛聖誕藝術裝置，今日起喺南豐紗廠展出。Kelly昨日有幸提前入場參觀，個聖誕裝置真係又靚又環保，大家得閒記得去睇下，過一個「綠色聖誕」！

「The Dancing Cloak」今日至明年一月六日喺南豐紗廠地下紗廠坊展出。裝置設計以agnès b.今年冬季披風作藍本，並從北極光弧線吸取靈感，將逾五百件回收衣物，製成八十條顏色繽紛嘅布繩，繫於支架上，形成高約五點六米、闊約四點五米嘅聖誕裝置藝術，喺半空浮動，充滿動感美態。

同場仲設有主題展覽，周四至明年一月十五日展出，細訴南豐紗廠同agnès b.嘅可持續發展故事，大家唔好錯過！
Kelly Chu