KellyChu - 大家樂公益密密做誠邀大家睇《好想約你》MV做善事｜Executive日記

2022/12/12 03:11:51 網誌分類: 生活

12 Dec

大家樂一直熱心公益，最近推出全新品牌「有大家，就有大家樂」企劃，製作一連三輯簡單而真摰嘅生活小品，並邀請到「聲夢人氣王」炎明熹為廣告獻唱主題曲《好想約你》，YouTube完整版本發佈短短一周，就達到一百萬觀看次數。為咗慶祝主題曲大受歡迎，大家樂捐出十萬元畀香港認知障礙症協會，並推展「炎明熹好想約你~做善事」慈善捐款活動，鼓勵大家繼續為慈善捐款出一分力。

大家樂早前已捐贈十萬元畀香港認知障礙症協會，而且會加碼，即日起《好想約你》嘅YouTube官方頻道觀看次數由二百萬起計，每額外達到三十萬觀看次數，大家樂會額外捐出五萬元畀香港認知障礙症協會。Kelly覺得大家樂好有心，大家快啲上YouTube聽歌做善事！

另外，慈善捐款活動發佈會昨日舉行，特別嘉賓炎明熹出席活動主持啟動儀式，仲喺現場即席獻唱，用歌聲呼籲大家一齊支持活動。
Kelly Chu